இந்தியா தகுதியான அணி தான்: ரிக்கிபாண்டிங்

**சிவா** · **சிவா** Fri Mar 25, 2011 2:04 pm

இந்தியாவுக்கு எதிரான கால் இறுதி ஆட்டத்தில் தோற்றது குறித்து ஆஸ்திரேலிய கேப்டன் ரிக்கிபாண்டிங் நிருபர்களிடம் கூறுகையில், கால் இறுதியில் ஏற்பட்ட தோல்வி மிகுந்த ஏமாற்றம் அளிக்கிறது.

நாங்கள் 20 ரன்கள் வரை குறைவாகவே எடுத்துவிட்டோம். 250 அல்லது 260 ரன் என்பது நல்ல ஸ்கோர் தான். பவுலிங்கிலும், பேட்டிங்கிலும் இந்திய வீரர்கள் சிறப்புடன் செயல்பட்டனர். இந்திய அணி வெற்றிக்கு தகுதியான அணி தான்.

இந்திய அணியின் பேட்டிங் வரிசை பலம் பெற்று காணப்படுகிறது. அரை இறுதியில் பாகிஸ்தானை இந்தியா வீழ்த்தும்.ஒருநாள் போட்டியில் இருந்து நான் ஓய்வு பெற மாட்டேன். ஆனால் எனது கடைசி உலக கோப்பை இது தான். உலக கோப்பையின் கடைசி ஆட்டத்தில் சதம் அடித்தது மகிழ்ச்சி தான் என்று கூறினார்.

நக்கீரன்

**சிவா** · **சிவா** Fri Mar 25, 2011 2:05 pm

பதட்டம் இருந்தது: யுவராஜ் சிங்

உலக கோப்பை கிரிக்கெட் போட்டியில் நேற்று நடந்த 2-வது கால் இறுதியில் இந்திய அணி 5 விக்கெட் வித்தியாசத்தில் உலக சாம்பியனான ஆஸ்தி ரேலியாவை வீழ்த்தியது.

ஆட்டநாயகன் விருது பெற்ற யுவராஜ்சிங் நிருபர்களுக்கு அளித்த பேட்டியில் கூறுகையில், டோனி ஆட்டம் இழந்த போது எனக்கு அதிக பதட்டம் ஏற்பட்டது.

இந்த நெருக்கடியை உணர்ந்து ஆடினேன். நானும் ரெய்னாவும் 30 ரன் வரை ஜோடியாக நிலைத்து நின்றால் வெற்றி பெற முடியும் என்று கருதினோம். ஆனால் நாங்கள் இருவரும் கடைசி வரை நின்றோம்.

வெற்றிக்கான ரன்னை அடிக்கும் வரை பதட்டம் இருந்தது. ஆஸ்திரேலியா போன்ற சிறந்த அணிகளுக்கு எதிராக கடைசி வரை நின்று வெற்றி பெற வைத்தது மிகுந்த மகிழ்ச்சியை அளிக்கிறது என்று கூறினார்.

**Manik** · **Manik** Fri Mar 25, 2011 2:50 pm

ஒரு வெறி இருந்துச்சு யுவராஜ் கிட்ட, ரெய்னா கிட்ட ஒரு தன்னம்பிக்கை இருந்துச்சு அதனாலதான் கடைசி வரை 2 பேரும் ஆட்டமிழக்காம ஜெயிக்க முடிஞ்சது. பாண்டிங் இப்பயாவது ஒத்துக்கிட்டானே இந்தியா வெற்றி பெற தகுதியான அணி தான்னு.........

கலைவேந்தன் · கலைவேந்தன் Fri Mar 25, 2011 8:21 pm

உண்மையில் சுரேஷ் ரெய்னா மற்றும் யுவராஜிடம் வெற்றி பெற வேண்டும் என்னும் உத்வேகம் காணப்பட்டது... இவர்கள் இருவரால் தான் நேற்று இந்திய வெற்றி அமைந்தது என்பதில் ஐயமே இல்லை..!

இதே மனப்பான்மையை பாகிஸ்தானிடம் காண்பிக்க வேண்டும்.. பார்ப்போம்..

Sponsored content · Sponsored content

இந்தியா தகுதியான அணி தான்: ரிக்கிபாண்டிங்

இந்தியா தகுதியான அணி தான்: ரிக்கிபாண்டிங்

Re: இந்தியா தகுதியான அணி தான்: ரிக்கிபாண்டிங்

Re: இந்தியா தகுதியான அணி தான்: ரிக்கிபாண்டிங்

Re: இந்தியா தகுதியான அணி தான்: ரிக்கிபாண்டிங்

Re: இந்தியா தகுதியான அணி தான்: ரிக்கிபாண்டிங்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக