லிபியா மீது தாக்குதலுக்கு இங்கிலாந்தில் எதிர்க்கட்சிகள் எதிர்ப்பு

ரபீக் · ரபீக் Wed Mar 23, 2011 10:03 am

லிபியா மீதான அமெரிக்க கூட்டுப்படை தாக்குதலுக்கு உலகம் முழுவதும் கடும் எதிர்ப்பு கிளம்பி உள்ளது. தாக்குதலை முன்னின்று நடத்தும் அமெரிக்கா மற்றும் இங்கிலாந்தின் எதிர்க்கட்சிகளும் எதிர்ப்பு தெரிவித்துள்ளன.சொந்த மக்கள் மீது அடக்குமுறையை கையாளும் லிபியா மீது அமெரிக்கா தலைமையிலான கூட்டுப்படை ராணுவ தாக்குதல் நடத்தி வருகிறது. இந்த தாக்குதல் குறித்து,

அமெரிக்க அதிபர் ஒபாமா நாடாளுமன்றத்தின் ஒப்புதலைப் பெறவில்லை. தமது ஜனநாயக கட்சி எம்பிக்களிடமும் இதுபற்றி விவாதிக்கவில்லை. எனினும், இந்த தாக்குதலை நியாயப்படுத்தி அனைத்து கட்சி எம்பிக்களுக்கும் தனித்தனியாக கடிதம் எழுதி உள்ளார். இந்நிலையில், லிபியா மீது தாக்குதல் நடத்துவதற்கு முன்பு, நாடாளுமன்ற ஒப்புதலைப் பெறத் தவறி விட்டதாகவும், இது சட்டத்துக்குப் புறம்பானது என்றும் அமெரிக்காவின் குடியரசு கட்சி குற்றம் சாட்டி உள்ளது. Ôலிபியா விஷயத்தில் ஒபாமா தன்னிச்சையாக முடிவு எடுத்துள்ளார். இவர் இப்படி நடந்து கொள்வதற்கு இது ஒன்றும் மன்னராட்சி இல்லைÕÕ என குடியரசு கட்சி எம்பி ரோஸ்கோ பார்ட்லெட் தெரிவித்துள்ளார்.

எனினும், தனியார் தொலைக்காட்சி சார்பில் நடத்தப்பட்ட ஆய்வில், ஒபாமாவின் நடவடிக்கை சரி என 50 சதவீதம் பேரும், தவறு என 41 சதவீதம் பேரும் கருத்து தெரிவித்துள்ளது தெரியவந்துள்ளது. ஐ.நா. விரைவில் ஆலோசனை: லிபியா மீதான அமெரிக்க கூட்டுப்படை தாக்குதல், ஐ.நா. பாதுகாப்பு கவுன்சில் தீர்மானத்தின் அடிப்படையில் நடத்தப்படுகிறதா என்பது குறித்து ஓரிரு நாளில் கூடி விவாதிக்கப்படும் என ஐ.நா.வுக்கான இந்திய தூதர் ஹர்தீப் சிங் பூரி தெரிவித்துள்ளார்.

லிபியா மீதான தாக்குதல் குறித்து, தனியார் தொலைக்காட்சி நிறுவனம் சார்பில் இங்கிலாந்தில் கருத்து கணிப்பு நடத்தப்பட்டது. அமெரிக்க படையுடன் இணைந்து லிபியா மீது தாக்குதல் நடத்துவது தேவையற்றது என 53 சதவீதம் பேர் தெரிவித்துள்ளனர். 35 சதவீதம் பேர் மட்டுமே தாக்குதல் சரி என கூறியுள்ளனர்.
விடுப்பு குலுமம்