உடலுக்கு வெளியே இருதயத்துடன் பிறந்த குழந்தை

**சிவா** · **சிவா** Tue Mar 22, 2011 2:30 pm

A Chinese baby born with ‘Ectopia cordis’ a rare heart malformation
உடலுக்கு வெளியே இருதயத்துடன் பிறந்த குழந்தை 75771375-xin-xin

சீனாவில் யுனான் மாநிலத்தை சேர்ந்த தொழிலாளர் ஒருவரின் மனைவிக்கு 2 மாதங்களுக்கு முன்பு ஒரு ஆண் குழந்தை பிறந்தது. இந்த குழந்தையின் இருதயம் உடலுக்கு வெளியே உள்ளது. அதன் வயிற்றுக்கு வெளியே இருதயம் துடித்துக்கொண்டு இருக்கிறது. இதை தொடர்ந்து அந்த குழந்தைக்கு சிகிச்சை அளிப்பதற்காக சோங்கிங் மாநிலம் ஷின் கியாவோ நகரில் உள்ள ஆஸ்பத்திரிக்கு அதன் பெற்றோர் தூக்கிக் கொண்டு வந்தனர். அங்கு டாக்டர்கள் குழந்தையை பரிசோதித்து பார்த்தனர்.

இது போல நடப்பது மிக அரிதானதாகும் என்றும், லேசான மோதல் ஏற்பட்டாலோ அல்லது எந்த ஒன்றுடன் தொடர்பு ஏற்பட்டாலோ அந்த குழந்தை இறந்து விடும் என்றும் டாக்டர்கள் தெரிவித்தார்கள்.

இந்த குழந்தைக்கு என்ன மாதிரி சிகிச்சை அளிப்பது என்பது குறித்து டாக்டர்கள் விவாதித்தனர். எந்த மாதிரி சிகிச்சை அளித்தாலும் அது உயிருக்கு ஆபத்தாக முடியலாம் என்று டாக்டர்கள் தெரிவித்தனர். இதனால் மேலும் 3 மாதம் பொறுத்து இருப்பது என்ற முடிவுக்கு டாக்டர்கள் வந்து உள்ளனர். அதன் உடல்பாகங்கள் ஆபரேஷனை தாங்குகிற அளவுக்கு வலுவடைந்தபிறகு சிகிச்சை அளிக்கலாம் என்று தீர்மானித்து உள்ளனர்.