வானில் பறந்திடவேணும் (கவிதை)

**kirikasan** · **kirikasan** Wed Mar 23, 2011 6:10 pm

மானம் எங்கள் சொத்துஎன்று மனதில்கொள்ளடி-இந்த
மண்ணுமெங்கள் சொந்தமென்று உறுதிகொள்ளடி
தேனும் பூவின்சொந்தமென்று சேர்ந்து பாடடி - ஈழ
தேசமெங்கள் சொத்துஎன்று திண்மைகூறடி

வானமெங்கள் சொந்தம்மென்று வார்த்தை பேசடி- ஈழ
வானஎல்லைக் காற்றுமெங்கள் வாழும் மூச்சடி
தானதர்மம் போட ஈழம் தட்டில்சாதமோ -எங்கள்
தாயின்நாடு சத்திரமோ தர்மசாலையோ

வானமுள்ளே வந்துபோக விட்டதாரடி -குண்டு
வாரிமக்கள் மீதுபோட வைத்த தாரடி
ஈனமுள்ள தேசம்ஒன்று ஈதின்காரணி- அந்த
எத்தர்செய்த வேலை விக்கி லீக்சிலே படி

தெய்வம்காண கோவில்செல்லதீபம் போனது அங்கு
தேடும் பூசை தெய்வமில்லை பேய்கள் ஆடுது
பொய்யுமான தூய்மைதன்னை நம்பினோமடி அங்கு
போடும்அயல் நாட்டுக்கொள்கை புதிசு கேளடி

”நாடிச்சென்று நன்மைசெய்தல் போலவே நடி -இந்த
நானிலத்தைஏய்த்த பின்னர் நச்சுக்குண்டடி
காந்திஎன்ன புத்தரென்ன கட்டிப்போடடி -அவர்
காலம்போச்சு இப்பதேவை கத்திதானடி

நீதிஎன்றும் பார்ப்பதில்லை நீள்கருந்துணி -அதன்
நெற்றியோடு கண்கள் மூடி நிற்குதாமடி
பாதியாக ஈழமக்கள் வெட்டிப்போடடி -மேனி
பார்த்தெடுத்து நீதிதேவன் தட்டில்போடடி”

என்றுகூறி சிங்களத்தில் கை இணைத்துமே -இவர்
அன்றுகூடிநின்று செய்த பாவம்யாவுமே
நின்றுசாபம் கொண்டவரை நீதி கேட்டிடும் இனி
நித்தியமாய் வேதனையவர் சொத்தென்றாகிடும்

வானவேங்கை செய்ததந்த வீரம் கூறடி -அவர்
வைத்தகுறி பொய்த்ததில்லை போட்ட புள்ளடி
சேனைபடை போர்விமானம் சிதறியோடவே அவர்
செய்த தீரவீரம் தானும் திரும்புமோ இனி

கோடிஎன்று வானில்வந்து கொட்டுவர்குண்டு -பகை
கொட்டுவது குண்டுஅல்ல கோழைகள் நெஞ்சு
ஓடிவேங்கை வானில்வீரர் போடுவர் இரண்டு -இந்த
உலகமெல்லாம் வாய் பிளந்து பயந்தது பின்பு

நீலவிண்ணும் நீள்கடலும் நின்றமண்ணிலும் -நாம்
நீண்டகாலம் கண்ட ஆட்சி நிலைமையில்அஞ்சி
ஆழவென்று ஈழமகன் எண்ணினாலுமே -இந்த
அகிலமெல்லாம், அவன்குடைக்குள் அடங்குமோவென

நிலம்பறித்தார் நெஞ்சினிலே வஞ்சமிழைத்தார் -ஒரு
குலமழித்தார் கோவில்மனை குடிகள்அழித்தார்
நிலமிழந்தோர் நாமும் இனி எழுந்திடல்வேண்டும் -வரும்
நீதிப் போரில் வென்று வானில் பறந்திடவேணும்

கலைவேந்தன் · கலைவேந்தன் Wed Mar 23, 2011 9:07 pm

ஈழத்தமிழகத்துக்கான எழுச்சிப்பாடல்களாய் இருப்பினும் இந்த தேர்தல் அமர்க்களத்திற்கு மிகவும் பொருந்திய சரியான சவுக்கடிப்பாக்கள் ... நீதி கெட்டு நிலைகெட்டு பதவிக்காய் ஆலாய்ப்பறக்கும் இந்த மனிதர்களைக் குறித்த தூய தமிழில் அழகான பாக்கள இவை... இவற்றை மிகவும் அனுபவித்து ரசித்தேன் கிரிகாசன்..! உங்களுக்கு என் பிரத்தியேகப்பாராட்டுக்கள்..!

தமிழ்ப்ரியன் விஜி · 26/06/2009

கலை wrote:ஈழத்தமிழகத்துக்கான எழுச்சிப்பாடல்களாய் இருப்பினும் இந்த தேர்தல் அமர்க்களத்திற்கு மிகவும் பொருந்திய சரியான சவுக்கடிப்பாக்கள் ... நீதி கெட்டு நிலைகெட்டு பதவிக்காய் ஆலாய்ப்பறக்கும் இந்த மனிதர்களைக் குறித்த தூய தமிழில் அழகான பாக்கள இவை... இவற்றை மிகவும் அனுபவித்து ரசித்தேன் கிரிகாசன்..! உங்களுக்கு என் பிரத்தியேகப்பாராட்டுக்கள்..!

Sponsored content · Sponsored content

வானில் பறந்திடவேணும் (கவிதை)

வானில் பறந்திடவேணும் (கவிதை)

Re: வானில் பறந்திடவேணும் (கவிதை)

Re: வானில் பறந்திடவேணும் (கவிதை)

Re: வானில் பறந்திடவேணும் (கவிதை)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக