வீடியோ படக்காட்சியில் தோன்றுபவர் மலேசிய எதிர்கட்சித் தலைவர் அன்வார் அல்ல-பி.கே.ஆர்

கோலாலம்பூர்,மார்ச்.21- கடந்த மாத இறுதியில், தலைநகரில் தங்கும் விடுதி ஒன்றில், ஒர் ஆடவர் விலைமாது ஒருவருடன் பாலியல் தொடர்பு கொண்டதாக நம்பப்படும் வீடியோ படக்காட்சி ஒன்று இன்று காலை வெளியிடப்பட்டது. அந்த வீடியோ படக்காட்சியில் இருப்பது மக்கள் நீதிக் கட்சியின் ஆலோசகர் டத்தோ ஸ்ரீ அன்வார் இப்ராஹிம் என்று கூறப்படுவதை அந்த கட்சியின் உயர்மட்டத் தலைவர்கள் மறுத்தனர்.

இப்படக்காட்சியில் அன்வார் இருப்பதுபோல் சித்தரிக்கப்பட்டுள்ளது என்று பி.கே.ஆர்-இன் தகவல் பிரிவு தலைவர் நிக் நஸ்மி நிக் அகமது தெரிவித்தார்.

‘இப்படக்காட்சியில் இருப்பவர் அன்வார் அல்ல. அன்வார் இப்ராஹிம் ஒழுக்கமற்றவர் என்றும் அவர் இந்நாட்டில் சுதந்திரமாக வலம் வர தகுதியற்றவர் என்ற தோற்றத்தை ஏற்படுத்தவும் தேசிய முன்னணி எடுத்துக்கொண்ட முயற்சி தான் இது’ என்று பாஸ் கட்சியின் அரசியல் பிரிவு உறுப்பினர் காலிட் சாமாட் தெரிவித்தார்.

இவரையடுத்து மக்கள் நீதிக் கட்சியின் உதவி தலைவர் சுவா தியான் சாங், ‘தேசிய முன்னணி பெரிய விஷயங்களையெல்லாம் பின்னுக்குத் தள்ளிவிட்டு தனிப்பட்ட முறையில் தாக்குகிறது என்று அவர் சாடினார். இன்று காலை ‘டத்தோ T’ என்று தன்னை அடையாளப்படுத்திக் கொண்ட நபர் ஒருவர், பி.கே.ஆர் தலைவர், சீன நாட்டைச் சேர்ந்தவர் என்று நம்பப்படும் விலைமாது ஒருவருடன் பாலியல் உறவில் ஈடுபடுவது போன்ற வீடியோ படக்காட்சியை வெளியிட்டார்.

21 நிமிடங்கள் ஒளியேறும் அவ்வீடியோ படக்காட்சி 4 அத்தியாயங்களைக் கொண்டிருக்கிறது. இதில் கட்சித் தலைவரும், நாடாளுமன்ற உறுப்பினருமான அந்த ஆடவர் பாலியல் உறவில் ஈடுபடும் காட்சி நம் நாட்டின் அரசியல் களத்தில் மிகப்பெரிய அதிர்வைக் கொண்டுவரும் என்று எதிர்பார்க்க முடிகிறது. கடந்த பிப்ரவரி 21-ஆம் தேதி எடுக்கப்பட்ட அந்த படக்காட்சி இன்று தலைநகரில் உள்ள தங்கும் விடுதி ஒன்றில் செய்தியாளர்களிடம் காண்பிக்கப்பட்டது.

சர்ச்சைக்குரிய அந்த வீடியோ படக்காட்சி சம்பந்தப் பட்ட கட்சித் தலைவருக்கும் அவரது மனைவிக்கும் அனுப்பப்படுவதற்கு முன்பு செய்தியாளர்களிடம் காண்பிக்கப்பட வேண்டியது அவசியம் என டத்தோ T என்ற அந்த நபர் குறிப்பிட்டார். அப்படக்காட்சியில் இருப்பது தாம் தான் என்று ஒப்புக்கொள்ளும் பட்சத்தில், கணவன் மனைவி இருவருமே தாங்கள் வகிக்கும் பதவியிலிருந்து விலக வேண்டும் என்றும் அவர் சொன்னார். இந்த வீடியோ படக்காட்சியில் இருக்கும் தலைவர் ஒழுக்கமற்றவர் என்பதால் இவர் ஒரு தலைவராக இருப்பதற்கே தகுதியற்றவர் என்றும் டத்தோ T குறிப்பிட்டார்.

‘விடுதி அறையில் தமது கைக்கடிகாரத்தை விட்டு வந்து விட்டதாகவும் அதை எடுத்து வருமாறும் என்னைக் கேட்டுக்கொண்டார். நான் தேடிய போது கிடைக்காததால் அலங்கார அலமாரிக்குப் பின்னால் தேடிய போது அங்கே நிறைய வயர்கள் இருப்பதைக் கண்டு திடுக்கிட்டேன். அதனை CCTV-இல் இணைத்தபோது சம்பந்தப்பட்ட அந்த தலைவர் விலைமாது-டன் பாலியல் உறவு கொள்வதை அறிய முடிந்தது’ என்று டத்தோ T என்ற அந்த நபர் வெளியிட்ட பத்திரிகைச் செய்தியில் கூறியிருந்தார்.

இதற்கு முன்னதாக முன்னால் பிரதமர் துன் டாக்டர் மகாதீர் முகமது தமது சுய சரிதை நூலில் முன்னால் துணைப்பிரதமர் அன்வார் இப்ராஹிம்-மிற்கு நான்கு பெண்கள் அனுப்பப்பட்டதாக கூறியிருந்ததை அன்வார் மறுத்தார். தற்போது அவர் ஓரின புணர்ச்சி வழக்கில் சிக்கியுள்ளார் என்பது குறிப்பிடத்தக்கது.

இதே போன்று 2007-ஆம் ஆண்டு இறுதியில் முன்னால் சுகாதார அமைச்சரும் ம.சி.ச தலைவருமான டத்தோ ஸ்ரீ டாக்டர் சுவா சொய் லேக் பாலியல் வீடியோ படக்காட்சியில் இடம்பெற்றதையடுத்து பதவி விலகினார் என்பது குறிப்பிடத்தக்கது. 'வணக்கம் மலேசியா'

பாவம் அவர்! சோதனை மேல் சோதனை.............. அதிகாரம் இருப்பதால் அரசாங்கம் அளவுக்கு அதிகமாக வேண்டாதவர்களை அச்சுறுத்துகின்றதோ என்றே தோன்றுகிறது... :அடபாவி: :அடபாவி: :அடபாவி:

சரி கடைசியில் அவர் ஒத்துக்கிட்டாரா இல்லையா? தனிமனித உரிமையில் தலையிடும் செயல் என்றே தோன்றுகிறது.

அவ்விசயத்தை விசாரணை செய்ய சொல்லி, அவர் காவல்துறையில் புகார் செய்துள்ளார் நண்பரே.............

எனக்கு ஒரு விஷயம் புரியவே இல்லை... இந்த விடயம் தனி மனித உரிமை இல்லையா..? ஏன் இப்படி அசிங்கப்படுத்துகிறார்கள்..?

நம்ம ஊர் கருணாநிதி செய்யாத அட்டூழியமா..? அவரெல்லாம் தமிழ்த்தலைவராக உலா வரவில்லையா..?