உணவே மருந்து : வேப்பம்பூ!!!

by **அருண்** Sat Mar 19, 2011 2:12 pm

First topic message reminder :

இந்த உலகில் எத்தனையோ வகையான மரங்களும், செடி கொடிகளும் இருந்தாலும்... அவை எல்லாம் வேப்பமரத்துக்கு ஈடாகாது. வேப்பமரத்திலிருந்து கிடைக்கும் வேப்பிலை, வேப்பம்பூ, வேப்பங்கொட்டை, வேப்ப எண்ணை, வேப்பம்பட்டை என அனைத்தும் நமக்கு உணவாக... மருத்துவப் பொருட்களாக பயன்படுகின்றன.

பொதுவாகவே, தமிழ் மருத்துவத்தில் தட்பவெப்ப நிலைக்கு ஏற்ப, அந்தந்த சூழலுக்கு ஏற்ப... உணவுப் பழக்க வழக்கமும் மாறும். தட்ப வெப்பநிலைக்கு அந்தந்த பருவத்தில் கிடைக்கும் உணவுகளையே நாம் சாப்பிட வேண்டும். கோடை காலம் ஆரம்பிக்கும் இந்த சித்திரை மாதத்தில் வேப்பம்பூ பூத்து... காற்றில் ஒருவித நறுமணத்தை பரப்பிக் கொண்டிருக்கும். கிருமி நாசினியான வேப்பம்பூவில் பல மருத்துவ குணங்கள் பொதிந்துள்ளன.

வெயில் காலத்தில் ஏற்படும் நாவறட்சி, தோல் வியாதி, அரிப்பு, வயிற்றுப்பிரட்டல் போன்ற பிரச்சினைகளுக்கு வேப்பம்பூ சிறந்த மருந்தாகின்றது. கபம், பித்தம் சம்பந்தப்பட்ட வியாதிகளை வேப்பம்பூ கட்டுப்படுத்தும்.

குடலில் தங்கியுள்ள கிருமிகளை அழிக்கும் ஆற்றல் வேப்பம்பூவுக்கு உண்டு. பாங்காக்கில் உள்ள தேசிய புற்று நோய் ஆராய்ச்சி நிறுவனம், `புற்று நோயை உருவாக்கக்கூடிய செல்களை வேப்பம்பூ அழிக்கும் தன்மை வாய்ந்தது' எனக் கண்டறிந்து நிரூபித்துள்ளனர். `அரோமா தெரபி' எனப்படும் சிகிச்சையில் மன அமைதியையும், சாந்தமான மனநிலையை உண்டாக்க வேப்பம்பூவை பயன்படுத்துகின்றனர்.

கோடை காலத்தில் அதிகமாக கிடைக்கும் வேப்பம்பூவை சேகரித்து, நிழலில் உலர்த்தி வைத்து, அதை சில வாரங்கள் பயன்படுத்தலாம். பழங்காலத்தில் வேப்பம்பூ பச்சடி சமைத்து சாப்பிட்டனர். இப்போதும் சித்திரை மாதத்தில் கிராமங்களில் வேப்பம்பூ பச்சடி சாப்பிடுகின்றனர். நீங்களும் தயாரித்து சாப்பிடுங்கள்.

வேப்பம்பூ பச்சடி:

தேவையான பொருட்கள்:
வேப்பம்பூ - 50 கிராம்
புளி - சிறிய எலுமிச்சை அளவு (அல்லது வேகவைத்த சிறிய மாங்காய்)
வெல்லம் - 2 மேஜைக்கரண்டி
கடுகு, காய்ந்த மிளகாய் - தாளிக்கும் அளவுக்கு
எண்ணை - ஒரு தேக்கரண்டி.

செய்முறை:

புளியை கரைத்து வெல்லம் கலந்து கொதிக்க வைக்க வேண்டும். வேப்பம்பூவை சிறிது நெய்விட்டு நன்கு வதக்கி கலந்து விடவும். கடுகு, காய்ந்தமிளகாய் இரண்டையும் சேர்த்து தாளித்து வேப்பம்பூவில் விடவும்.

