இணையா(ன)த இதயங்கள்!

D.SABARINATHAN · D.SABARINATHAN Mon 21 Mar 2011 - 7:43

உனைத்தேடி ஓடும் போது
தேங்கிப்போகிறாய் நினைவுகளாய்!
நான் தேங்கிப்போகும்போது
ஓடிக்கொண்டிருக்கிறாய்
கனவுகளாய்!

என் மடிப்புகளைந்த சட்டைகூட
பிடிப்பிபதில்லை
உனக்கு;
எப்படி எற்றுகொள்வாயோ
என் படுக்கையில்
கட்டிப்புரண்டு கசங்கிப்போன
புத்தக பக்கங்களை!

நான் நிலவை ரசிப்பதில் கூட
உடன்பாடில்லை உனக்கு;
என் நிலாச்சோறு ஆசை
நீ பாஸ்ட் புட் கடை
படியேறும்போது
கலைந்துபோகிறது பாதியில்!

செடியில் சிரிக்கும் மலர்களைத்தான்
பிடிக்கும் என் மனதிற்கு;
உன் கூந்தலில் வாடிய
மல்லிகை சரத்திற்கு
எப்படிசொல்வேன்
என் வருத்தங்களை!

பின்இரவின் நட்சத்திரம் வரும்வரை
கதைப்பேசிவிட்டு
படுக்கைக்கு அழைக்கும்
என் தூக்கம்,
எட்டு மணிக்கே தூங்கி வழியும்
உன் இரவின் வெறுமையை
எப்படி சகிக்கும்!

நீ கோலம்போட்டு பாதுகாக்கும்
நோட்டு புத்தக பக்கங்களை
நான் கிறுக்கி, கிழித்து
கசக்கிஎறிய கடன்தர
சம்மதமா?

எனக்கு எழுத பிடிக்கிறது!
உனக்கு ரசிக்கப்பிடிக்கிறது:
நான் வாசிக்கும் போது
கேட்டுக்கொண்டிருக்கப்பிடிக்குமா?

.................
............
.........

இன்னும் ஏதோதோ முரண்பாடுகள்!

காதலிக்கச்சொல்லிவிட்டு
கட்டுப்பாடுகள் இடுகிறோம்!
இதுதான்
நிபந்தனையற்ற நேசமா?

இவற்றைஎல்லாம்
உடன்பாடு செய்துகொள்ளமாட்டேன்
உனக்காய்!;
சமரசம் செய்துகொள்ள
முயற்சிக்கிறேன்
நம்காதலுக்காய்!.

இணையா(ன)த இதயங்கள்!

இணையா(ன)த இதயங்கள்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக