MIG-27 விமானங்கள் மட்டும் 1071 தொன் எடையுள்ள குண்டுகளை வீசியது.

இந்து · இந்து Sun Mar 20, 2011 2:46 am

புலிகளுடனான போரில் இலங்கை விமானப்படை, தனது யுத்தவிமானங்களில் நாலில் ஒரு பங்கை இழக்க நேர்ந்தது என இலங்கை விமானப் படையின் முன்னாள் தளபதியும், பாதுகாப்பு அதிகாரிகளின் பிரதானியுமான எயர் சீவ் மார்சல் றொசான் குணதிலக தெரிவித்துள்ளார். கொழும்பில் உள்ள ஆங்கில ஊடகம் ஒன்றிற்கு அவர் வழங்கிய செவ்வியிலெயே மேற்கண்டவாறு குறிப்பிட்டுள்ளார். அவர் தெரிவித்த தகவல்கள் பின்வருமாறு:-

மாவிலாறில் முதல் முதல் யுத்தம் ஆரம்பிப்பதற்கு முன்னதாகவே, தமது ஆளில்லா விமானங்கள் மூலம் புலிகளின் 2 விமானங்கள் தரையில் இருப்பதை தாம் படம் எடுத்ததாகவும், ஆனால் அதனை அழிக்க முடியாது போனது என்றும் அவர் குறிப்பிட்டுள்ளார். அதற்கு யுத்த நிறுத்தமே காரணம் என்று அவர் கூறியுள்ளார். அப்படியாயின் யுத்த நிறுத்த வேளையிலும் இலங்கை அரசு புலிகளை வேவுபார்த்துக்கொண்டு தான் இருந்திருக்கிறது என்பதனை அவரே ஒத்துக்கொண்டுள்ளார். இதன் காரணமாகவே நாம், புலிகளுக்கு எதிரான எமது மூலோபாயத்தின் ஒரு கட்டமாக வானூர்தி எதிர்ப்பு ஆற்றலைப் பெறுவதற்கான வழிமுறைகளைப் பெற்றோம். இந்தியாவின் உதவியுடன் இலங்கை விமானப் படை ஒரு வான்பாதுகாப்பு வலையமைப்பை உருவாக்கியது. அத்துடன் சில ஆயுதங்களையும், கருவிகளையும் வேறு சில நாடுகளில் இருந்தும் பெற்றோம் என்கிறார் றொசான் குணதிலக.

புலிகளின் வானூர்திகளுக்கு எதிரான நடவடிக்கைகளில் ஈடுபடுத்துவதற்காக சீனத் தயாரிப்பு ஜெட் போர் வானூர்திகளை 2008ம் ஆண்டின் ஆரம்பத்தில் வாங்கினோம். இதன் மூலம் நாங்கள் புலிகளிடம் இருந்த மூன்று வேகம் குறைந்த வானூர்திகளையும் ஏற்கனவே அழித்து விட்டோம். நான்காவது கட்ட ஈழப்போரில் ஜெட் போர் வானூர்திகளின் அணியும், எம்.ஐ 24 ரக தாக்குதல் உலங்குவானூர்தி அணியும் சேர்ந்து சுமார் 1,900 இலக்குகள் மீது தாக்குதல் நடத்தின. இதற்காக 3000 இற்கும் அதிகமான பறப்புகளை அவை மேற்கொண்டிருந்தன எனக் குறிப்பிட்ட குணதிலக அவை மக்கள் செறிந்து வாழும் பரப்புகளிலும் மேற்கொள்ளப்பட்டதாகத் தெரிவித்துள்ளார்.

விடுதலைப் புலிகள் அதிக தூரவீச்சுக் கொண்ட வானூர்தி எதிர்ப்பு ஆயுதங்களைக் கொண்டிருந்தனர். இவற்றில் சீனாவிடம் வாங்கப்பட்ட இடம் நகர்த்தக் கூடிய வானூர்தி எதிர்ப்புப் பீரங்கிளும், வானூர்தி எதிர்ப்பு ஏவுகணைகளும் அடங்கியிருந்தன என்று குறிப்பிடுகிறார் குணதிலக. இதனைக்கொண்டு, பல எம்.ஐ 24ரக உலங்கு வானூர்திகளை அவர்கள் தாக்கினார்கள் என்றும் இருப்பினும் அவை முற்றாக அழிக்கப்படவில்லை என்றும், விடுதலைப் புலிகளுக்கு எதிரான போரின் போது இலங்கை விமானப் படை மொத்தம் 38 விமானிகளை இழந்தது என்றும் தெரிவித்த குணதிலக அவர்களில் பலர் கட்டளை அதிகாரிகளாக இருந்தவர்கள் என்றும் தெரிவித்துள்ளார்.

4ம் ஈழப்போரில், விடுதலைப் புலிகளின் கட்டுப்பாட்டிற்கு உற்பட்ட பகுதிகளுக்குள் இராணுவத்தின் ஆள ஊடுருவும் படையினர் சென்று பல தாக்குதல்களை நடத்தியது யாவரும் அறிந்ததே. அவர்களை குறிப்பிட்ட சில இடங்களில் தரையிறக்கியதும், பின்னர் அவர்களைப் புலிகள் சுற்றிவளைத்த வேளைகளில் அவர்களை மீட்டதும் இலங்கை உலங்குவானூர்திகளே என்றும் அவர் தெரிவித்துள்ளார். நான்காவது கட்ட ஈழப்போரில் MIG-27 வானூர்திகள் மட்டும் 1,071 தொன் எடையுள்ள குண்டுகளை வீசியுள்ளன (ஒரு தொன் என்பது 1,000 கிலோவுக்கு சமமானது) என்று அவர் மேலும் தெரிவித்துள்ளார். அப்படியாயின் மிக் ரக விமானங்களும், எம்.ஐ ரக வானூர்திகளும், மற்றும் ஏனைய விமானங்களும் எத்தனை தொன் எடையுள்ள குண்டுகளை வீசி இருக்கும் என தமிழர்களாகிய நாம் ஒரு முறை எண்ணிப்பார்க்க வேண்டும்.

அவற்றில் பெரும்பாலானவை இறுதிப் போரில் போட்டப்பட்ட குண்டுகள் ஆகும். அவற்றால் முள்ளிவாய்க்காலில் பல்லாயிரக்கணக்கான தமிழர்கள் கொல்லப்பட்டனர் என்பதனை யாரும் மறந்துவிட முடியாது. மெல்ல மெல்லமாக உலகிற்கு தற்போது பல உண்மைகள் வெளியாகிவருகின்றது.

MIG-27 விமானங்கள் மட்டும் 1071 தொன் எடையுள்ள குண்டுகளை வீசியது.

MIG-27 விமானங்கள் மட்டும் 1071 தொன் எடையுள்ள குண்டுகளை வீசியது.

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக