பாலியல் கொடுமையிலிருந்து குழந்தைகளைப் பாதுகாக்க..

* குழந்தைகள் பாலியல் பலாத்காரத்திற்கு உள்ளாவது கொடூரமானது. சில்மிஷம் என்றால் என்ன என்று தெரியாத பருவத்திலேயே குற்றம் நடந்துவிடுவதால் கிட்டத்தட்ட நிறைய குழந்தைகள் இதுபோன்ற பாதிப்புகளுக்கு உள்ளாக்கப்படுவதாக ஆய்வுகள் எச்சரிக்கின்றன. மனஊனம் கொண்ட மனிதர்கள் தங்கள் பாலியல் தேவைகளைத் தீர்த்துக் கொள்வதற்காக சிறுவர்-சிறுமிகளை பயன்படுத்திக் கொள்வதே குழந்தை பாலியல் கொடுமையாகும். இதை தடுக்க ஒவ்வொரு குழந்தைக்கும் சுய பாதுகாப்பு திட்டத்தை கற்றுக் கொடுக்க வேண்டும்.

* குழந்தைகளின் வயதிற்குப் பொருத்தமான தகவல்களை கொடுத்து அவைகளுக்கு சுய மதிப்பை கற்றுத் தருவதுதான் சரியான சுய பாது காப்பு திட்டமாகும். பெற்றோர், பள்ளி நிர்வாகம், சமூகத்தினர் யாவரும் இந்த விஷயத்தில் விழிப்பு ணர்வு கொள்வதோடு விழிப்பு ஏற்படுத்தவும் வேண்டும்.

* உள்ளாடைகள் அணிந்து மறைக்கப்படும் உறுப்புகளே அந்தரங்க உறுப்புகள் என்பதை குழந் தைகளுக்கு கற்றுக் கொடுங்கள். உனது உடலைத் தொட உரிமை இல்லை என்று குழுந்தைகளிடம் தெளிவுபடுத்துங்கள்.

* அன்பு, ஆதரவு, அக்கறை, உதவிக்காக செய்யும் தொடுதல்கள் பாதுகாப்பான தொடுதலாகும். குழந்தைகளை காயப்படுத்துகிற அல்லது வருத்தமூட்டுகிற, உணர்வு களைத் தூண்டுகிற தொடுதல்கள் பாதுகாப்பற்ற தொடுதலாகும். இன்னும் சில தொடுதல் கள் எந்த வகையைச் சேர்ந்தது என்று தெரியாமல் குழப்பத்தை ஏற்படுத்தும். எதற்காக இவர் இப்படித் தொடுகிறார் என்று தெளிவாகத் தெரியாத தொடுதல் குழப்பமான தொடுதலாகும். எது தவறான தொடுதல் என்பதை தொடப்படுபவர் தான் தீர்மானிக்க வேண்டும்.

* சிறுவர்-சிறுமிகளைத் தொடாமலும் பாலியல் கொடுமை இழைக்கலாம். பாலியல் இன்பத்துக்காக குழந்தையை கட்டிப்பிடித்தல், முத்தமிடுதல், பாலியல் செய்கைகளை பார்க்கச் சொல்லுதல், மறைவு உறுப்புகளை காட்டுதல் போன்றவை குற்றமாகும்.

* ஒவ்வொரு பெற்றோரும் குழந்தையின் பாதுகாப்பில் உண்மையான அக்கறை கொண் டிருக்கலாம். ஆனால் எப்போதும் கண் காணித்துக் கொண்டிருக்க முடியாது. எனவே சுய பாதுகாப்பு நடத்தையை கற்றுக் கொடுப் பதுதான் உங்கள் குழந்தைகளை பாதுகாக் கும் சரியான வழி என்பதை பெற்றோர் மறக்கக் கூடாது.

* தன்னை உயர்வாகவும், வலிமையாகவும் எண்ணும் பழக்கத்தை குழந்தைக்கு ஊட்ட வேண்டும். குழந்தைகள் தாம்பத்யம், உறுப்பு சம்பந்தமாக சிக்கலான கேள்விகளை கேட்டாலும் அவர்கள் புரிந்து கொள்ளும் வகையிலான எளிய, உண்மையான விளக்கங்களை அளிக்க வேண்டும்.

* முதலில் உங்கள் குழந்தைகள் சொல்வதை நம்புங்கள். `இதுபற்றியெல்லாம் குழந்தையிடம் பேசக்கூடாது' என்று நினைப்பது தவறு. அப்படி இருப்பது ஏதாவது ஒரு சூழலில் குழந்தைக்கு நெருக்கடியை உருவாக்கினால், யாரிடம் உதவி கேட்பது என்று தெரியாமல் குழந்தை தவிக்கும் நிலை உருவாகி விடும்.

* குழந்தைகளுடன் இருப்பவர்களைப் பற்றி அறிந்து வைத்திருங்கள். நல்ல பழக்கவழக் கங்களை சொல்லிக் கொடுப்பதுபோலவே இக் கட்டான சூழ்நிலைகளை சமாளிக்க கற்றுக் கொடுங்கள். அவர்கள் சொல்லத் தயங்கும் வேளையில் நடத்தையின் மூலம் விஷயத்தைப் புரிந்து கொண்டு நடவடிக்கை எடுக்க வேண் டும். குழந்தைகள் கொடுமைக்கு உள்ளாகி இருப்பதை அறியும்போது அதிர்ச்சி, அவமானம் ஏற்படுவது இயல்பு தான். இருந்தாலும் அவர்க ளின் பாதுகாப்பிலும், பாதிப்பில் இருந்து மீண்டு வருவதிலும் முக்கியப் பங்கு உங்களுடையது என்பதை மறந்து விடாதீர்கள். நடந்த கொடு மையை வெளியே தெரிவித்து உதவி பெறுங் கள்.

* சமூகத்தின் பல தரப்பிலும் குழந்தை பாலியல் கொடுமை நடக்கிறது. நெருக்கமான உறவினர்களே அதிகமாக இத்தகைய தவறுகளில் ஈடுபடுகிறார்கள். எல்லா வயதுக் குழந்தைகளும் இத்தகைய கொடுமைக்கு உள்ளாகிறார்கள்.

* தவறுகள் நடந்துவிட்ட பிறகு குழந்தைகள் இரண்டு வெவ்வேறு எதிர்மாறான எண்ணங்களுக்கு இடையில் சிக்கி தவிப்பார்கள். தங்களுக்குள்ளாகவே ஒரு சரியான காரணத்தைக் கற்பித்துக்கொண்டு அதை ஏற்றுக்கொள்ளும் நிலையை அடைவார்கள். இந்த நிலைக்கு Accomodation Syndrome என்று பெயர்.

தினதந்தி!