காஸ்ட்லி ஸ்ரீதேவி, கலக்கத்தில் தயாரிப்பாளர்!

by மீனு Thu Sep 03, 2009 5:58 am

தயாரிப்பாளர் நேமிசந்த் ஜபக், பொக்கிஷத்தை அடுத்து மாப்பிள்ளை என்ற படத்தைத் தயாரிக்கப் போகிறார். ரஜினி நடித்த சூப்பர் ஹிட் படமான மாப்பிள்ளையைதான் ரீமேக் செய்யப் போகிறார்கள். இதன் ஆரம்ப கட்ட வேலைகள்தான் இப்போது நடந்துவருகின்றன. தனுஷ் நடிக்கும் இப்படத்தை இயக்கப் போவது சுராஜ்.

இதில் தனுஷுக்கு மாமியாராக நடிக்க சிம்ரனில் துவங்கி அனுஹாசன் வரைக்கும் பேசினார்கள். அப்போதெல்லாம் நிம்மதியாக இருந்த ஜபக், இந்தியிலிருந்து ஸ்ரீதேவியைக் கொண்டுவரலாமே என்றதும் அதிர்ந்து போனாராம். காரணம் அவர் கேட்ட சம்பளம். சுமார் ஒரு கோடி ரூபாய் சம்பளம் கேட்கிறாராம் ஸ்ரீதேவி. சுராஜ் சம்பளம் ஒன்றரைக் கோடி. தனுஷ் சம்பளம் ஐந்து கோடி.

இப்படி அள்ளி இறைத்தால் மறுபடியும் நஷ்டத்தில்தான் வியாபாரம் செய்ய வேண்டும். அதற்கு படத்தையே கை மாற்றி விட்டால் என்ன என்ற முடிவுக்கு வந்திருக்கிறாராம் ஜபக். ஐயோ பாவம்.