திமுகவுக்கு வண்டு முருகன் ஆதரவு-23ம் தேதி முதல் தீவிரப் பிரசாரம்

by ரபீக் Mon Mar 21, 2011 12:44 pm

வைகைப் புயல் என்று ரசிகர்களால் அன்புடன் அழைக்கப்படும் நடிகர் வடிவேலு திமுக அணிக்கு ஆதரவாக திரும்பியுள்ளார். முதல்வர் கருணாநிதியை சந்தித்து அவர் பேசியுள்ளார். திமுக வேட்பாளர்களை ஆதரித்துத் தீவிரப் பிரசாரம் செய்யப் போவதாகவும் அவர் கூறியுள்ளார்.

நடிகர் வடிவேலு இதுவரை எந்த அரசியல் சாயத்தையும் பூசிக் கொள்ளாமல் இருந்து வந்தார். ஜெயலலிதாவையும் அவர் பகைத்துக் கொண்டதில்லை. அதேபோல முதல்வர் கருணாநிதியுடனும் அதிகம் ஒட்டிக் கொண்டதில்லை. இரு தரப்புக்கும் பொதுவானவராகவே இருந்து வந்தார்.

இந்த நிலையில் விஜயகாந்த் கட்சி, அதிமுகவுடன் கூட்டணி வைக்கும் முடிவுக்கு வந்து அதை அதிமுகவும் ஏற்றுக் கொண்டபோது அதை விமர்சித்துக் கருத்து தெரிவித்தார். தன்னை எம்.ஜி.ஆர் என்று கூறிக் கொள்பவரை ஜெயலலிதா ஏற்கிறாரா என்று அவர் கேட்டிருந்தார்.

வடிவேலுவுக்கும், விஜயகாந்த்துக்கும் இடையிலான மோதல் உலகம் அறிந்தது. அந்த மோதலின்போது, விஜயகாந்த் எங்கு நின்றாலும் அவரை எதிர்த்துப் போட்டியிட்டு தோற்கடிப்பேன் என்று வீராவேசமாக கூறியிருந்தார் வடிவேலு. இருப்பினும் இந்தத் தேர்தலில் அவர் போட்டியிடவில்லை.

ஆனால் தற்போது விஜயகாந்த் இடம் பெற்றுள்ள -அல்லது இடம் பெறப் போகிற அதிமுக கூட்டணிக்கு எதிராக, திமுக வேட்பாளர்களை ஆதரித்துப் பிரசாரம் செய்யப் போவதாக வடிவேலு அறிவித்துள்ளார்.

இன்று முதல்வர் கருணாநிதியை வடிவேலு திடீரென சந்தித்துப் பேசினார். பின்னர் செய்தியாளர்களிடம் அவர் பேசுகையில், நான் வருகிற சட்டசபைத் தேர்தலில் திமுக வேட்பாளர்களை ஆதரித்துப் பிரசாரம் செய்ய முடிவு செய்துள்ளேன். இதை முதல்வர் கருணாநிதியை நேரில் சந்தித்துத் தெரிவித்தேன்.

23ம் தேதி முதல் எனது பிரசாரம் தொடங்குகிறது. தமிழகம் முழுவதும் சென்று பிரசாரம் மேற்கொள்வேன் என்றார் வடிவேலு.

அரசியல்வாதி 'வண்டு முருகனாக' திரைப்படத்தில் கலக்கிய வடிவேலு, நிஜமான தேர்தல் களத்தில் குதித்திருப்பதால், சட்டசபை பிரசாரம் சூடு பிடிக்க ஆரம்பித்துள்ளது
தட்ஸ்தமிழ்

by மகா பிரபு Mon Mar 21, 2011 12:52 pm

ஸினெக் பாபு வாழ்க!!!!!!!
ஸினெக் பாபு வாழ்க!!!!!!!
ஸினெக் பாபு வாழ்க!!!!!!!

by JUJU Mon Mar 21, 2011 1:09 pm

ஹையோ ஹையோ

by உதயசுதா Mon Mar 21, 2011 1:15 pm

பாவம் வண்டு முருகன் stylil பேசி ஒரு வாரத்துக்கு இவர வச்சு அடிக்காம இருந்தா சரி

by ரபீக் Mon Mar 21, 2011 1:16 pm

உதயசுதா wrote:பாவம் வண்டு முருகன் stylil பேசி ஒரு வாரத்துக்கு இவர வச்சு அடிக்காம இருந்தா சரி

ஏய் ,,என்னைவெச்சு ஒண்ணும் காமெடி பண்ணலையே

by மகா பிரபு Mon Mar 21, 2011 1:21 pm

பில்டிங்க் ஷ்ட்ராங்கு . பட் பேஷ் மட்டம் வீக்கு.

by **பிளேடு பக்கிரி** Mon Mar 21, 2011 3:03 pm

பாவம் இப்ப இவர் நடிச்ச படம் தான் ஒடுறது இல்ல... அதான் பொழைக்கிறதுக்கு ஒரு வழி தேடிக்கிட்டு இருக்காரு திமுகவுக்கு வண்டு முருகன் ஆதரவு-23ம் தேதி முதல் தீவிரப் பிரசாரம் 56667