தெய்வ சிந்தனை உயிர்ப்பிக்கட்டும்....

மஞ்சுபாஷிணி · மஞ்சுபாஷிணி Sat Mar 19, 2011 3:51 am

கருத்துகளுடன் மோதல்
நினைவுகளின் தேடல்
வேண்டியது கிடைக்காதபோதோ
வாக்குவாதம் விதண்டாவாதம்

கிடைத்த அன்பையோ
உணராத பாவம்
வாழ்க்கை சக்கரங்கள்
சுழன்றுக்கொண்டே இருக்க
மாற்றங்கள் வேகமாக சித்தரிக்க

அன்பு மனம் நழுவிபோன மாயம்
வெறுமை குடிக்கொண்ட சோகம்
சித்தனும் இறையை கண்டவனே
பித்தனும் தன்னை மறந்தவனே

அன்பில் தோற்றதும் மனம் சுருண்டதே
காக்கும் உறவின்று விட்டு பறந்து போனதே
இறையை தொழ இதயம் வேண்டியதே
தெய்வ சன்னிதியோ வசிக்குமிடமானதே

தோற்றவை தோற்றதாகவே இருக்கட்டும்
மனம் கட்டுக்குள் அடங்கி ஆறுதல்பெறட்டும்
தெய்வசிந்தனை இனி உயிர்ப்பிக்கட்டும்
மூச்சு நிற்கும்வரை நின்று காக்கட்டும்

கலைவேந்தன் · கலைவேந்தன் Sat Mar 19, 2011 11:16 pm

கருத்துக்கள் என்றிருந்தாலே அங்கே மோதல் இருப்பது இயற்கைதானே..?
எதிர்பார்ப்புகள் இருந்ததால் தான் அங்கே வாதஙக்ளும் விதண்டா வாதஙக்ளும் இருந்தன... அவற்றினை உதறிவிட்டால் மனம் சாந்தமடையுமே...

அன்பு தூயதாயிருக்கும் நிலையில் என்னாளும் அழிவதில்லை என்பது ஆன்றோர் வாதம்.. எங்கே புரிதல் இல்லையோ அங்கே பிரச்சினைகள் எழுகின்றன.. பிரச்சினைகளை தோற்றுவிக்கும் காரணிகளைக் களைந்தால் அங்கே என்றும் சுமுகமே...

சோகமானதொரு கவிதையை வழங்கி மனதைப் பணபடுத்த வைத்த அன்பு மஞ்சுவுக்கு அன்பான வாழ்த்துகளும் பாராட்டுகளும்..!