ரயிலில் அடிபட்டு கர்ப்பிணி பலி: வயிற்றில் இருந்த சிசு தப்பியது..

கலைவேந்தன் · கலைவேந்தன் Sat Mar 26, 2011 9:19 am

ரயிலில் அடிபட்டு கர்ப்பிணி பலி: வயிற்றில் இருந்த சிசு தப்பியது...

கோவையில் 25.03.2011 அன்று காலை ரயிலில் அடிபட்டு நிறைமாத கர்ப்பிணி பெண் உடல் சிதறி பலியானார். ரயில் மோதிய வேகத்தில் அவரது வயிற்றில் இருந்த குழந்தை பிறந்து தண்டவாளத்தில் தூக்கி வீசப்பட்டும் அதிசயமாக உயிர்பிழைத்தது.

தர்மபுரி மாவட்டம் மாம்பட்டியை சேர்ந்தவர் கோபால். இவரது மனைவி குப்பம்மாள் (வயது 35). இவர்கள் இருவரும் கட்டிட தொழிலாளிகள். இவர்களுக்கு ராஜதுரை (11), நதியா (8), நந்தினி (6), திருப்பதி (3), தனலட்சுமி (2) ஆகிய 5 குழந்தைகள் உள்ளனர்.

கோபால் தனது மனைவி மற்றும் குழந்தைகளுடன் 2 ஆண்டுக்கு முன் வேலைக்காக கோவைக்கு வந்தார். ஏற்கனவே 5 குழந்தைகளை பெற்றெடுத்த குப்பம்மாள் மறுபடியும் கர்ப்பமானார்.

குப்பம்மாள் 25.03.2011 அன்று காலை 6 மணியளவில் அந்த பகுதியில் உள்ள ரெயில் தண்டவாள பகுதிக்கு சென்றார். அப்போது பொழுது விடிந்தும் விடியாமலும் லேசாக இருள் சூழ்ந்து காணப்பட்டது.

அந்த சமயம் கோவையில் இருந்து மேட்டுப்பாளையத்துக்கு செல்லும் நீலகிரி எக்ஸ்பிரஸ் ரயில் வந்தது. இதுதெரியாமல் குப்பம்மாள் ரெயில் தண்டவாளத்தை கடந்தார்.

ரயில் கண்ணிமைக்கும் நேரத்தில் வேகமாக வந்து குப்பம்மாள் மீது மோதியது. ரயிலில் அடிபட்ட குப்பம்மாளின் தலை, கை, கால்கள், என உடல் துண்டு துண்டுகளாக சிதைந்து சில நொடிகளில் அவர் இறந்தார்.

ரயில் மோதிய வேகத்தில் குப்பம்மாளின் வயிற்றில் இருந்த குழந்தை பிறந்தது. அது ஆண் குழந்தையாகும். அந்த குழந்தை அதிர்ஷ்டவசமாக ரயில் சக்கரங்களில் சிக்காமல் தண்டவாளத்தின் நடுவே வீசப்பட்டது. இருப்பினும் குழந்தைக்கு எந்த காயமும் ஏற்படவில்லை. இதற்கிடையே இந்த விபத்து நடந்ததை பார்த்த சிலர் அங்கு ஓடி வந்து, குழந்தையை மீட்டு மருத்துவமனையில் சேர்த்தனர்.

நன்றி : நக்கீரன்

முரளிராஜா · முரளிராஜா Sat Mar 26, 2011 10:53 am

குழந்தை பிழைத்தது ஆச்சரியமான விசயம்தான்

உதயசுதா · உதயசுதா Sat Mar 26, 2011 5:04 pm

ஏற்கனவே ஐந்து பிள்ளைகலாம்,இதுல இன்னொன்னாம்.இப்ப இந்தம்மா செத்து போச்சு.யார் இந்த பிள்ளைகளை காப்பாத்துவாங்க.
ஆனாலும் இந்த குழந்தை பிழைச்சது அதிசயம்தான்.பிழைச்சு என்ன பண்றது? நம்ம மக்கள் திருவாய் இந்த குழந்தைய கரிச்சு கொட்டாம சும்மா இருக்கணுமே

இந்த பதிவைத் துவங்கியவர் நன்றி கூறியுள்ளார் உதயசுதா