வயதாகி குழந்தை பெற்றால் இன்னொரு ஆபத்து!

by மீனு Wed Sep 02, 2009 9:32 pm

First topic message reminder :

வயதாகி குழந்தை பெற்றால் இன்னொரு ஆபத்து! - Page 3 Mother-kissing-baby

இந்திய நகர்ப்புறங்களை எடுத்துக்கொண்டால் பல்வேறு காரணங்களால் பெண்கள் திருமணம் செய்யும் வயது அதீதமாக அதிகரித்திருக்கிறது. இதன் காரணமாக குழந்தை பெற்றுக்கொள்ளும் வயதும் அதிகரித்திருக்கிறது.

பெண்கள் வயதான பிறகு குழந்தை பெற்றுக்கொண்டால், பிறக்கும் குழந்தைகளுக்கு பல உடல்நலக் கோளாறுகள் ஏற்படும் வாய்ப்பு இருக்கும் என்பது தெரிந்த தகவல்தான். இப்போது அந்தப் பட்டியலில் புதிதாகச் சேர்ந்திருக்கிறது புற்றுநோய். ஆம்,காலம் தாழ்த்தி குழந்தை பெற்றுக் கொள்ளும் பெண்களுக்குப் பிறக்கும் குழந்தைகளுக்குபுற்று நோய் ஏற்படும் வாய்ப்பு அதிகம் என்று கண்டறிந்திருக்கிறது மின்னசோட்டா பல்கலைக்கழகத்தின் மாசோனிக் கேன்சர் சென்டர்.

"குழந்தைகளுக்கு புற்றுநோய் ஏற்படும் வாய்ப்பு குறைவு என்றாலும், சிலருக்கு மட்டும் வருவதற்கு, அவர்களுடைய தாயாரின் வயது அதிகம் என்பதும் ஒரு காரணம்" என்கிறார் அந்தப் பல்கலைக்கழகத்தைச் சேர்ந்த லோகான் ஸ்பெக்டர்.

இந்த ஆய்வுக்காக நியுயார்க், வாஷிங்டன், மின்னசோட்டா, டெக்ஸாஸ், கலிஃபோர்னியா ஆகிய நகரங்களில் பிறந்த குழந்தைகளின் பட்டியல் பயன்படுத்தப்பட்டன. 14 வயதுக்குட்பட்ட குழந்தைகளில் புற்றுநோய் உள்ள 17,672 குழந்தைகளின் மருத்துவ ரிக்கார்டுகளும் புற்றுநோய் இல்லாத 57,966 குழந்தைகளின் மருத்துவ ரிக்கார்டுகளும் ஆய்வுக்குட்படுத்தப்பட்டன. "குழந்தைகளுக்குப் பொதுவாக வரும் 10 புற்றுநோய்களில் 7 புற்றுநோய்கள் வரும் வாயப்பு 7 முதல் பத்து சதவீதம் வரை தாயின் வயதுக்கேற்ப அதிகரிக்கும்" என்கிறார் ஸ்பெக்டர். தந்தையின் வயது இதில் ஒரு பொருட்டு இல்லை என்கிறார்கள் ஆராய்ச்சியாளர்கள். தாயின் வயது அதிகரிக்க அதிகரிக்க, புற்றுநோய் வரும் வாய்ப்பு ஏன் அதிகரிக்கிறது என்பதை அறிய தொடர்ந்து ஆராய்ச்சிசெய்ய வேண்டும் என்கிறார்கள் அந்தப் பல்கலை கழகத்தைச் சேர்ந்தவர்கள்.

ரத்தப் புற்றுநோய், மத்திய நரம்பு மண்டலத்தில் ஏற்படும் கட்டி, எலும்புப் புற்றுநோய் ஆகியவை குழந்தைகளுக்கு சாதாரணமாக ஏற்படும் புற்றுநோயாகும்.

வயதான பெண்களுக்குப் பிறக்கும் குழந்தைகளுக்கு டௌன் சிண்ட்ரோம் போன்ற மூளை சார்ந்த குறைபாடுகள் ஏற்படும் வாய்ப்பு மிக மிக அதிகம் என்பது குறிப்பிடத்தக்கது. ஆனால், இந்தக் குறைபாட்டை பெண் கர்ப்பமாக இருக்கும்போதே சில பரிசோதனைகளின் மூலம் கண்டுபிடித்துவிடலாம்.