ஒளியில்லா உலகில்......

by ஹாசிம் Tue Mar 22, 2011 7:50 pm

பார்க்கத்தோன்றிய போதும்
பார்க்கமுடியாத துரதிர்ஷ்டசாலியாய்
தொடர்ந்த கருவறை இருளோடு
போராடுகிறது கண்கள்

பல்லாயிரம் கண்களாய்
உணர்தலோடு பார்வைகள்
இருள் மட்டுமே உலகமானதில்
வேற்றுமைகள் தெரிவதில்லை

பார்க்கத்தெரிந்த மனிதனால்
பாவங்கள் அகற்றத் தெரியவில்லை
ஈனங்கள் நடப்பதறிந்து
பார்க்கத்தோன்றவில்லை

ஒளியுள்ள உலகில்
ஒளிர்கின்ற அநியாயங்களை
காண்பதில் கலங்குவதை...
மறுத்த இறைவனுக்கே புகழனைத்தும்

கண்கள் இழந்த ஒளிகளோடு
துலங்குகிறது என்னுலகம்
பார்வையிருந்தும் இழந்து
தவிக்கிறது இவ்வுலகம்

by கலைவேந்தன் Tue Mar 22, 2011 11:17 pm

கண்ணிருந்தும் குருடராய்ப் பலபேர்.. விழியில்லாமல் படைத்த விதியினுக்கு நன்றி சொல்லி மகிழும் சிலபேர்..

ஊனக்கண்களால் நாம் காணும் வெறுப்பேற்றும் செயல்களைவிட அவற்றைக் காண வழியில்லாது படைத்த இறைவனுக்கு நன்றி சொல்லும் போது இறைவனின் இக்கருணையைப் புகழ்வதா..? இல்லை நலமனைத்தும் படைத்து அதனைக் கண்ணுற்று பெரும் இன்பம் பெறும் வகையின்றிச் செய்து விட்ட இறைவனைச் சபிப்பதா..? என்பது தான் இங்கே பெரும் கேள்வி..

மிக அருமையான கவிதை படைத்து பெருமிதம் கொள்ள வைத்தீர் ஹாசிம்...

பாராட்டுகக்ள்...

காண்பதில் கலங்குவதை மறுத்த இறைவனுக்கே புகழனைத்தும்...

by ஹாசிம் Wed Mar 23, 2011 10:35 am

கலை wrote:கண்ணிருந்தும் குருடராய்ப் பலபேர்.. விழியில்லாமல் படைத்த விதியினுக்கு நன்றி சொல்லி மகிழும் சிலபேர்..

ஊனக்கண்களால் நாம் காணும் வெறுப்பேற்றும் செயல்களைவிட அவற்றைக் காண வழியில்லாது படைத்த இறைவனுக்கு நன்றி சொல்லும் போது இறைவனின் இக்கருணையைப் புகழ்வதா..? இல்லை நலமனைத்தும் படைத்து அதனைக் கண்ணுற்று பெரும் இன்பம் பெறும் வகையின்றிச் செய்து விட்ட இறைவனைச் சபிப்பதா..? என்பது தான் இங்கே பெரும் கேள்வி..

மிக அருமையான கவிதை படைத்து பெருமிதம் கொள்ள வைத்தீர் ஹாசிம்...

பாராட்டுகக்ள்...

காண்பதில் கலங்குவதை மறுத்த இறைவனுக்கே புகழனைத்தும்...

மிக்க நன்றி அண்ணா.......உங்கள் கருத்தும் மெய்ச்சிலிர்க்க வைக்கிறது

by **Manik** Wed Mar 23, 2011 10:38 am

நிஜம்தான் நண்பரே பார்வையிருந்தும் இழந்து தான் தவிக்கிறது அருமையான வரிகள்

by மஞ்சுபாஷிணி Wed Mar 23, 2011 10:41 am

அசத்தல் வரிகளோடு கருத்து சொல்லும் மற்றுமொரு கவிதை....
கருத்தின் தொனி நச் நச் என்று மண்டை இடியாக இறங்குவதை தவிர்க்க முடியவில்லை.....

பார்வை இருந்தும் பயனேது ஜனங்களே
என்ன நல்லதை செய்தீர்கள் பார்த்தீர்கள்?
பார்வை இழந்தாலும் தொடுதல் உணர்வால்
எங்களுக்கு இருக்கும் இந்த நல்ல செயல்கள்கூட
உங்களால் செய்ய முடியவில்லையே....
பார்வை இருந்து இப்படி உலகத்தை பயனற்று பார்ப்பதைவிட
இறைவன் பார்வை மறுத்ததற்கு கோடி நன்றிகள் என்று அருமையான அசத்தல் அட்டகாச வரிகளோடு கவிதை அமைத்தமை அழகு ஹாசிம்....

அன்பு வாழ்த்துக்கள் தம்பி..... ஒளியில்லா உலகில்...... 224747944

by செய்தாலி Wed Mar 23, 2011 10:46 am

வரிகள் சொல்லும் கண்ணுள்ள குருடர்கள்

கவிதை மிக அருமை தோழரே

by ஹாசிம் Wed Mar 23, 2011 11:28 am

Manik wrote:நிஜம்தான் நண்பரே பார்வையிருந்தும் இழந்து தான் தவிக்கிறது அருமையான வரிகள்

மிக்க நன்றி மாணிக்.....

by ஹாசிம் Wed Mar 23, 2011 3:01 pm

மஞ்சுபாஷிணி wrote:அசத்தல் வரிகளோடு கருத்து சொல்லும் மற்றுமொரு கவிதை....
கருத்தின் தொனி நச் நச் என்று மண்டை இடியாக இறங்குவதை தவிர்க்க முடியவில்லை.....

பார்வை இருந்தும் பயனேது ஜனங்களே
என்ன நல்லதை செய்தீர்கள் பார்த்தீர்கள்?
பார்வை இழந்தாலும் தொடுதல் உணர்வால்
எங்களுக்கு இருக்கும் இந்த நல்ல செயல்கள்கூட
உங்களால் செய்ய முடியவில்லையே....
பார்வை இருந்து இப்படி உலகத்தை பயனற்று பார்ப்பதைவிட
இறைவன் பார்வை மறுத்ததற்கு கோடி நன்றிகள் என்று அருமையான அசத்தல் அட்டகாச வரிகளோடு கவிதை அமைத்தமை அழகு ஹாசிம்....

அன்பு வாழ்த்துக்கள் தம்பி.....

எப்பவும் போல் பின்னூட்டத்தில் மெய்ச்சிலிர்க்க வைத்தீர்கள் மிக்க நன்றி
உங்கதயவில் உருவான கவிதையாதலால் இன்னும் இக்கவிதைக்கு சிறப்பு