எரிமலைக் குழம்பு எப்போது வெடிக்கும்?

வாஷிங்டன் பல்கலைக்கழக விஞ்ஞானிகள் மின்னல்களை ஆராய்ந்த போது, அவற்றின் தொடர்பில் எரிமலைக் குழம்பு வெடிப்பை முன்னதாகவே அறியலாம் என்ற புதிய செய்தியை அறிந்தார்கள்.இந்த கண்டுபிடிப்பு விமான சர்வீசுக்க மிகவும் அவசியமானது .ஏனெனில் எரிமலை வெடிப்பில் வெளிப்படும் சாம்பலால் விமான எஞ்சின்கள் பழுதுபடுகின்றன.இது இப்போது "சேட்டிலைட்டு'களின் மூலம் கண்காணிக்கப்படுகின்றது.ஐஸ்லாண்ட் நாட்டில் இஜாப்பலுஜாக்குல் எரிமலை வெடித்தபோது ஒரு வார காலத்திற்கு ஐரோப்பா முழுவதும் விமான சர்வீஸ் நின்று விட்டது. காரணம், மேலே மூடிப் படர்ந்த எரிமலை சாம்பல்.எரிமலை வெடிக்கும் போது ஓடும் மேகங்கள் மின்னலை உண்டாக்குகின்றன என்பதை எட்வர்டு பல்கலைக்கழக விஞ்ஞானியும், ராபர்ட் ஹோல்டஸ் ஒர்த் என்பவரும் இணைந்து கண்டுபிடித்தார்கள்.

நியூசிலாண்ட் விஞ்ஞானிகள் துணையில் உலகம் முழுவதிலும் 52 பகுதிகளில் மின்னல் அறியும் அமைப்புத் தொடர் இணைப்பு இதற்காக அமைக்கபெற்றது.விண்வெளியின் உயர்பகுதியை "அயனோஸ்ஃபியர்' என்கின்றோம். அவ்விண்வெளியில் வலம் வரும் விஞ்ஞான ஆய்வகங்களின் ஆன்டிரினாவானது ரேடியோ அலைவரிசை தாழும் மாறுதலைக் கண்டு, பூமிக்கு சமிக்ஞை அனுப்புகின்றது. இதன் மூலம் உலகில் நிகழும் பத்து சதவீத சமிக்ஞைகளை மட்டுமே அறிகின்றோம். அதில் உலகின் பாதியளவுத் தொலைவே அறியப்படுகின்றது.விஷயம் என்னவென்றால், எரிமலை வெடிப்பதற்கு ஒரு மணி நேரத்திற்கு முன்பே மேகங்களில் மின்னல் ஏற்படுவதை வைத்துதான் எரிமலை வெடிப்பு உடனுக்குடன் அறியப்படுகின்றது.

இந்த மின்னல் அதிர்வுகள் ஒரு இடிப்புயலைப் போல் சமிக்ஞைகளின் மூலம் கருவிகளில் பதிவாகின்றன. இதன் மூலம் ஒரு மணி நேரத்தில் எரிமலை வெடிக்கப்போவது தெரிந்து கொள்ளப்படுகின்றது.அலாஸ்கா மாகாணத்திலும், ரஷ்யாவில் தூரகிழக்கு மாகாணங்களிலும் 200க்கும் அதிகமான எரிமலைகள் உள்ளன. சிலியின் தென்பகுதியில் "செய்த்தன்' எரிமலைக் குழம்பு வீச்சை ஆராயும் தூண்டுதல் விஞ்ஞானிகளுக்கு எழத்தான் செய்தது. ஆனால், நுண்கருவிகள் அண்மையில் இன்மையால், அது முடியாது போயிற்று

-தாமஸ் கண்ணன்