4 இலங்கைக் கடற்படையினர் கடலில் மாயம்:

இந்து · இந்து Fri Apr 01, 2011 3:23 pm

நேற்றைய தினம் முதல் 4 இலங்கைக் கடற்படையினரைக் காணவில்லை என இந்திய ஊடகங்கள் தெரிவித்துள்ளது. இதனை இலங்கை அரசு உத்தியோகபூர்வமாக வெளியிடவில்லை என்பதே அதிர்ச்சிக்கு உரிய விடையமாகும். இந்தியாவில் இருக்கும் ஊடகங்கள் இதனைப் பிரசுரித்துள்ளது. தமிழ் நாட்டின் கரையோரக் கிராமங்களில் உள்ள சுமார் 650 மீனவர்களிடம் இத் தகவல்கள் சொல்லப்பட்டுள்ளதாம். மீனவர்களை அணுகிய தமிழ் நாடு கியூ பிரிவுப் பொலிசார் இலங்கை கடற்படையினர் நால்வரைக் காணவில்லை என்று கூறி அவர்களை நீங்கள் பார்த்தீர்களா இல்லை அவர்கள் படகைப் பார்த்தீர்களா எனத் துருவித் துளைத்துள்ளனர்.

மீன்பிடிக்கச் செல்லும் போது அவர்கள் படகைக் கண்டால், தமக்கு உடனடியாகச் தகவலைத் தெரிவிக்குமாறு தமிழ் நாடு கியூ பிரிவுப் பொலிசார் கூறிச் சென்றுள்ளனராம். சில மீனவர்களிடம், தேடிப்பார்க்கும் படியும் கூறிச் சென்றுள்ளனர் பொலிசார். தம்மை நாளுக்கு நாள் சுட்டும், அடித்து துண்புறுத்தியும், மற்றும் நிர்வாணமாக்கி சுடு மணல் திட்டியிலும் நிற்க்கவைத்த இலங்கைக் கடற்படையினரை தாம் ஏன் தேடவேண்டும் என சில மீனவர்கள் விசனம் தெரிவித்துள்ளனர். இச் சம்பவம் குறித்து இலங்கை ஏன் மெளனம் சாதிக்கிறது என்பது சந்தேகமாக உள்ளது.

சமீபத்தில் ஹபரணையில் தாக்குதல் ஒன்று நடந்ததாகவும் அதில் 5 படையினர் பலியானதாகவும் ஒரு செய்திவெளியானது. அது ஒரு உண்மைக்குப் புறம்பான செய்தி என்றும், அவ்வாறு எதுவும் நடக்கவில்லை என, இலங்கை அரசு கூற முன்னரே, சில தமிழ் இணையங்கள் அதனை எதிர்வு கூறி, பெரும் சாதனை நிகழ்த்தியதுபோல பரவசப்பட்டது யாவரும் அறிந்ததே. ஆனால் இப்போது 4 கடற்படையினரைக் காணவில்லை என்பதனையும் இலங்கை அரசு உத்தியோகபூர்வமாக வெளியிடவில்லை என்பதே உண்மையாகும். இலங்கைக் கடற்படையினர் காணவில்லை என்ற செய்தி இந்தியாவில் இருந்தே முதலில் வெளியாகியுள்ளது என்றால் பாருங்களேன் !

31-3-2011

4 இலங்கைக் கடற்படையினர் கடலில் மாயம்:

4 இலங்கைக் கடற்படையினர் கடலில் மாயம்:

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக