தேர்தல் ஊழலின் பிறப்பிடமாகி விட்டது: ரூ.2 கோடி செலவு செய்து ரூ.10 கோடி சம்பாதிக்கின்றனர்

தேர்தல் ஊழலின் பிறப்பிடமாகி விட்டது: ரூ.2 கோடி செலவு செய்து ரூ.10 கோடி சம்பாதிக்கின்றனர்; தலைமை தேர்தல் கமிஷனர் பரபரப்பு பேட்டி


5 மாநில சட்டசபை தேர்தலில் பெரிய அளவில் பண நடமாட்டம் இருக்கிறது. தமிழ்நாட்டில் வாகன சோதனையில் தினமும் ரூ.1 கோடிக்கு மேல் பிடிபட்டு வருகிறது. டெல்லி விமான நிலையத்தில் திரிணாமுல் காங்கிரஸ் எம்.பி. ஒருவர் ரூ.57 லட்சம் பணத்துடன் பிடிபட்டார். இந்த தேர்தலில் பண ஆதிக்கம் அதிகமாக இருப்பது குறித்து தலைமை தேர்தல் கமிஷனர் குரேஷியுடன் கேட்டபோது அவர் கூறியதாவது:-

தேர்தலில் பெரிய அளவில் ஊழல் நடந்து வருகிறது. ஊழலின் பிறப்பிடமாகவே தேர்தல் நாள் இருக்கிறது. எனவே தேர்தலில் பண ஆதிக்கத்தை எதிர்த்து தேர்தல் கமிஷன் போராடி வருகிறது. அதை புதிய இயக்கமாக செயல்படுத்தி வருகிறோம். டெல்லியில் ரூ.57 லட்சம் பணத்துடன் பிடிபட்ட எம்.பி. தான் கொண்டு சென்ற பணத்துக்கான ஆவணங்களை கொடுத்து உள்ளார். ஆனாலும் தேர்தல் நடக்கும் மாநிலத்துக்கு பணத்தை கொண்டு சென்றதால் சந்தேகமாகவே உள்ளது.

தேர்தல் நேரத்தில் வேட்பாளர் ஒருவர் ரூ.2 கோடி செலவு செய்தால் வெற்றி பெற்றதும் ரூ.10 கோடி சம்பாதித்து விடுகிறார். இதை சம்பாதிக்க கிரிமினல் குற்றவாளிகளை தனக்கு சாதகமாக பயன்படுத்தி கொள்கிறார். அரசியலை தான் பணம் சம்பாதிக்க சாதகமாக பயன்படுத்தி கொள்கின்றனர். தேர்தல் செலவுகளை தீவிரமாக கண்காணித்து வருகிறோம். ஆனாலும் இதில் 100 சதவீதம் வெற்றி அடைய முடியவில்லை. 6 மாதத்துக்கு முன்பு தேர்தல் செலவு கண்காணிப்புக்கு என வருமானவரி அதிகாரி தலைமையில் தனி பிரிவை ஏற்படுத்தினோம். அது நல்ல பலனை கொடுத்து வருகிறது.

இவ்வாறு அவர் கூறினார்.

மாலைமலர்

இப்போ எனக்கு ரெண்டு கோடி வேண்டுமே ,,என்ன பன்றது ?

ரபீக் wrote:இப்போ எனக்கு ரெண்டு கோடி வேண்டுமே ,,என்ன பன்றது ?

உங்க ஸ்விஸ் பேங்க் அக்கவுண்ட் நம்பர் சொல்லுங்க... அனுப்பி வைக்கிறேன்..

கலை wrote:

ரபீக் wrote:இப்போ எனக்கு ரெண்டு கோடி வேண்டுமே ,,என்ன பன்றது ?

உங்க ஸ்விஸ் பேங்க் அக்கவுண்ட் நம்பர் சொல்லுங்க... அனுப்பி வைக்கிறேன்..

சுவிஸ் பேங்க்ல அக்கவுண்ட் இருந்தா நான் எதுக்கு அரசியலுக்கு வரணும் அண்ணா >?

ரபீக் wrote:

கலை wrote:

ரபீக் wrote:இப்போ எனக்கு ரெண்டு கோடி வேண்டுமே ,,என்ன பன்றது ?

உங்க ஸ்விஸ் பேங்க் அக்கவுண்ட் நம்பர் சொல்லுங்க... அனுப்பி வைக்கிறேன்..

சுவிஸ் பேங்க்ல அக்கவுண்ட் இருந்தா நான் எதுக்கு அரசியலுக்கு வரணும் அண்ணா >?

பொய் பொய் நம்பாதீங்க

இப்ப தேர்தல் ஆணையத்தின் கெடுபிடி காரணமாக அந்த 2 கோடியும் செலவழிக்க மாட்டேங்கிறாங்க