வீரத்தாய்க்கு துரோகமா....??

ஹாசிம் · ஹாசிம் Sun 20 Mar 2011 - 15:48

உன் அன்பிற்கு உரித்தானவள்
விரகதாபத்துடன் வீற்றிருக்கிறாள்
விடியாத இரவுகளுடனும்
கழியாத பொழுதுகளுடனும்
தினம் தினம் போர்தொடுக்கிறாள்

விட்டுப்பிரிந்த வினாடிதொட்டு
வீண்பழி சுமத்துவோரும்
வீணர் தொல்லைகளுமாய்
எப்பொழுதும் வீரத்தாய் வேடம்

காமத்தின் எல்லைதொட்டு
களியாட்டம் தினம் தந்து
கட்டில்சுகம் தந்த
கண்ணியவான் நீயென்று
கற்போடு காத்திருக்கிறாள்

எதிர்மறையான உன்நிகழ்வில்
எள்ளிநகையாடல் மறந்து
வேண்டாத உறவுகள் தேடி
வீண்வம்பில் தினம் நொந்து
காலச்சுவடுகளுக்குச்
சந்தர்ப்பமேன் தருகிறாய்

இன்றைய தவறுகளுக்காய்
உலகம் கண்டிராத மருந்துகள் தேடி
ஆளாகிடும் அவஸ்த்தையினை
நீபெறும் இன்பங்கள் - இன்று
நிச்சயம் உணர்ததிடாது

தோழனே உமக்கும்
துல்லியமான அறிவுண்டு
துஸ்பிரயோகம் உன்துணைக்கும்
துரோகம் உன்காதலுக்குமாய்
செய்வதனை - உணர்வதெப்போ.......???

சிந்தையின் சிதறல்கள்

குறிப்பு:சந்தித்தேன் சில நிகழ்வுகளை அதனால் எழுந்தது இந்த வரிகள் யாரதும் மனது புண்படுத்துவதற்காக இல்லை

உதயசுதா · உதயசுதா Sun 20 Mar 2011 - 15:52

சாட்டை அடி வார்த்தைகள் இவை ஹாசிம்.நிலை இல்லாத எதிர்காலத்துக்காக சம்பாதிக்க நிகழ்கால சந்தோசங்களை இழந்து நிற்கும் அனைவருக்கும் உங்கள் கவிதை சமர்ப்பணம்.
கணவன் வெளி நாட்டில் இருக்கும்போது நாட்டில் இருக்கும் மனைவி படும்,அனுபவிக்கும் வேதனைகளும்,கேட்கும் சொல் அம்புகளும் மிக கொடுமை ஆனவை ஹாசிம்

மஞ்சுபாஷிணி · மஞ்சுபாஷிணி Sun 20 Mar 2011 - 17:21

உண்மையே......
நாமுண்டு நம் வேலையுண்டு என்றிருந்தால் எத்தனையோ நலம்....
நல்லப்பெயர் கிடைப்பது அரிது, நல்லது செய்துவிட்டு கெட்ட பெயர் வாங்கும் நிலை சோகம்

அருமையான வரிகளுக்கு அன்பு பாராட்டுக்கள் ஹாசிம்....

ஹாசிம் · ஹாசிம் Sun 20 Mar 2011 - 21:43

உதயசுதா wrote:சாட்டை அடி வார்த்தைகள் இவை ஹாசிம்.நிலை இல்லாத எதிர்காலத்துக்காக சம்பாதிக்க நிகழ்கால சந்தோசங்களை இழந்து நிற்கும் அனைவருக்கும் உங்கள் கவிதை சமர்ப்பணம்.
கணவன் வெளி நாட்டில் இருக்கும்போது நாட்டில் இருக்கும் மனைவி படும்,அனுபவிக்கும் வேதனைகளும்,கேட்கும் சொல் அம்புகளும் மிக கொடுமை ஆனவை ஹாசிம்

மிக்க நன்றி சுதா.......

**Manik** · **Manik** Sun 20 Mar 2011 - 21:52

உண்மையில் மிக அருமையான வரிகள் அண்ணா வீரத்தாய்க்கு துரோகமா....?? 154550

கலைவேந்தன் · கலைவேந்தன் Mon 21 Mar 2011 - 1:19

அறிவுரை வழங்கும் அரிய கவிதைகள் படைப்பதில் வல்லவரான உஙக்ள் அழகிய படைப்புக்கு நன்றியும் பாராட்டுக்களும் ஹாசிம்..!

ஹாசிம் · ஹாசிம் Mon 21 Mar 2011 - 13:06

மஞ்சுபாஷிணி wrote:உண்மையே......
நாமுண்டு நம் வேலையுண்டு என்றிருந்தால் எத்தனையோ நலம்....
நல்லப்பெயர் கிடைப்பது அரிது, நல்லது செய்துவிட்டு கெட்ட பெயர் வாங்கும் நிலை

அருமையான வரிகளுக்கு அன்பு பாராட்டுக்கள் ஹாசிம்....

நன்றிகள் அக்கா இவ்வாறான நிகழ்வுகளோடு உள்ளவர்களுக்கு உணர்ததிட நினைத்தேன் இக்கவிதை எழுத இன்னுமோர் காரணம்
என்கண்முன்னே எம்மைச்சேர்நதவர்கள் தனமனைவி குழந்தை மறந்து எல்லாவிதமான தீயசெயல்களுடன் கும்மாளமிடுகிறார்கள்
என் நண்பன் ஒருவனின் சகேதரியின் கணவர் மலேசியா சென்று எட்டு வருடங்களாகிறது வீடு திரும்பவுமில்லை வீட்டுச்செலவு பார்ப்பதுமில்லை கட்டிக்கொடுத்த பின்னரும் இவன் பாரம் சுமக்கிறான் இவைகளைக் கேட்கும் போதும் பார்க்கும் போதும் உள்ளம் உருகிறது எம்மால் என்ன செய்ய முடியும் என்ற ஒரு கேள்வி மட்டுமே எஞ்சுகிறதே......

Sponsored content · Sponsored content

வீரத்தாய்க்கு துரோகமா....??

வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

Re: வீரத்தாய்க்கு துரோகமா....??

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக