ஆந்திர முதல்வர் மாயம் ‌தேடும் பணி தீவிரம்: ராணுவ விமானங்கள் கிளம்பின

by **சிவா** Wed Sep 02, 2009 9:47 pm

ஐதராபாத்: ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர் திடீரென மாயமானதால் பரபரப்பு ஏற்பட்டது. ஐதராபாத்தில் இருந்து சித்தூருக்கு நிகழ்ச்சி ஒன்றில் கலந்து கொள்வதற்காக ராஜசேகர ரெட்டி ஹெலிகாப்டரில் சென்றார்.

ஆந்திராவில் நல்ல மழை பெய்து வருவதால், மேகமூட்டம் காரணமாக ரேடார் கட்டுப்பாட்டு அறைக்கு முதல்வர் சென்ற ஹெலிகாப்டரில் இருந்து சிக்னல் ஒருசில நிமிடங்கள் துண்டிக்கப் பட்டது. இதனால் கட்டுபாட்டு அறை, தலைமை செயலகம் என அரசு அலுவலகங்களில் பரபரப்பு ஏற்பட்டது. இந்நிலையில், ஹெலிகாப்டர் பத்திரமாக கர்னூல் மாவட்டத்தில் தரையிறக்கப் பட்டது.

முதல்வர் பத்திரமாகவும், நலமாகவும் இருக்கிறார் என்ற கூறப்பட்டாலும் அதிகாரப்பூர்வமான தகவல் எதுவும் இல்லை. உள்துறை அமைச்சகம் இதுவரை யாரும் ராஜசேகர ரெட்டியை தொடர்பு கொள் முடியவில்லை என தெரிவித்துள்ளது. தனியார் ஹெலிகாப்டர் ஒன்றும், ஏர்போர்ஸ் ஹெலிகாப்டர்கள் இரண்டும் தேடும் பணியில் ஈடுபட்டுள்ளன. இந்நிலையில் மோசமான வானிலை காரணமாக மேலும் முன்னேற முடியாமல் இரண்டு ஹெலிகாப்டர்கள் திரும்பி வந்துவிட்டன. ஆள் இல்லாத விமானத்தை அனுப்பி முதல்வரை தேடும் முயற்சியிலும் ஆந்திர அரசு ஈடுபட்டிருக்கிறது.

காட்டுப்பகுதியில் இருக்கும் மக்களுக்கு ஆந்திர அரசு வேண்டுகோள் விடுத்துள்ளது. முதல்வர் சென்ற விமானத்தை பற்றி ஏதாவது தகவல் கிடைத்தால் அருகில் உள்ள வன இலாக்கா அதிகாரிகளிடமோ , போலீசாரிடமோ அல்லது வருவாய் துறையினரிடமோ தெரிவிக்கும் படி கேட்டுக் கொண்டிருக்கிறது. ஆந்திர அரசுடன் சேர்ந்து மத்திய அரசும் முதல்வரை தேடும் பணியில் ஈடுபட்டு வருகிறது. ராணுவ விமானங்கள் மற்றும் இஸ்ரோ படையினரும் தேடும் பணியில் ஈடுபட்டுள்ளனர்.

by மீனு Wed Sep 02, 2009 9:50 pm

muthalvar maayamaa..ada kadavule..

yenakkum innum oru thagavalum varala..vanthichunna kandippa anuppi vaikkiren..

by **சிவா** Wed Sep 02, 2009 9:51 pm

முதல்வரின் பாதுகாப்பே இப்படி கேள்விக்குறியென்றால் பாமர மக்களின் நிலைதான் என்ன?

by நிலாசகி Wed Sep 02, 2009 9:52 pm

அடுத்து தேர்தல் வருமா அங்கு...இல்லாட்டி வேறு ஒருத்தவர முதல்வரா ஆக்கிடுவாங்களா மகன் வேறு இருக்கார்
? இப்படி அந்த ஊரு அரசியல் தலைவர்கள் கணக்கு போட்டு கொண்டிருப்பார்

by மீனு Wed Sep 02, 2009 9:53 pm

mm.correct shiva anna...ithil politik irukkumoo yennamoo..

by **சிவா** Wed Sep 02, 2009 9:53 pm

நிச்சயமாக! ஆனால் எதிர்க்கட்சித் தலைவர்கள் தங்களின் வருத்தத்தை தெரிவித்து உள்ளுக்குள் ஆனந்தமடைவர்!

by kirupairajah Wed Sep 02, 2009 10:07 pm

ஆந்திர முதல்வர் மாயம்: சோனியா தீவிர ஆலோசனை

ஆந்திர முதல்வர் ராஜசேகர ரெட்டி பயணம் செய்த ஹெலிகாப்டர் மாயமானது பற்றி அகில இந்திய காங்கிரஸ் தலைவர் சோனியா காந்தி உள்துறை அமைச்சர் ப.சிதம்பரத்துடன் தீவிர ஆலோசனையில் ஈடுபட்டுள்ளார்.

கர்னூல் மாவட்டத்தில் நடந்த அரசு நிகழ்ச்சி ஒன்றில் பங்கேற்க இன்று காலை 8.30 மணிக்கு ஐதராபாத்தில் இருந்து ஹெலிகாப்டர் மூலம் ஆந்திர முதல்வர் ராஜசேகர ரெட்டி பயணம் மேற்கொண்டார். ஆந்திராவில் நல்ல மழை பெய்து வருவதால், மேகமூட்டம் காரணமாக ரேடார் கட்டுப்பாட்டு அறைக்கு முதல்வர் சென்ற ஹெலிகாப்டரில் இருந்து சிக்னல் கிடைக்கவில்லை. ஒரு மணி நேரத்திற்கும் மேலாக சிக்னல் கிடைக்காமல் துண்டிக்கப்பட்டது. இதனால் கட்டுபாட்டு அறை, தலைமை செயலகம் என அரசு அலுவலகங்களில் பரபரப்பு ஏற்பட்டது.

ஐதராபாத்தில் இருந்து விழா நடக்கும் இடம் 350 கிலோ மீட்டர் தூரம் உள்ளது. இதை காலை 10 மணிக்கு சென்றடைந்துவிடலாம் என கூறப்படுகிறது. ஆனால் ஹெலிகாப்டர் புறப்பட்ட 65 நிமிடங்கள் கழித்து எந்த தொடர்பும் இல்லை. காலை 9.35 மணிக்கு மேல் ராஜசேகர ரெட்டியை தொடர்பு கொள்ள முடியவில்லை என ஆந்திர அரசு தெரிவித்துள்ளது.

ஆந்திர முதல்வரை தேடும் பணியில் தனியார் ஹெலிகாப்டர் ஒன்றும், ஏர்போர்ஸ் ஹெலிகாப்டர்கள் இரண்டும் ஈடுபட்டுள்ளன. அடர்ந்த காட்டுப்பகுதியில் தேடும் பணி நடந்து வருகிறது. இந்நிலையில் மோசமான வானிலை காரணமாக மேலும் முன்னேற முடியாமல் இரண்டு ஹெலிகாப்டர்கள் திரும்பி வந்துவிட்டன.

ஆள் இல்லாத விமானத்தை அனுப்பி முதல்வரை தேடும் முயற்சியிலும் ஆந்திர அரசு ஈடுபட்டிருக்கிறது. மொத்தம் 10 ஹெலிகாப்படர்கள் தேடும் பணியில் ஈடுபடுத்தப்பட்டுள்ளன. சக்தி வாய்ந்த மின் விளக்குகளுடன் 2 ஆயிரத்திற்கும் மேற்பட்ட போலீசார் அடந்த காட்டுப் பகுதிக்குள் நுழைந்து தேடி வருவதாகவும் தகவல்கள் தெரிவிக்கின்றன.

இதற்கிடையில் தமிழக - ஆந்திர எல்லைப்பகுதியில் தேடுதல் வேட்டை நடத்த உத்தரவிடப்பட்டுள்ளது. இந்த உத்தரவையடுத்து தமிழக எல்லைப்பகுதியிலும் போலீசார் தீவிர தேடுதல் வேட்டையில் ஈடுபட்டுள்ளனர்.

இந்நிலையில் டெல்லியில் ஆந்திர முதல்வர் மாயமானது பற்றி வீரப்ப மொய்லி சோனியாவிடம் விளக்கம் கொடுத்துள்ளார். ஆந்திர முதல்வரை தேடும் பணிகள் குறித்து மத்திய உள்துறை அமைச்சர் ப.சிதம்பரத்துடன் அகில இந்திய காங்கிரஸ் கட்சி தலைவர் சோனியா காந்தியிடம் விளக்கம் அளித்துள்ளார். மேலும் அடுத்த கட்ட நடவடிக்கை குறித்து சோனியா அமைச்சர்களுடன் தீவிர ஆலோசனை நடத்தி வருகிறார்.