கூடா நட்பு ! - குடும்ப வன்முறையின் பிரதிபலிப்பா?

by மீனு Thu Sep 03, 2009 11:50 am

சொந்த கணவனையே குண்டு வைத்து கொன்று இருக்கிறார் மனைவி.
காரணம் கூடா நட்பு என்று போலீஸ் கூறுகிறது. உண்மை என்ன என்று சம்பந்தப்பட்ட பெண்மணிக்குத் தான் தெரியும்.

கொலைக்கு காரணம் கூடா நட்பு, புராணங்களில் சொல்லப்படுவது போல் கைக்கிளை என்று ஒட்டுமொத்தமாக ஒதுக்கித்தள்ளி விட்டு அடுத்த வேலையையைப் பார்க்க கிளம்பிவிடுகிறோம். மீறிப் போனால் ,‘இவளெல்ளாம் ஒரு பெண்ணா‘ என்று விமர்சித்து,கொஞ்சம் உச்சுக்கொட்டி விட்டு அடுத்து இதேபோல் ஒரு கதை பற்றி கருத்து சொல்கிறோம்.

செய்திதாள்களின் சிறு பக்கங்களை இந்த மாதிரி செய்திகள் ஆக்கிரமித்திருந்தாலும் பெரும் கவலைக்குள்ளான விசயம். ஒட்டுமொத்த சமுகமூம் இது குறித்து ஆராய இது சரியான தருணம். கூடா நட்பு காலம் காலமாக இருந்து வருகிறது என்று புராணத்தை உதாரணம் காட்டிவிட்டு தப்பித்துகொள்ள இது ஒரு நாள் நிகழ்வல்ல. இந்தியா போன்ற காலாச்சாரம் மிகுந்த நட்டில் இப்படி நடக்கலாமா...? இந்தியக் காச்சாரம், பண்பாடு சீரழிந்துவருகிறது-ஒத்துக்கொள்ளக்கூடிய கருத்துதான்.

ஆனால் இது போன்ற சம்பவங்கள் நடைபெற காரணங்கள் என்னவாக இருக்க முடியும்?.

உடனே பெண் சுதந்திரமும், பெண் கல்வியும் கேள்விக்குள்ளாக்கப்படும்.
இது பெண் சுதந்திரமடைந்ததால்,பெண்கள் கல்வி கற்றதால் எழுந்த பிரச்சனையா என்றால் நிச்சயாமாக இல்லை...
பெண்ணுக்கு பொருளாதர சுதந்திரம் கிடைத்ததால் எழுந்த பிரச்சனையா என்றால் நிச்சயமாக இல்லை...

இதுபோன்ற சம்பவங்கள் நடக்க பெண் பெண்ணாக,குறைந்த பட்சம் ஒரு மனுஷியாக நடத்தப்படாததுதான் காரணம் என்பதை ஒத்துக்கொள்ள பெரும்பாலானோரால் இயலாது.

பெண்தானே சமுகத்தின்,இந்த பண்பாட்டின், அந்த பண்பாட்டை முன்னெடுத்து செல்வதில்ஆணிவேர். அந்த ஆணி வேரே தடம் புரண்டால் நாடு என்னாகும் என்று கவலைப்படுபவர்கள் ,ஒரு நிமிஷம்....

உங்கள் வீட்டில் உங்கள் மகள்,மனைவி,அம்மா எப்படி நடத்தப்படுகிறார்...யோசியுங்கள்.

தங்கள் கருத்துகளை முழுமையாக ,தைரியமாக சொல்ல அவருக்கு வாய்ப்பு கொடுக்கப்பட்டிருக்கிறதா...

உங்கள் வீட்டில் வளர்கிற பெண்களின் ஆசைகள்,விருப்பங்கள், லட்சியங்கள் பற்றிஉங்களுக்கு எதாவது தெரியுமா... ?இந்த மாதிரியான கேள்விகளுக்குபெரும்பாலும் தெரியாது என்பதுதான் பதிலாக இருக்கும்.

இன்று பெண்கள் வேலை, வீட்டு நிர்வாகம் என இரட்டை சுமைக்கு ஆளாகி உள்ளனர்.மனஅழுத்த நோயினால் பாதிப்புக்கு உள்ளாகி இருப்பது ஆண்களை விட பெண்கள்தான்அதிகம் என்கின்றனர் ஆய்வாளர்கள். ஏன்...?

சர்வதேச அறிகைகள்,‘வீடுதான் பெண்களுக்கு பாதுகாப்பற்ற இடம்‘ என்கிறது. குடும்ப வன்முறை இந்தியாவின் இயல்பான விசயமாகிவிட்டது.

குடும்ப நிறுவனம் தோன்றியதே பதுகாப்பான,அன்பான ,அமைதியான சூழல் அமைவதற்குதானே... ஆனால் இன்று அந்த குடும்பங்களில் என்ன நடக்கிறது... ?

வீடு....

பெண்ணுக்கு வன்முறை நடக்கும் இடம்...
பெண் வெறும் தொழிலாளியாகவே நடத்தப்படும் இடம்
அடக்கு முறையின் இடம்...
அதிகாரத்தின் இடம்...
பெரும்பாலான இந்திய குடும்பங்கள் இப்படித்தான் இருக்கிறது.
அதனால் தான் நிமிடத்திற்கு 4 பெண்கள் வன்முறையால் பதிக்கப்படுகின்றனர்.

இந்த மாதிரியான சமுக சூழலும், 24மணிநேரமும் கொலை,கூடா நட்பு பற்றிக் காண்பிக்கும் வரவேற்பரை சாபமான தொலைக்கட்சி பெட்டியும்,உலகமயமாக்களினால் கிடைத்த மேற்கு கலாச்சாரப் பின்பற்றலும் இது போன்ற சம்பவங்கள் நடைபெற காரணம் என்றாலும், வாழ்வியலின்மீது நாம் கொண்டிருந்த மதிப்பீடுகள் குறைந்து வருவது தான் காரணம்.
21ம் நூற்றாண்டின் பெரும் கருத்தியலான பணம் தான் வாழ்க்கை என்ற கற்பிதங்களும் தான் காரணம் .

விவாதம் விரிவடைய வேண்டும் அனைத்து தளங்களிலும்.

மனுஷி