மனைவிக்கு கடும் எதிர்ப்பு-டம்மி வேட்பாளராக தங்கபாலு

சென்னை மயிலாப்பூரில் யாருக்கும் தெரியாமல், தனது மனைவி ஜெயந்திக்கு டம்மி வேட்பாளராக மனு தாக்கல் செய்துள்ளார் தமிழக காங்கிரஸ் தலைவர் தங்கபாலு.


வரலாறு காணாத குழப்பத்தில் உள்ளது காங்கிரஸ். வேட்பாளர் தேர்வு தொடர்பாக பல தொகுதிகளிலும் போர் வெடித்துள்ளது. இதை அடக்க முடியாமல் ஸ்தம்பித்துப் போய் வாயடைத்து நிற்கிறது காங்கிரஸ் மேலிடம்.

தங்கபாலு செய்த பெரும் குழப்பத்தால் பல தொகுதிகளில் வெற்றி வாய்ப்பை பெரும் கேள்விக்குறியாக்கி விட்டது காங்கிரஸ். இதனால் இத்தனை தொகுதிகளை காங்கிரஸுக்கு தேவையில்லாமல் அளித்துள்ள திமுக பெரும் கவலையிலும், கடுப்பிலும் உள்ளது.

இந்த நிலையில் இன்னொரு ஸ்டண்ட்டில் குதித்துள்ளார் தங்கபாலு. இவரது மனைவி ஜெயந்திக்கு மயிலாப்பூரில் சீட் வாங்கிக் கொடுத்திருந்தார் தங்கபாலு. ஆனால் இதற்கு மிகக் கடுமையான எதிர்ப்புகள் கிளம்பியுள்ளன. ஜெயந்தி தோற்பது நிச்சயம் என்ற நிலை காணப்படுகிறது. மயிலை சிவகாமி என்பவர் போட்டி வேட்பாளராக களம் குதித்துள்ளார். இவருக்கு ஆதரவாக இளைஞர் காங்கிரஸார் உள்பட ஒட்டுமொத்த நிர்வாகிகளும் களம் இறங்கியுள்ளனர்.

இந்த நிலையில் தற்போது அதிரடியாக தனது மனைவிக்கு டம்மி வேட்பாளராக மனு தாக்கல் செய்துள்ளார் தங்கபாலு. மேலும் மனைவிக்குப் பதில் தானே வேட்பாளராகி விடவும் தீர்மானித்துள்ளாராம்.

மனைவிக்கான எதிர்ப்பு சற்றும் குறையாமல் போனால் தானே வேட்பாளராகி விடுவதற்கு வசதியாகவே டம்மி வேட்பாளராக மனு தாக்கல் செய்துள்ளார். ஆனால் இதுகுறித்து கட்சி மேலிடத்திடம் அவர் முன்கூட்டியே தகவல் தெரிவிக்கவில்லை என்றும் கூறப்படுகிறது. மனைவிக்கு நிலவும் எதிர்ப்பை சுட்டிக் காட்டி, மேலிடத்தை சமரசப்படுத்தி தானே வேட்பாளராகும் திட்டத்தில் உள்ளார் தங்கபாலு என்கிறார்கள்.

தங்கபாலுவின் இந்த அலேக் ஐடியாவால் தங்கபாலு எதிர்ப்புக் கோஷ்டியினர் மேலும் டென்ஷனாகியுள்ளனர்
தட்ஸ்தமிழ்

எல்லாம் தேர்தல் முடிவுகள் வெளியாகும்வரை தான்... அப்புறம் எல்லாரும் தலையில் துணி போட்டு மூலையில் முடங்கிப்போவார்கள்..!

எம்‌பி எலக்ஷன் நின்னு தொர்ற்று போன வடு கூட இன்னும் மறைய வில்லை.
அதுக்குள்ள இப்படி ஒரு அலேக் ஐடியா!

என்னத்த திட்டம் போட்டு என்ன, ஓட்டு விழுமா இவருக்கு?

அட்ராசக்கை! அட்ராசக்கை!


"ஊர் குருவி வான் உயர பறந்தாலும் குருவி குருவி தான்"

ஜெயிச்சாப்புலதான்!!!!!!