வேட்ப்பாளரை அடித்து உதைத்த விஜயகாந்த்

இந்து · இந்து Wed Mar 30, 2011 3:11 am

First topic message reminder :

தேர்தல் பிரச்சாரத்தின்போது ஆதரித்து பேச வந்த தன் கட்சி வேட்பாளரைப் பொதுமக்கள் முன்னிலையிலேயே சரமாரியாக அடித்து, உதைத்த நடிகர் விஜயகாந்தின் செயல் மக்களிடையே பெருத்த அதிர்ச்சியை ஏற்படுத்தியுள்ளது. தருமபுரியில் தே.மு.தி.க வேட்பாளர் பாஸ்கருக்கு ஆதரவாக தேமுதிக தலைவர் விஜயகாந்த் தேர்தல் பிரச்சாரம் செய்ய வந்தார். பிரச்சார வேளையில் கூட்டத்தில் கொடி பிடித்து நின்றிருந்த "விஜய்" ரசிகர் நற்பணி மன்றத்தினரைக் கொடியினை இறக்குமாறு கூறி கத்தினார்.

தொடர்ந்து தன் கட்சி வேட்பாளருக்கு ஓட்டு கேட்டு பேசிக் கொண்டிருந்த விஜயகாந்த், வேட்பாளரின் பெயரைப் பாஸ்கருக்குப் பதிலாக பாண்டியன் என குறிப்பிட்டார். தன் பெயரைத் தலைவர் மாற்றி கூறுவதைக் கேட்ட வேட்பாளர் பாஸ்கர், அதனை விஜயகாந்துக்கு நினைவுபடுத்து முகமாகவும் பொது மக்களைப் பார்த்து அறிமுகமாகும் முகமாகவும் விஜயகாந்த் பேசிக்கொண்டிருந்த வேனின் மேல் பகுதிக்கு வர முயன்றார். ஆனால், அவரை மேலே வரவிடாமல் ஆத்திரத்துடன் நாகரீகமின்றி அவரைப் பொதுமக்கள் முன்னிலையிலேயே சரமாரியாக அடித்தார். இக்காட்சியினை மக்கள் தொலைக்காட்சி தெளிவாகப் படம் பிடித்து ஒளிபரப்பியுள்ளது.

**அருண்** · **அருண்** Wed Mar 30, 2011 8:31 pm

சொந்த கட்சி வேட்பாளரையே தாக்கும் விஜயகாந்த் ஒரு தலைவரா என, நடிகர் வடிவேலு கேள்வி எழுப்பியுள்ளார்.

தர்மபுரி சட்டமன்ற தொகுதியில் தேமுதிக சார்பில் பாஸ்கர் என்பவர் வேட்பாளராக போட்டியிடுகிறார். அவரை ஆதரித்து தேமுதிக தலைவர் விஜயகாந்த் திறந்த வேனில் பிரச்சாரம் செய்தார். அப்போது வேட்பாளர் பெயரை பாண்டியன் என விஜயகாந்த் உச்சரித்தார். இதனையடுத்து அந்த வேட்பாளர் தனது பெயரை பாஸ்கர் என கூறியுள்ளார்.

இதனால் ஆத்திரம் அடைந்த விஜயகாந்த், அந்த இடத்திலேயே பாஸ்கரை சரமாரியாக அடித்தார். பெயரை மாற்றி சொன்னதை சுட்டிக்காட்டிய வேட்பாளரை விஜயகாந்த் தாக்கியதால் அந்த இடத்தில் பரபரப்பு ஏற்பட்டது. சொந்தக் கட்சி வேட்பாளரையே விஜயகாந்த் அடித்தது அக்கட்சியினரிடையே கொந்தளிப்பை ஏற்படுத்தியுள்ளது.

