வீட்டுக் குறிப்புகள்

தாமு · தாமு Thu Mar 17, 2011 8:43 am

காலியான டூத் பேஸ்ட் ட்யூப்களை இரண்டாகக் கத்தரித்து, தண்ணீரில் ஊற வைத்து விடுங்கள். பிறகு அந்தத் தண்ணீரில் கண்ணாடிகள், ஜன்னல்கள், மேஜைகள், ஸ்கூட்டர், சைக்கிள் இவற்றைத் துடைக்க, அவை பளிச் பளிச்தான்!

- கீதா ஹரிஹரன், கொல்லம்

கால் கிலோ பச்சரிசியை ஊற வைத்து, நைஸாக அரைத்து தாம்பாளத்தில் பரத்தி வெயிலில் உலர்த்தினால், மாவு சில்லு சில்லாக பெயர்ந்து வரும். அதை டப்பாவில் போட்டு வைத்துக் கொண்டால் தேவைக்கேற்ப (பண்டிகை நாட்களில்) சில்லுகளைக் கரைத்து இழைக் கோலம் போடலாம். மாவும் ‘வேஸ்ட்’ ஆகாது.

- ஜி. நீலா, சென்னை - 18

வீட்டுக் குறிப்புகள் 20-21%20Tips-6

வீட்டுச் சுவரில் விரிசல் இருக்கிறதா? ஒயிட் சிமென்ட்டுடன் சிறிதளவு பேக்கிங் சோடாவைக் கலந்து கரைசலாக்கி விரிசலில் ஊற்றுங்கள். விரிசலே தெரியாதபடி ஒட்டிக் கொள்ளும்!

- என். ஜரினா பானு, திருப்பட்டினம்

வாழை இலை வாங்கி வந்து இரண்டு நாட்கள் வீட்டில் வைத்திருந்தாலே பழுத்து விடும். இலையை சுருட்டிக் கட்டி, படுக்கையாக வைக்காமல், செங்குத்தாக நிமிர்த்தி வைத்துப் பாருங்கள்.. நான்கு நாட்கள் ஆனாலும் இலை பழுக்காது!

- என். ஜரினா பானு, திருப்பட்டினம் வீட்டுக் குறிப்புகள் 20-21%20Tips-5

ஈக்கள் மொய்க்கும் சீஸன் இது. சாப்பாட்டு மேஜை அதிகம் ஈ நாடாமல் இருக்க வேண்டுமா? கொஞ்சம் புதினா அல்லது கறிவேப்பிலையை மேஜை மீது போட்டு வையுங்கள். ஈக்கள் பக்கத்திலேயே வராது!

- ஜி. ஜெயலட்சுமி, சென்னை-64.

ஸ்டீல் பாத்திரங்கள் கறைப்பட்டால், அரை கப் தண்ணீரில் 3 ஸ்பூன் வினிகர் கலந்து ஊற்றி, சூடாக்கி, முழுவதும் ஆவியான பிறகு அடுப்பி லிருந்து இறக்கி கழுவுங்கள். பாத்திரம் பளிச்சிடும்!
வீட்டுக் குறிப்புகள் 20-21%20Tips-7

- மல்லிகா அன்பழகன், சென்னை - 78

வீட்டுக் குறிப்புகள் 20-21%20Tips-8

ஆணி அடிக்கும்போது, ஆணியின் நுனியில் சிறிதளவு தேங்காய் எண்ணெய் தடவினால் சுவரில் எளிதாக இறங்கும்!

- சங்கீதா சுந்தர், குவாலியர்

உங்கள் கேஸ் அடுப்பு, புதியது போல் தோற்றம் அளிக்க வேண்டுமா? சமையல் முடிந்ததும் அடுப்பு சூடாக இருக்கும்போதே சுத்தம் செய்து விடுங்கள். கறைகளை தேடினாலும் கிடைக்காது!

- ஜி.இந்திரா, பெங்களூரு-17
வீட்டுக் குறிப்புகள் 20-21%20Tips-10

துணிகள் கிழிந்து விட்டால் உடனே தையல் போட முடியாத பட்சத்தில், கிழிந்த பாகத்தில் மட்டும் ஒரு செலோ டேப்பை ஒட்ட வைத்து விடுங்கள். இதனால் அந்த இடத்தில் மேலும் நூல் பிரியாமல் இருக்கும்!
வீட்டுக் குறிப்புகள் 20-21%20Tips-11

-விஜயா சீனிவாசன், திருவெறும்பூர்

கோதுமையை வெறும் வாணலியில் லேசாக வறுத்து பின்னர் மாவாக அரைத்து வைத்துக் கொண்டால் வெகு நாட்கள் கெடாது. செய்கின்ற சப்பாத்தி, பூரியும் சற்றே மேம்பட்ட சுவையுடன் இருக்கும்!

- தீபா சதீஷ், சென்னை-75 வீட்டுக் குறிப்புகள் 20-21%20Tips-12

இரவு தூங்குவ தற்கு முன் சமையல் கட்டு ‘ஸிங்க்’ ஓட்டைக்குள் பிளீச்சிங் பவுடரை நிறைய தூவி விட்டு ஒரு கல்லை வைத்து மூடவும். மறுநாள் காலை ஒரு சொம்பு வெந்நீர் ஊற்றி நன்றாகக் கழுவவும். இதனால் குழாயில் அடைப்பு ஏற்படாமல் இருப்பதோடு ஓட்டை வழியாக பூரான், பூச்சியும் வராது. 15 நாட்களுக்கு ஒரு தடவை இப்படி செய்வது நல்லது!

- பி. கமலா, கல்பாக்கம்