இன்று வெளியாகும் காங்கிரஸ் வேட்பாளர் பட்டியல்!

தி.மு.க. கூட்டணியில் இடம் பெற்றுள்ள காங்கிரஸ் கட்சி தமிழ்நாட்டில் 63 தொகுதிகளில் போட்டியிடுகிறது. போட்டியிட விரும்பும் காங்கிரசாரின் விருப்ப மனு சத்தியமூர்த்தி பவனில் பெறப்பட்டது. ஆயிரக்கணக்கானோர் விருப்ப மனு கொடுத்தனர். அந்த மனுக்கள் சென்னையில் காங்கிரஸ் தேர்வு குழு தலைவர்களால் பரிசீலனை செய்யப்பட்டது. இதில் 63 தொகுதிகளிலும் போட்டியிடும் வேட்பாளர்களின் உத்தேச பட்டியல் தயாரிக்கப்பட்டது.
இந்த பட்டியலை, தமிழ்நாடு காங்கிரஸ் தலைவர் தங்கபாலு டெல்லிக்கு கொண்டு சென்றார். இது குறித்து காங்கிரஸ் மேலிட தலைவர்கள் குலாம்நபி ஆசாத், வயலார் ரவி, ஆஸ்கர் பெர்னாண்டஸ் அடங்கிய குழு பரிசீலனை செய்தது. அதன் பிறகு தமிழ்நாட்டில் 63 தொகுதிகளிலும் போட்டியிடும் வேட்பாளர்களின் இறுதி பட்டியல் தயாரிக்கப்பட்டது. இது அகில இந்திய காங்கிரஸ் தலைவர் சோனியாகாந்தியின் பார்வைக்கு சென்றது.

நேற்று இரவு காங்கிரஸ் பட்டியல் வெளியாகலாம் என்று எதிர்பார்க்கப்பட்டது. ஆனால் அந்த பட்டியலில் தங்கபாலு மனைவி ஜெயந்தி மயிலாப்பூர் தொகுதியிலும், மகன் கார்த்திக் சேலம் தொகுதியிலும் போட்டியிட "சீட்'' ஒதுக்கப்பட்டிருந்ததாக கூறப்படுகிறது.

இது தவிர கட்சி சம்பந்தப்படாத சிலருடைய பெயரும் அந்த பட்டியலில் இடம் பெற்று இருந்ததாக தெரிகிறது. இந்த நிலையில் தமிழ்நாட்டைச் சேர்ந்த காங்கிரஸ் எம்.பி.க்கள் மாணிக் தாகூர், ஆரூண், கிருஷ்ணசாமி, ராமசுப்பு, அழகிரி, விசுவநாதன் ஆகிய 6 பேரும் டெல்லியில் சோனியாவை சந்தித்து ஒரு மனு கொடுத்தனர். அதில், "தமிழ்நாடு காங்கிரஸ் தலைவர் தங்கபாலு தன்னிச்சையாக பட்டியல் தயாரித்துள்ளார். தனக்கு வேண்டியவர்கள் பெயர்களை பட்டியலில் சேர்த்துள்ளார். கட்சிக்காக பாடுபட்டவர்களும், வெற்றி வாய்ப்பு உள்ளவர்களும் புறக்கணிக்கப்பட்டுள்ளனர்.

எனவே சோனியா தீவிரமாக பரிசீலித்து தகுதியான வேட்பாளர்களை தேர்வு செய்து அறிவிக்க வேண்டும்'' என்று குறிப்பிட்டு இருந்தனர். இதனால் தமிழ்நாட்டில் 63 தொகுதிகளிலும் போட்டியிடும் காங்கிரஸ் வேட்பாளர்கள் பட்டியல் மறுபரிசீலனை செய்யப்படுகிறது. பின்னர் இறுதி பட்டியலுக்கு சோனியா காந்தி ஒப்புதல் அளிப்பார். இன்று மாலைக்குள் சோனியாகாந்தியின் ஒப்புதல் கிடைத்து விடும் என்று கட்சி மேலிட வட்டாரங்கள் தெரிவிக்கின்றன. எனவே இன்று மாலை அல்லது இரவு தமிழக காங்கிரஸ் வேட்பாளர்கள் பட்டியல் வெளியாகும் என்று தெரிகிறது
இந்நேரம்

மணப்பாறை மாயாரம் ரெண்டு இடத்திலும் காங்கிரஸ்

சுதந்திரம் இல்லாத லோக்கல் பசங்க ஏன் லிஸ்ட் தயாரிக்கனும்..? பிறகு அதை அப்ரூவலுக்கு டெல்லிக்கு அனுப்பனும்...?

கொஞ்சம் கூட சூடு சுரணை இல்லாதவன் தான் காங்கிரஸில் இருப்பானோ..?