ஆங்கிலப் பெயர்சொற்குறிகள் (Articles)

by sivakumar.gurusamy Sun Mar 20, 2011 6:49 pm

ஆங்கிலப் பெயர்சொற்குறிகள் (Articles)

"பெயர்சொற்குறிகள்" என்பவை பெயர்ச்சொற்களுக்கு முன்பாக குறிப்பிட்டு அல்லது சுட்டிக்காட்டப் பயன்படும் சொற்களாகும். இதனை சுட்டிடைச்சொற்கள் என்றும் அழைப்பர். ஆங்கிலத்தில் பெயர்ச்சொற்குறிகள் மூன்று மட்டுமே உள்ளன.

the, a, an

அவற்றை இரண்டு வகைகளாக வகைப்படுத்தப்பட்டுள்ளன.

Definite Article – நிச்சயப் பெயர்சொற்குறி
Indefinite Articles – நிச்சயமற்ற பெயர்சொற்குறிகள்

நிச்சயப் பெயர்சொற்குறி (Define Article)
-------------------------------------------------------------------------------------
ஆங்கிலத்தில் நிச்சயப் பெயர்ச்சொற்குறி ஒன்று மட்டுமே உள்ளது.

The

யாரேனும் ஒருவரை அல்லது ஏதேனும் ஒன்றை நிச்சயித்து அல்லது குறிப்பிட்டு பேசப் பயன்படும் சொல் “நிச்சயப் பெயர்சொற்குறி” சொல்லாகும். தமிழில் “அந்த, இந்த” என்று குறித்துப் பேசுவதற்கு இணையானப் பயன்பாடாகும். இச்சொல் (The) எப்பொழுதும் பெயர்ச்சொற்களுக்கு முன்பாக மட்டுமே பயன்படும். இச்சொல் ஏற்கெனவே குறிப்பிடப்பட்ட ஒருவரை அல்லது குறிப்பிடப்பட்ட பொருளை குறித்துப்பேசவும் பயன்படும்.

எடுத்துக்காட்டு:

The car.
(அந்த/இந்த) மகிழூந்து

The book.
(அந்த/இந்த) பொத்தகம்

The beautiful girl
(அந்த/இந்த) அழகானப் பெண்.

நிச்சயமற்ற பெயர்சொற்குறிகள் (Indefinite Articles)
-------------------------------------------------------------------------------------
நிச்சயமற்ற பெயர்ச்சொற்குறிகள் எப்பொழுதும் எந்த ஒரு நபரையும் எந்த ஒரு பொருளையும்; இவர்தான் (அவர்/இவர்), இதுதான் (அந்த/இந்த) என்று நிச்சயித்து குறிப்பிட பயன்படுவதில்லை. அதாவது ஒரு நபர் அல்லது பொருள்; யார், எது என தெரியாதப் பொழுது அல்லது குறிப்பிட்டு கூறாமல் தவிர்க்கும் பொருட்டு, பொதுப்படையாக ஓர் ஒரு என நிச்சயமற்ற பெயர்சொற்குறிச்சொற்கள் பயன்படுத்தப்படுகின்றன.

நிச்சயமற்ற பெயர்சொற்குறிகள் ஆங்கிலத்தில் இரண்டு மட்டுமே உள்ளன.

a

an

எடுத்துக்காட்டு:

a car - ஒரு மகிழூந்து
(ஏதோ ஒரு மகிழூந்து, எந்த மகிழூந்து என்று நிச்சயித்து அல்லது குறிப்பிட்டு கூறப்படவில்லை)

a book - ஒரு பொத்தகம்
(எந்த பொத்தகம் என்று குறிப்பிடவில்லை. ஏதோ ஒரு பொத்தகம்)

a beautiful girl - ஒரு அழகானப் பெண்
(எந்தப் பெண் என்று குறிப்பிடப்படவில்லை)

He is an Indian - அவன் ஒரு இந்தியன்.
(இந்தியக் குடியுரிமை கொண்ட ஒருவன்)

குறிப்பு:

1. ஒரு சொல்லின் முதல் எழுத்து மெய்யெழுத்தானால், அதற்கு முன்பாக "ஓர், ஒரு" என்று குறிக்க "a" பயன்படும். ஒரு சொல்லின் முதலெழுத்து உயிரெழுத்துத்தென்றால், அதற்கு முன்பாக "ஓர், ஒரு" என்று குறிக்க "an" பயன்படும். விதிவிலக்கானவைகளும் உள்ளன. அவற்றை தொடர்புடைய பாடத்தில் பார்க்கவும். (Use a/an - Vowels and Consonant)

2. Define Article என்பதை Define Articles என்று “s” இட்டு பன்மையாக எழுதுவது பொருத்தமற்றது. காரணம் Define Article ஒன்று மட்டுமே உள்ளது. (The)

Article சொல்விளக்கம்

"Article" எனும் ஆங்கிலச்சொல் பெயர்ச்சொல்லாகவும் வினைச்சொல்லாகவும் பயன்படும். அத்துடன் "பெயர்சொற்குறி" எனும் பொருளைத் தவிர வேறு சில பொருற்களும் உள்ளன.

Article: பெயர்சொற்குறி (சுட்டிடைச்சொல்)
Article: உடன்படிக்கை. (ஆவண உடன்படிக்கை)
article: உடன்படிக்கை மூலம் கட்டுப்படுத்து (வினை)
Article: கட்டுரை, செய்தித்தாளின் வெளியான ஒரு பொருள்.
ஆங்கிலப் பெயர்சொற்குறிகள் (Articles) 1772578765