5 விமான நிலையங்களை தரமுயர்த்த வர்த்தகர்களின் ஒத்துழைப்பு

ஹாசிம் · ஹாசிம் Sun Mar 27, 2011 6:06 pm

புதிதாக ஐந்து வர்த்தக விமான நிலையங்களை அமைக்கும் விமான சேவை வேலைத்திட்டத்திற்கு, இலங்கை வர்த்தகர்களின் பங்களிப்பைப் பெற்றுக் கொள்ள உள்ளதாக சிவில் விமானப் போக்குவரத்து அமைச்சர் பிரியங்கர ஜயரத்தன தெரிவித்தார்.

பலாலி, இரத்மலானை, திருகோண மலை, கொக்கலை மற்றும் ஹிங்குரக் கொடை ஆகிய இடங்களில் புதிதாக வர்த்தக விமான நிலையங்கள் அமைக்கப்பட உள்ளதாகவும், அவற்றிற் கிடையே உள்ளூர் விமான சேவைகளை ஆரம்பிப்பதற்காக விமானங்களை வழங்குவதற்கு இலங்கை வர்த்தகர்களுக்கு சந்தர்ப்பம் பெற்றுக்கொடுக்கப்படும் எனவும், அமைச்சர் மேலும் கூறினார்.

தற்போது பாவனையிலுள்ள சீ பிளேனுக்கு மேலதிகமாக மேலும் ஒன்றினை இந்த ஆண்டினுள் கொள் வனவு செய்யவுள்ளதாகவும். அவற்றுடன் இலங்கை விமானப்படையின் விமானங் களையும் ஈடுபடுத்தி உள்ளக விமான சேவை பணிகளை ஆரம்பிக்கத் திட்டமிட்டுள்ளதாகவும் அமைச்சர் மேலும் கூறினார்.

2012 ஆம் ஆண்டிலே இலங்கைக்கு பல மில்லியன் சுற்றுலா பயணிகளை வரவழைக்கத் திட்டமிட்டுள்ளதாகவும், அதன் ஒரு முயற்சியாகவே உள்ளூர் விமான சேவை நடவடிக்கைகள் அமைந்துள்ளதாகவும் அமைச்சர் பிரியங்கர ஜயரத்ன சுட்டிக்காட்டினார். இரத்மலானை மற்றும் பலாலி ஆகிய விமான நிலையங்களை வர்த்தக விமான நிலையங்களாக பயன்படுத்த பாதுகாப்பு செயலாளர் அனுமதி வழங்கியுள்ளதாகவும், ஜனாதிபதி மஹிந்த ராஜபக்ஷ அவர்களின் ஆலோசனை மற்றும் வழிகாட்டலின் பிரகாரம் இந்த வேலைத்திட்டத்தை ஆரம்பிக்க உள்ளதாகவும் அவர் மேலும் தெரிவித்தார்.

நன்றி: தினகரன் இலங்கை

**Manik** · **Manik** Sun Mar 27, 2011 6:10 pm

இலங்கை முன்னேறுது போல

5 விமான நிலையங்களை தரமுயர்த்த வர்த்தகர்களின் ஒத்துழைப்பு

5 விமான நிலையங்களை தரமுயர்த்த வர்த்தகர்களின் ஒத்துழைப்பு

Re: 5 விமான நிலையங்களை தரமுயர்த்த வர்த்தகர்களின் ஒத்துழைப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக