அச்சமில்லை ! அச்சமில்லை ! ()- ச.சந்திரா

**eraeravi** · **eraeravi** Thu Dec 16, 2010 9:27 pm

First topic message reminder :

அச்சமில்லை ! அச்சமில்லை ! ()- ச.சந்திரா

பாரதியின் ஆத்திச்சூடியில் நெற்றிச்சூடியாய்
இடம்பிடித்த தொடர் அச்சம் தவிர் என்பதே !
அடிமைத்தனமும் அச்சமும் உச்சத்தில் கொண்டோரை
ஊமைச் சனங்களென உரத்துக் கூறியவர் நம் பாரதி !
அச்சம் நீங்கியோர் மட்டுமே ஆண்மையுடையோரென
ஆணித்தரமாக உரைத்த ஆசுகவியும் இவர் !
பயம் என்பது மூடத்தனம் ;பயமின்மையே
ஞானத்தின் அடித்தளம் என உரைத்த ஞானி இவரே !
பாரதி இந்தியனுக்கு விதித்த நிபந்தனை பலவென்றாலும்
முதல் நிபந்தனை அச்சத்தை அகற்று என்பதே !
அறியாமை கல்லாமை பொய்யாமையென பற்பல கவிதை பாரதி
புனைந்திருந்தாலும் அஞ்சாமையே அவரது தாரக மந்திரம் !
பேசாப் பொருளைப் பேசத் துணிந்தவர் பாரதி ! எவரும்
கேட்கா வரத்தைக் கேட்கத் துணிந்தவரும் பாரதியே !
அஞ்சாமையை அஸ்திவாரமாகக் கொண்டு அழகிய
கவிமாளிகை கட்டிய காவிய நாயகனிவர் !
அச்சத்தைச் சுட்டுப் பொசுக்கி அங்கு சாம்பலுமின்றி
அழிக்கும் அக்னிபகவானை அணுகி நின்றவர் நம்பாரதி !
காலனே ! என் காலருகே வாடா ! என பாரதி
இறுதியாகப் பேசிய வார்த்தையும் அஞ்சாமை பற்றியதுதானே!
ஆம் !எமதர்மனையே எதிர்த்துப் பேசிய எகத்தாளன் நம் பாரதி!
விண்ணுலகிற்கு விருந்தானாலும் மண்ணுலகிற்கே மருந்தான பாரதி
வாக்கை மெய்ப்பிப்போம் !உள்ளத்திலும் உடலிலும் அச்சம் ஏதுமின்றி ! ச.சந்திரா கவிதைகள்.. - Page 2 677196

கலைவேந்தன் · கலைவேந்தன் Wed Mar 23, 2011 7:17 pm

காபி பேஸ்ட் செய்யும் போது பதிவின் வரிகளில் இடைவெளி சரியாக இருக்கா என்று பார்க்கவும்.. மேலும் பிறர் கவிதைகளைப் பதியும் போது அதை ரசித்த கவிதைகள் பகுதியில் இடவும்.

மஞ்சுபாஷிணி · மஞ்சுபாஷிணி Thu Mar 24, 2011 9:37 am

திருத்தங்கள் செய்யபட்டுவிட்டது....கலை சொன்னதை கருத்தில் கொள்ளுங்கள் நண்பரே...

அருமையான பகிர்வு.....
அன்பு பாராட்டுக்கள்....

**eraeravi** · **eraeravi** Thu Mar 24, 2011 6:58 pm

சரி நன்றி

Sponsored content · Sponsored content

ச.சந்திரா கவிதைகள்..

அச்சமில்லை ! அச்சமில்லை ! ()- ச.சந்திரா

Re: ச.சந்திரா கவிதைகள்..

Re: ச.சந்திரா கவிதைகள்..

Re: ச.சந்திரா கவிதைகள்..

Re: ச.சந்திரா கவிதைகள்..

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக