விக்கல் ஏற்படுவது ஏன்?

by **சிவா** Fri Mar 25, 2011 10:29 am

நமக்கோ அல்லது பெரியவங்களுக்கோ அடிக்கடி விக்கல் ஏற்படும். விக்கல் ஏற்பட்டா, `நம்மை யாரோ நினைக்குறாங்கன்னு அர்த்தம்' என பெரியவங்க சொல்லுவாங்க. குறிப்பா, சாப்பிடும்போதும், தண்ணீர் குடிக்கும்போதும் விக்கல் ஏற்படும். அதற்கான காரணம் இது தான்.

மனித உடல்ல இருக்குற மார்பறையையும், வயிற்றறையையும் பிரிக்கக்கூடிய மெல்லிய சவ்விற்கு `உதரவிதானம்'னு பெயர். இந்தச் சவ்வு சுவாசிக்கிறதுக்கு ரொம்ப அவசியம். இது ஒழுங்கற்ற முறையில சுருங்கி விரியுறதால தான் விக்கல் உண்டாகுது.

அதாவது, நுரையீரல்களுக்குள்ள காற்று வேகமா செல்லும்போது மூடி இருக்குற குரல்வளை நாண்களிடையே எழுகிற அதிர்வைத்தான் `விக்கல்'னு குறிப்பிடுவாங்க. அவசரமாக சாப்பிடுவதாலும், வேகமாக தண்ணீர் போன்ற பானங்களைக் குடிப்பதாலும் சீரற்ற சுவாசம் மற்றும் வயிறானது உதரவிதானத்தை உறுத்தும்போது விக்கல் ஏற்படுது.