யுவராஜ் சிங் கூலாக இருக்க வேண்டும்: கங்குலி அட்வைஸ்

by ரபீக் Tue Mar 29, 2011 10:49 am

உலக கோப்பை கிரிக்கெட் போட்டியில் 30.03.2011 அன்று நடைபெறும் 2வது அரை இறுதிப் போட்டியில் இந்தியா பாகிஸ்தான் அணிகள் பலப்பரீட்சை நடத்துகின்றன.

இப்போட்டி யுவராஜ் சிங் பிறந்த ஊரான சண்டிகரில் உள்ள மொகாலி, பஞ்சாப் கிரிக்கெட் சங்க மைதானத்தில் நடக்கிறது.

இதுகுறித்து, கடந்த 2003ல் இந்திய அணியை பைனலுக்கு அழைத்துச் சென்ற முன்னாள் கேப்டன் கங்குலி கூறியதாவது,

இந்தியா பாகிஸ்தான் அணிகளுக்கு இடையிலான அரையிறுதி போட்டி, இரு அணியினருக்கும் மிக முக்கியமான ஒன்று. இப்போட்டியில் இந்திய வீரர்களுக்கு சற்று நெருக்கடி அதிகமாக இருக்கும். ஏனெனில் சொந்த மண்ணில், உள்ளூர் ரசிகர்களின் முன்னிலையில் விளையாட இருப்பதால் இந்திய வீரர்கள் மீது அதிக எதிர்பார்ப்பு இருக்கும். ஆனால் இதுகுறித்து கவலைப்படத் தேவையில்லை. முழுதிறமையை வெளிப்படுத்தும் பட்சத்தில் சுலப வெற்றி பெறலாம்.

சொந்த ஊரில் விளையாட உள்ள யுவராஜ் சிங் மிகுந்த கவனமுடன் செயல்பட வேண்டும். பேட்டிங் செய்ய மைதானத்திற்குள் வரும் போது கூலாக களமிறங்க வேண்டும். ஏனெனில் உள்ளூர் ரசிகர்கள் இவரிடம் இருந்து நிறைய எதிர்பார்ப்பார்கள். ஆனால் இதுகுறித்து சிந்திக்காமல், இயல்பான ஆட்டத்தை வெளிப்படுத்தினால் போதுமானது. இதுவரை சிறப்பாக விளையாடி அணியின் வெற்றிக்கு வித்திட்டுள்ள இவர், முக்கியமான அரையிறுதியிலும் கைகொடுப்பார் என நம்புகிறேன் என்று கங்குலி கூறியுள்ளார்.

நக்கீரன்

by **சிவா** Tue Mar 29, 2011 10:50 am

எல்லாம் அவருக்குத் தெரியும் கருங்காலி சார்! நீங்க உங்க வேலையைப் பாருங்க!

by **Manik** Tue Mar 29, 2011 10:51 am

ஆமாம் கண்டிப்பா யுவராஜ் சிங் அடிக்கனும்னு எல்லாரும் எதிர்பார்ப்பாங்க.....

யுவராஜ் சிங்கிற்கு நெருக்கடி அதிகம் இருக்கும். அதை இவர் அமைதியாக இருந்துதான் சமாளிக்க வேண்டும் அவசரப்பட்டார் என்றால் இவர் கதி அம்பேல் தான்

by ரபீக் Tue Mar 29, 2011 10:58 am

சிவா wrote:எல்லாம் அவருக்குத் தெரியும் கருங்காலி சார்! நீங்க உங்க வேலையைப் பாருங்க!

அவர் ஒரு சிறந்த ஆட்டக்காரர் என்பது உங்களுக்கு தெரியாத தல ?

by **Manik** Tue Mar 29, 2011 10:59 am

அதான் சிறந்த ஆட்டக்காரர் (டபுள் கேம்) என்பது எல்லாருக்கும் தெரியுமே

by ரபீக் Tue Mar 29, 2011 11:01 am

Manik wrote:அதான் சிறந்த ஆட்டக்காரர் (டபுள் கேம்) என்பது எல்லாருக்கும் தெரியுமே

அவருடைய கடைசி காலங்களில் அவருடைய ஆட்டம் பாதிக்கப் பட்டது என்ன்வோ உண்மைதான் ,,அதற்காக இப்படி கூறுவது முற்றிலும் தவறானது

by **Manik** Tue Mar 29, 2011 11:03 am

அவரோட ஆட்டம் மட்டுமா பாதிக்கப்பட்டது..... 2003 உலக கோப்பை போட்டியில் ஒற்றுமையின்மையே இந்தியா தோல்வி பெற காரணமாய் இருந்தது. அன்னைக்கே இந்தியா ஆஸ்திரேலியாவுக்கு ஆப்பு வைத்திருந்தால் இன்னைக்கு இவ்ளோ தூரம் வளந்துருப்பானா

by ரபீக் Tue Mar 29, 2011 11:06 am

Manik wrote:அவரோட ஆட்டம் மட்டுமா பாதிக்கப்பட்டது..... 2003 உலக கோப்பை போட்டியில் ஒற்றுமையின்மையே இந்தியா தோல்வி பெற காரணமாய் இருந்தது. அன்னைக்கே இந்தியா ஆஸ்திரேலியாவுக்கு ஆப்பு வைத்திருந்தால் இன்னைக்கு இவ்ளோ தூரம் வளந்துருப்பானா

என்ன ஒற்றுமையின்மை ? எனக்கு தெரிந்து கங்கூலியுடைய தலைமையில்தான் ஓரளவு ஒற்றுமையுடன் ஆடினார்கள் ,,,(அவர் டால்மியாவின் ஆதரவாளர் என்பது அவருக்கு இன்னுமொரு கூடுதல் )

by **சிவா** Tue Mar 29, 2011 11:07 am

ரபீக் wrote:
சிவா wrote:எல்லாம் அவருக்குத் தெரியும் கருங்காலி சார்! நீங்க உங்க வேலையைப் பாருங்க!

அவர் ஒரு சிறந்த ஆட்டக்காரர் என்பது உங்களுக்கு தெரியாத தல ?

தெரியும் மாம்ஸ்! சச்சினுக்கு அடுத்து இந்தியாவில் அதிக ரேங்கிங்கில் உள்ள வீரர்! ஆனால் இவர் மற்ற வீரர்களுடன் என்றுமே அனுசரித்துச் செல்வதில்லை! இதனால்தான் இவர் கேப்டனாக இருந்தபொழுது இந்திய அணி பலத்த சரிவைச் சந்தித்தது! கோபம் அதிகம்!