உடல் எடையைக் குறைக்க விரும்பினால் இரவு நன்றாக தூங்கவேண்டும்

by **சிவா** Fri Apr 01, 2011 2:42 pm

உடல் எடை அதிகம் உள்ளவர்கள் எடையை குறைப்பதற்காக உடற்பயிற்சி, நடைப்பயிற்சி சைக்கிள் ஓட்டுவது என்று என்னென்னவோ செய்து பார்க்கிறார்கள். அவர்கள் முயற்சிக்கு எல்லாம் அவர்கள் திருப்தி அடையும் அளவுக்கு எந்த பலனும் கிடைப்பது இல்லை. அப்படிப்பட்டவர்களுக்கு இப்போது நல்ல வழி கிடைத்து உள்ளது. அவர்கள் எல்லாம் இரவில் 6 மணிநேரம் முதல் 8மணி நேரம் நன்றாக தூங்கினால் போதும். அவர்கள் உடல் எடை குறைந்து விடும் என்று ஆராய்ச்சியாளர்கள் தெரிவித்து உள்ளனர்.

அமெரிக்காவில் உள்ள ஒரேகான் மாநிலத்தை சேர்ந்த போர்ட்லாண்டு நகரில் உள்ள உடல் ஆரோக்கிய ஆராய்ச்சி மையம் இந்த வழிமுறையை கண்டுபிடித்துள்ளது. உடல் பருமனான 55 வயதுள்ள 500 பேரை தேர்ந்து எடுத்து அவர்களுக்கு உடல் எடையை குறைப்பதற்காக 22 வகுப்புகளை நடத்தியது. அப்போது இரவு நன்றாக தூங்கும்படி அவர்கள் அறிவுறுத்தப்பட்டனர். அதன்படி 60 சதவீதம் பேர் உடல் எடை 6 மாதங்களில் 41/2 கிலோ குறைந்தது. எனவே ஆழ்ந்த தூக்கமே உடல் எடையை குறைக்க சிறந்த வழி என்று அந்த ஆராய்ச்சி நிறுவனம் தெரிவித்து உள்ளது.