உயிரில் உருவான உயிர் பூ..

by மலிக்கா Wed Mar 30, 2011 9:34 am

பள்ளிப்பருவத்தில் என்
பனிக்குடத்தில்
பூத்த பனிப் பூவே!
முன்னூறு நாட்கள் மூச்சடக்கி
முக்குளித்து நானெடுத்த
ஆழிமுத்தே!

உன்னைத்
தாங்கிய நாள் முதலாய்
என்னுள்
எண்ணிலடங்கா வேதனைகள்
அத்தனையும் பறந்ததடி
ஈன்றெடுத்த மறுநொடியே
காற்றோடு கலந்ததடி

வெண்பஞ்சு மேகம்போல்
வெள்ளிக் குருத்துப்போல்
தேனில் குழைத்தெடுத்த
செந்நிற சந்தனம்போல்
என்கண்கள் உனை கண்டபோது
எனைநான் மறந்து நின்றேன்
என் மெய்சிலிர்க்கக் கண்டேன்

உன் பிஞ்சுக் கன்னம்
நான் தொட்டபோது
என் உள்ளம் துள்ளக் கண்டேன்
என் இறைவன் தந்த ”தேவதை”யென
உனை அணைத்துக் கொண்டேன்

புல்லாங்குழலின் சங்கீதம்போல்
உன் சின்ன சிணுங்களில்- என்
என் தேகம் மொத்தம்
சிறகடிக்கக் கண்டேன்

நான்பிறந்த நற்ப்பலனை
என்னவனிடம் கண்டேன்
என் பெண்மையின் முழுமையை
உன்னில்நின்றுதான் கொண்டேன்...

by ஸ்ரீமதி வேலன் Wed Mar 30, 2011 9:39 am

ஒரு தாயின் அழகான வரிகள் ............ உயிரில் உருவான உயிர் பூ.. 677196

by மலிக்கா Wed Mar 30, 2011 9:49 am

[quote="oviya sri"]ஒரு தாயின் அழகான வரிகள் ............ குஓட்டே
உணரப்பட்ட உணர்வுகள்.

மிக்க நன்றி ஓவியா..

by ஸ்ரீமதி வேலன் Wed Mar 30, 2011 9:53 am

அந்த உணர்விற்காக காதிருக்கிறேன் ..............ஒரு நாள் நடக்கும் .......எல்லா பெண்மையும் முழுமையடைய ஏங்கி தவிக்கும் உணர்வு அது உயிரில் உருவான உயிர் பூ.. 599303

by மலிக்கா Wed Mar 30, 2011 10:00 am

oviya sri wrote:அந்த உணர்விற்காக காதிருக்கிறேன் ..............ஒரு நாள் நடக்கும் .......எல்லா பெண்மையும் முழுமையடைய ஏங்கி தவிக்கும் உணர்வு அது

நிச்சயம் கிடைக்கும் இறைவன் நாடுவான் பெண்மையின் முழுமை தாய்மையடையும்போதுதான் என்கிறார்கள் அது உண்மைதான்.
அதன் உணர்வுகளும் நெகிழ்வுகளும் அப்பப்பா வார்தைகளில் வர்ணிக்கமுடியாது.
காத்திருப்பதின் பலன் கண்டிப்பாக கிடைக்கும் வேண்டிக்கொள்வோம் இறைவனிடம்..

by **Manik** Wed Mar 30, 2011 10:39 am

சூப்பரா எழுதியிருக்கீங்க கவிதையை..... ரொம்ப அழகா இருக்கு...

ஒவ்வொரு பெண்ணின் மனதிலும் இது நிலைத்து நிற்கும் அக்கா உயிரில் உருவான உயிர் பூ.. 677196

by மஞ்சுபாஷிணி Wed Mar 30, 2011 10:55 am

பெண்மை எப்போது முழுமை பெறுகிறது?
தாய்மை என்ற விஸ்வரூபம் அடையும்போது....
தாய்மையின் உணர்வுகளை இங்கே வரிகளாக மனம் நெகிழ்ந்து விட்டது வாசிக்கும்போதே... கொஞ்சம் எழுத்துப்பிழைகளை சரி செய்துவிட்டால் போதும்பா.... அழகு அழகு தாய்மை அழகு அந்த தாய்மை இங்கே உணர்வுகளை வடித்தது அத்தனையும் அழகு.. என் அன்பு வாழ்த்துக்கள் மலிக்கா.... இறைவன் அருளால் தாய் சேய் இருவரும் நலமுடன் இருக்க என் அன்பு பிரார்த்தனைகள்பா... உயிரில் உருவான உயிர் பூ.. 154550