புளிக்கு பதிலாக வேக வைத்த மாங்காயில் வெல்லம் கலந்தும் செய்யலாம்.

by கலைவேந்தன் Sat Mar 19, 2011 7:42 pm

பயனுள்ள பதிவு... மிக்க நன்றி அருண்..!

by **Manik** Sat Mar 19, 2011 8:02 pm

நீங்க சாப்பிட்டிருக்கீங்களா அண்ணா வேப்பம்பூ

by தாமு Thu Mar 24, 2011 6:36 am

அருமை அருமை அருண் ன்றி

by தமிழ்ப்ரியன் விஜி Thu Mar 24, 2011 9:22 am

மஞ்சுபாஷிணி wrote:கசக்கும் தாம்பா ஆனா உடம்புக்கு ரொம்ப நல்லது....

அன்பு நன்றிகள் அருண் பகிர்வுக்கு.

by முரளிராஜா Thu Mar 24, 2011 9:55 am

வேப்பம் பூவின் மத்துவத்தை அறிந்துகொண்டேன்
நன்றி நண்பா

by **krishnaamma** Wed Apr 27, 2011 3:18 pm

Manik wrote:எல்லாம் சரி நண்பா வேப்பம்பூ கசக்காதா

கசக்காது மாணிக் ! அருமயாக இருக்கும். நாங்கள் எங்கள் வீடுகளில் தமிழ் வருட பிபிறப்பன்று 6சுவைகளும் உள்ள தான் பச்சடி செய்வோம். அது இந்த வேப்பம்பூ பச்சடிதான், அருமயாக இருக்கும்.

by ஹாசிம் Wed Apr 27, 2011 3:21 pm

krishnaamma wrote:
Manik wrote:எல்லாம் சரி நண்பா வேப்பம்பூ கசக்காதா

கசக்காது மாணிக் ! அருமயாக இருக்கும். நாங்கள் எங்கள் வீடுகளில் தமிழ் வருட பிபிறப்பன்று 6சுவைகளும் உள்ள தான் பச்சடி செய்வோம். அது இந்த வேப்பம்பூ பச்சடிதான், அருமயாக இருக்கும்.

அப்படியா ஆச்சரியமாக இருக்கிறது

by **krishnaamma** Wed Apr 27, 2011 3:24 pm

இந்த வேப்பம் பூ சாதம் உடம்புக்கு ரொம்ப நல்லது . வைற்றுபோக்கு இருப்பவர்கள்
இந்த சாதம் சாப்பிட்டால் உடனே நிற்க்கும்.

வேப்பம்பூ துவையல்:

தேவையானவை :
வேப்பம்பூ - 50 கிராம்
சூடு சாதம் - 1 cup
நல்லெண்ணை - 1 ஸ்பூன்
உப்பு தேவயான அளவு

செய்முறை:

வாணலியில் வேப்பம்பூ வை துளி நல்லெண்ணை விட்டு varukkavum .
இதை சுடுசாதம் மேல் போட்டு உப்பு ,நல்லெண்ணை சேர்த்து பிசைந்து சாப்பிடனும்.
பேதி உடனே நிற்க்கும்.
குறிப்பு: இது போல் மணத்தக்காளி மற்றும் சுந்தக்காய் வற்றல்களையும் பயன் படுத்தலாம்.

by **krishnaamma** Wed Apr 27, 2011 3:25 pm

ஹாசிம் wrote:
krishnaamma wrote:
Manik wrote:எல்லாம் சரி நண்பா வேப்பம்பூ கசக்காதா

கசக்காது மாணிக் ! அருமயாக இருக்கும். நாங்கள் எங்கள் வீடுகளில் தமிழ் வருட பிபிறப்பன்று 6சுவைகளும் உள்ள தான் பச்சடி செய்வோம். அது இந்த வேப்பம்பூ பச்சடிதான், அருமயாக இருக்கும்.

அப்படியா ஆச்சரியமாக இருக்கிறது

என்ன உங்களுக்கும் தெரியாதா ஹாசிம் ! எனக்கு வியப்பாக இருக்கு புன்னகை

சுகர் நோயாளிகளுக்கு இது ஒரு வரப்பிரசாதம். அதற்க்கும் ஒரு குறிப்பு இருக்கு
எழுதறேன் பாருங்கோ புன்னகை