சினிமாக்காரன் பின்னால் அலைவது வழக்கமாகிவிட்டது :ராமதாஸ் காட்டம்..!!!

காஞ்சிபுரம்:""சினிமாக்காரன் பின்னாலே அலைவது நம்ம ஜனங்களுக்கு வழக்கமாகி விட்டது,'' என பா.ம.க., நிறுவனர் ராமதாஸ் கூறினார்.
காஞ்சிபுரத்தில் நடந்த திருமண விழாவில், அவர் பேசியதாவது:தமிழகம், ஆந்திரா, கர்நாடகம், கேரளா, பீகார் போன்ற மாநிலங்களில் குறிப்பிட்ட சமுதாயத்தைச் சேர்ந்தவர்கள் மட்டுமே ஆட்சிக்கு வருகின்றனர். வன்னியர் சமுதாயம் புறக்கணிக்கப்படுகிறது. ஆட்சியாளர்களுக்கு வன்னியர் ஓட்டு மட்டும் தேவைப்படுகிறது. அதற்காக இலவசம் தருகின்றனர். தற்போது, 500 ரூபாய், ஆயிரம் ரூபாய் பணம் தருகின்றனர். வேறு எதையும் வன்னியர்கள் எதிர்பார்க்கக் கூடாது என நினைக்கின்றனர்.

கோட்டையில், 400 முதல் 500 வரை உயர் பதவிகள் உள்ளன. அதில் வன்னியர்களுக்கு எந்தப் பதவியும் தருவதில்லை. கோவிலில் மணி அடிக்கும் வேலை மட்டும் தருகின்றனர். இங்கு கிருஷ்ணசாமி எம்.பி., வந்துள்ளார். அவர் வன்னியர். அவருக்கு தகுதியிருந்தும் அமைச்சர் பதவி கொடுக்கப்படவில்லை. ஒட்டுமொத்தமாக வன்னியர்கள் முன்னேறக் கூடாது என்பதற்காக தேர்தலில் பா.ம.க., தோற்கடிக்கப்பட்டது.நம் மக்கள் அனைவரும் வயிறு முட்ட குடிக்கட்டும். இளம் பெண்கள் எல்லாம் தாலி அறுக்கட்டும். அரசுக்கு வருவாய் கிடைத்தால் போதும். மதுபானம் மூலம் அரசுக்கு வருடந்தோறும் 10 ஆயிரம் கோடி ரூபாய் வருமானம் கிடைக்கிறது. நம் மக்கள் நன்றாக குடித்தால், இந்த வருடம் அரசுக்கு வருவாய் 15 ஆயிரம் கோடியாக அதிகரிக்கும்.அரசியல் கட்சிகள் போட்டிப் போட்டுக் கொண்டிருக்கையில் எவனோ ஒருவன் அரசியலுக்கு வருகிறானாம். அவன் பின்னால் இருக் கின்ற பள்ளி பசங்களும் கொடி கட்டிக்கொண்டு கிளை, வட்டம், மாவட்டம் பதவி கிடைத்த வேகத்தில் அலையட்டும். பின்னர் இத்தாலி,
ஜெர்மன்,நாட்டிலிருந்து வருகிற எவருக்காவது தலைவர் பட்டம் சூட்டி, அடுத்த
முதல்வர் வாழ்க என நம்ம ஜனங்களும் அவனை தலைமேல் வைத்து கொண்டாடுவர். இருக்கின்ற பள்ளி பசங்களும் சீர் கெட்டு அலையட்டும். சினிமாக்காரன் எவன் ஒருத்தன் வர்றானோ அவன் பின்னாலே அலைவது நம்ம ஜனங்களுக்கு வழக்கமாகி விட்டது. இவ்வாறு ராமதாஸ் பேசினார்.

பின்குறிப்பு: ராமதாசுக்கு, தேர்தல் நேரத்திலும், தேர்தலில் தோல்வியடைந்துவிட்ட போதும் தான் எங்களின்(வன்னியரின்) நினைப்பே ராமதாசுக்கு வருகிறது..!! என அகில இந்திய வன்னியர் சங்க தலைவர் குறிப்பிட்டு உள்ளார்..!!!!

பேரன்பு மிக்கீர்
வணக்கம்
முதலில் கூறி விடுகிறேன். நான் அரசியல் என்னும் வியாதியா பீடிக்கப் பட்டவள் அல்லள்.

ஒரு இனம் அழுத்தப் படுமானால் அதற்காகக் குரல் கொடுப்பது தவறாகாது, மருத்துவர் ஐயா அவர்கள் பாட்டாளி மக்கள் கட்சித் தலைவர், நேரம் வரும்போது வன்னியர்களைப் பற்றிப் பேசுவது தவறல்லவே. வன்னியர்களுக்காக மட்டும் கட்சி நடத்தினால் தான் இந்தக் குற்றச் சாட்டு அவருக்குப் பொருந்தும் என நினைக்கிறேன்
அன்புடன்
நந்திதா