இன்றைய மாணவர்களின் மனநிலை - அசுரன்

by அசுரன் Fri Mar 25, 2011 12:25 am

இது எனது முதல் திரி..................................................................................................... அன்புள்ள ஈகரை நண்பர்களே! வணக்கம். இன்றைய மாணவர்கள் மனநிலையை பற்றி நாம் இங்கு விரிவாக அலசுவோமா? ஆம் எல்லாருடைய வீட்டிலும் ஒரு மாணவன் நிச்சயம் இருப்பான். மாணவ பருவத்தில் உள்ள குழந்தைகளின் நடவடிக்கைகளை சரியாக கண்காணிக்கின்றோமா? அவனது நண்பர்களின் பழக்கவழக்கங்களையும் கண்காணிக்கின்றோமா? என இதுபோன்ற பல கேள்விகளுக்கு இங்கு விடை காண்போம். நான் ஒரு ஆசிரியன் தினமும் 2000 மாணவர்களுடன் பழகும் வாய்ப்பு எனக்கு உள்ளது. ஓருநாளைக்கு குறைந்தது 100 மாணவர்களிடமாவது பேசும் சந்தர்ப்பம் ஏற்படும். இதில் 10 பிரச்சனைகளையாவது தினமும் சந்திப்பேன். அவற்றை தீர்க்கவும் செய்கிறேன். நான் சந்தித்த வித்தியாசமான மாணவர்களின் அனுபவங்கள் அனுகுமுறைகள் பற்றியும் சொல்கிறேன். உங்களுக்கும் உங்கள் குழந்தைகளின் நடவடிக்கைகளுடன் இதை ஒப்பிட்டு பார்த்து ஒப்பீடு செய்துக்கொள்ள இது வசதியாக இருக்கும் என்று நம்புகிறேன். மற்ற நண்பர்களும் தங்கள் அனுபவங்களை பகிர்ந்துக்கொள்ளலாம்.

by anandkce Fri Mar 25, 2011 4:37 pm

நண்பர்களே வணக்கம்.. இன்றைய மாணவர்கள் தங்களின் பொன்னான நேரத்தை Cell phone , Internet குறிப்பாக இணைய அரட்டை மூலம் வீனடித்துக்கொண்டு தன்னுடய தற்காலிகக் கடமையை செய்யாமல் அதர்க்காண நிறைவான பலனை மட்டும் வேண்டும் என்கிறார்கள் . இதன் விளைவு ..... இந்தியா இவர்கள் கையிலாம் ...

by கலைவேந்தன் Fri Mar 25, 2011 9:29 pm

அருமையான திரி அசுரன்... உங்கள் அனுபவங்களைப் பகிருங்கள்... நேரம் கிடைப்பதைப் பொறுத்து நானும் தொடர்கிறேன்..! சூப்பருங்க

by **Aathira** Fri Mar 25, 2011 9:38 pm

முதல் திரியே முத்தாய்ப்பான திரி.. நானும்...
உங்கள் அனுபவங்களைப் பகிருங்கள்... நேரம் கிடைப்பதைப் பொறுத்து நானும் தொடர்கிறேன்..! இன்றைய மாணவர்களின் மனநிலை - அசுரன் 224747944

by அசுரன் Thu Mar 31, 2011 9:44 pm

அனைவருக்கும் வணக்கம்: நேற்று எனது பள்ளியில் நடந்த ஒரு சுவையான சம்பவம். பதினோராம் வகுப்பு கடைசி தேர்வுகள் நேற்றுடன் முடிந்து மாணவர்கள் ஆசிரியர்களை (எங்களை) பார்க்க வந்தார்கள். அப்போது ஒரு மாணவன் "ஏன் சார் உங்க பைக்கை இப்படி வழியில் நிறுத்தியிருக்கீங்க" என்றான். அதற்கு நான் "அது எனது பைக் இல்லைடா, என்னோடது அதோ அங்கிருக்கு பாரு பேஷன் புரோ எண்....................." என்றேன். பிறகு மற்ற பாட விசயங்களை பேசியபின் அவர்கள் அங்கிருந்து சென்றனர். மாலை வீடு திரும்பும் போது எனது பைக்கை பார்த்தால் புது சீட்டில் பிளேடால் ஒரு கோடு விழுந்திருக்கிறது மண்டையில் அடி

. பிறகு மீண்டும் அந்த சீட்டை சரிசெய்து கொண்டு வீடு வந்து சேர்ந்தேன். அந்த மாணவன் எப்படியும் அடுத்த ஆண்டு ௧௨ ஆம் வகுப்பு (சூன்) படிக்க வருவான். அப்போது இதுபற்றி கேட்டால் அவன் கூலாக "சாரி சார்" என்பான். மாணவர்களிடையே இப்போது சாரி சொல்லும் பழக்கம் அதிகமாகிவிட்டது. ஆனால் அவர்கள் உணர்ந்து அதை சொல்வது கிடையாது. இதைபற்றி இன்னும் விரிவாக விவரிக்கிறேன்.

by அசுரன் Tue Apr 05, 2011 12:15 am

நான் பள்ளி பயின்ற காலத்தில் பள்ளிக்கு காலதாமதமாக சென்றால் எங்க பீ.டி மாஸ்டர் இரண்டு கையிலும் இரண்டு இரண்டு அடி பிரம்பால் கொடுப்பாரு. பின்பு மாலை டிட்டென்ஷன் கிளாஸ் வைப்பாரு... சீருடை சரியாக இல்லாமை, மற்றும் வீட்டுப்பாடம் செய்யாமை இவற்றக்கெல்லாம் தக்க தண்டனை கிடைத்தது அந்தக்காலம். இப்போது அரசாங்கம் பசங்க மேல கைய வச்சாலே தப்பு என்று சொல்கிறது. அதேவேளையில் காயம் ஏற்படுத்தும் நோக்கில் அடிக்கும் ஆசிரியர்களுக்கு தண்டனை அவசியம் தேவைதான். ஆனால் தவறுக்கு தண்டனை கூடாது என்று சொல்லுவது சரியாகாதே? இன்று மாணவன் லேட்டாக வந்தால் அவனை வெளியில் நிறுத்தினால் பெற்றோர் போராட்டம் செய்கின்றனர், பீஸ் கட்ட தவறிய மாணவனை கேட்கக்கூடாது, பெற்றோர் கொடுக்கும் செக். பவுண்ஸ் ஆனாலும் அவர்கள் மீது நடவடிக்கை எடுக்கக்கூடாது என்றால் எப்படி? மற்றவர்களும்இந்த திரியில் கருத்து பகிரலாமே?