சினிமா விமர்சனம்: முத்துக்கு முத்தாக....

by மஞ்சுபாஷிணி Thu Mar 24, 2011 10:32 am

சினிமாவிமர்சனம் : முத்துக்கு முத்தாக

விகடன்விமர்சனக் குழு

'ஐந்து பெண் பெற்றால் அரசனும் ஆண்டி ஆவான்.’ சரி, ஐந்து ஆண்கள் பெற்றால்?! தங்களது ஐந்து ஆண் குழந்தைகளைப் பாராட்டிச் சீராட்டி 'முத்துக்கு முத்தாக’ வளர்த்த பெற்றவர்களின் கதை!
இளவரசு - சரண்யா தம்பதியினர் தங்களின் ஐந்து பிள்ளைகளையும் தங்கமாகத் தாங்குகிறார்கள். பிள்ளை களும் அப்பா - அம்மா என்றால் உருகி மருகுகிறார்கள். திருமணம், வேலை என்று நான்கு மகன்களும் விலகிச் செல்ல, துணைக்கு இருந்த ஒரு மகனும் கொலைப் பழியில் சிறை செல்கிறார். மருமகள்களின் உதாசீனத் துக்கு ஆளாகித் தனித்துவிடப்படும் இளவரசு - சரண்யா தம்பதியினர் எடுக்கும் முடிவு, துன்பமும் துயரமுமான க்ளைமாக்ஸ்!
ஸ்டீரியோ டைப் காட்சிகளுக்கு இடையில் சிங்கம்புலி காமெடி, கிளிஷேவாக இருந்தாலும் ஆறுதல் அளிக்கிறது. பேரக் குழந்தைகள் பெற்று எடுக்கும் வரை அன்பாக இருக்கும் அத்தனை மருமகள்களும் க்ளைமாக்ஸுக்கு முன்னர் வில்லி அவதாரம் எடுப்பது ஏன் டைரக்டர் சார்?
ஐந்து மகன்களும் அப்பா - அம்மா மீது அவ்வளவு உயிராக இருக்கும்போது, இறுதியில் ஏன் அவர்கள் அந்த அதிர்ச்சி நெகிழ்ச்சி அளிக்க வேண்டும்?
இப்படியான கேள்விகள் எழாத வகையில், திரைக்கதையில் 'உயிரோட்டம்’ சேர்த்து இருந் தால், படத்தை 'முத்துக்கு முத்தாக’க் கொண்டாடி இருக்கலாம்!

நன்றி விகடன்