இந்நிலையில் பல்லாவரம் தொகுதியில் போட்டியிடும் திமுக வேட்பாளர் தா.மோ.அன்பரசனை ஆதரித்து நடிகர் வடிவேலு பிரச்சாரம் மேற்கொண்டார். அப்போது பேசிய வடிவேலு,

தர்புரியில் விஜயகாந்த் கட்சி வேட்பாளர் பெயர் பாஸ்கர். பாஸ்கர் அவர்களுக்கு ஓட்டு போடுங்கள் என்று சொல்லுவதற்கு பதிலாக, வேட்பாளர் பாண்டியன் அவர்களுக்கு ஓட்டு போடுங்கள் என விஜயகாந்த் சொல்லியிருக்கிறார். எத்தனாவது ரவுண்டில் அவர் இருந்தார் என்று தெரியவில்லை. (பலத்த கைதட்டல்)

உடனே கூட இருந்த வேட்பாளர், என் பெயர் பாண்டியன் இல்ல அண்ணே, பாஸ்கர் என்று கூறியுள்ளார். ஜனங்க கூடியிருக்காக அவங்களுக்கு முன்னாடி ஒரே அடி. வேட்பாளரை அடிச்சிருக்கிறார். வேட்பாளரை அடிக்கலாமா. நீ தண்ணிய போட்டு உளறியிருக்க. வேட்பாளர் தன்னுடைய பெயரை எடுத்துச் சொல்றாரு. திருப்பி அடித்திருக்கிறார். அடிச்ச அடியில வேட்பாளரின் ரெண்டு பல்லு விழுந்திருச்சி. அதை அப்படியே வேட்பாளர் முழுங்கிட்டாரு. வெளியே துப்பினால் வேட்பாளருக்கு அசிங்கம்.

அய்யோ இப்படிப்பட்ட தலைவன் கிட்ட சேர்ந்திருக்கிறோமே, ஓபனிங் எல்லாம் இவனுக்கிட்ட நல்லதான் இருக்கு. பினிசிங் சரியில்லையே என அங்கிருந்தவர்கள் பார்த்தார்கள். கருப்பு எம்ஜிஆருக்கு எப்படின்னா பில்டிங் ஸ்டார்ங். ஆனால் பேஸ் மட்டம் வீக். (பலத்த கைதட்டல்)

தவறை சுட்டிக்காட்டிதைக் கூட பொறுத்துக்கொள்ள முடியாதவர் எல்லாம் தலைவரா. இவர் பெரிய பெரிய பொறுப்புகளுக்கு ஆசைப்படலாமா. விருத்தாசலம் தொகுதி மக்களுக்கு எதுவும் செய்யவில்லை. மீண்டும் அங்கு நின்றால் தோற்றுவிடுவோம் என்ற பயத்தில் ரிஷிவந்தியம் தொகுதியில் போட்டியிடுகிறார். இவ்வாறு வடிவேலு பேசினார்..

nakkheeran

**Manik** · **Manik** Wed Mar 30, 2011 8:32 pm

இருந்தாலும் வடிவேலு ரொம்பதான் பேசுறான் இதனால் அவனுக்கு இருக்குற ரசிகர்கள் வெகுவாக குறைய வாய்ப்புண்டு.....

**Aathira** · **Aathira** Wed Mar 30, 2011 8:36 pm

இவரு பேசுவது ஒரு புறம் இருக்கட்டும்.

அடித்ததைப் பார்த்து (தொலைக்காட்சியில்) மனம் நொந்தேன். அவரும் ஆமாம் அடித்தேன் என்று ஒத்துகொண்டிருக்கிறாரே. என்ன தமிழ்நாட்டுக்கு வந்த -----விதி!!!!

**Manik** · **Manik** Wed Mar 30, 2011 8:36 pm

வேட்பாளர் சரி இல்ல என்றால் இப்படி சில வேலைகள் செய்யவேண்டியிருக்கும் அக்கா இதெல்லாம் அரசியல்ல சகஜமப்பா

**Aathira** · **Aathira** Wed Mar 30, 2011 8:40 pm

Manik wrote:வேட்பாளர் சரி இல்ல என்றால் இப்படி சில வேலைகள் செய்யவேண்டியிருக்கும் அக்கா இதெல்லாம் அரசியல்ல சகஜமப்பா

ஒரு தலைவர் கண்ணுக்கு மறைவா என்ன கருமத்தை வேணாம் செய்யலாம். இப்படியா ஊரைக்கூட்டி.. உலகத்தைப் பார்க்க வைத்து....அயல் நாடுகளில் நம் நாட்டின் மாணம் தொலைக்காட்சி வழியாக.. பறக்குதே.. வேட்பாளரை அடிக்கும் விஜயகாந்த் தலைவரா? வடிவேலு!! - Page 3 56667

வேட்பாளரை அடிக்கும் விஜயகாந்த் தலைவரா? வடிவேலு!! - Page 3 56667

அப்துல் · அப்துல் Wed Mar 30, 2011 11:12 pm

அடித்தது தப்பு தானே ?

அப்துல் · அப்துல் Wed Mar 30, 2011 11:15 pm

நல்ல மறுப்பு கேப்டன்

அசுரன் · அசுரன் Wed Mar 30, 2011 11:29 pm

இவர் கையால அடிவாங்குறவனே(றே) மகாராஜா ஆனால் இவரு என்ன ஆவாராம்? புன்னகை

அரசியல் ல இதெல்லாம் சகஜமப்பா புன்னகை

md.thamim · md.thamim Thu Mar 31, 2011 2:53 am

சென்னை: தனது வேட்பாளரை விஜயகாந்த் அடித்ததில் எந்தத் தவறும் இல்லை.
மக்களைப் பொறுத்தவரை இது ஒரு மேட்டரே இல்லை, என்று கூறியுள்ளார் அரசியல்
விமர்சகரும் பத்திரிகையாளருமான சோ.

தர்மபுரி
தொகுதி தேமுதிக வேட்பாளர் பாஸ்கரனை, மக்கள் முன்னிலையில் சரமாரியாக
விஜயகாந்த் அடித்த விவகாரம் பெரும் சர்ச்சையைக் கிளப்பியுள்ளது.

இதுதொடர்பாக
விஜயகாந்துக்கெதிரான கடும் விமர்சனங்களை முன் வைத்துள்ளனர் பல கட்சித்
தலைவர்களும். ஆனால் விஜயகாந்தோ, என் ஆளைத்தானே அடிச்சேன். உங்களுக்கென்ன
வந்தது... என்கிட்ட அடிவாங்கினவன் மகாராஜனாய் வருவான், என்று கருத்து
தெரிவித்துள்ளனர்.

இதுகுறித்து பத்திரிகையாளர் சோவிடம் கருத்து
கேட்கப்பட்டது. விஜயகாந்தை போயஸ் தோட்டம் பக்கம் கொண்டு போய் சேர்த்ததில்
முக்கிய பங்கு இவருக்கு உண்டு என அரசியல் வட்டாரத்தில் கூறப்படுவதால், சோ
கருத்தையும் கேட்க ஆவலாக இருந்தனர் பத்திரிகையாளர்கள்.

இதுகுறித்து
அவர் கருத்து கூறுகையில், "எனக்கென்னமோ இது ஒரு பெரிய விஷயமாவே படல.
வேட்பாளரை அடிப்பதையெல்லாம் சீரியஸா எடுத்துக்க முடியுமா... அவரு ஏதோ
வேகத்துல அடிச்சிருப்பார். அவங்க கட்சி ஆள்தானே... இதெல்லாம் ஒரு மேட்டரே
இல்ல. ஜனங்க இதை சீரியஸாகவும் எடுத்துக்க மாட்டாங்க", என்றார்.

நன்றி :ஒன் இந்தியா

தாமு · தாமு Thu Mar 31, 2011 5:27 am

வடிவேலுக்கு வேறு வேலையே இல்லையா? விஜயகாந்த பத்தி மட்டும் புறம் பேசிக்கிட்டு திறியறார் வேட்பாளரை அடிக்கும் விஜயகாந்த் தலைவரா? வடிவேலு!! - Page 3 56667

Sponsored content · Sponsored content

வேட்பாளரை அடிக்கும் விஜயகாந்த் தலைவரா? வடிவேலு!!

வேட்ப்பாளரை அடித்து உதைத்த விஜயகாந்த்

வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

வேட்பாளரை அடிக்கிறதெல்லாம் ஒரு மேட்டரே இல்லை!-சோ

Re: வேட்பாளரை அடிக்கும் விஜயகாந்த் தலைவரா? வடிவேலு!!

Re: வேட்பாளரை அடிக்கும் விஜயகாந்த் தலைவரா? வடிவேலு!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக