சிவகங்கையில் இரட்டை திருப்பதி...

பெருமாளின் 108 திவ்யதேசங்களில், மதுரை அழகர்கோவிலும், சிவகங்கை மாவட்டம் திருக்கோஷ்டியூர் சவுமியநாராயணப் பெருமாள் கோயிலும் சிறப்பு மிக்கவை. இவர்கள் இருவரையும் சிவகங்கை சுந்தரராஜப் பெருமாள் கோயிலில் ஒரு சேர தரிசிக்கலாம். ஒரே நேரத்தில் இரு திவ்யதேசப் பெருமாள்களைத் தரிசிக்கும் பாக்கியம் இங்கு சென்றால் கிடைக்கும்.
தல வரலாறு: 17ம் நூற்றாண்டில், சிவகங்கை ஜமீன் சுந்தரபாண்டியனால் இக்கோயில் கட்டப்பட்டது. அழகர்கோவில் மற்றும் திருக் கோஷ்டியூர் பெருமாள் மீது ஈடுபாடு கொண்ட இவர், வைணவ ஆகமங்களான பாஞ்சராத்ரம், வைகானசம் ஆகிய இரண்டு ஆகமங்களையும் ஒருங்கிணைத்து வழிபாடு செய்யும் நோக்கத்தில் இக்கோயிலை அமைத்தார். பாஞ்சராத்ர முறைப்படி சுந்தரராஜ பெருமாளும், வைகானச ஆகமப்படி சவுமிய நாராயணப் பெருமாளும் இங்கு பிரதிஷ்டை செய்யப்பட்டனர். சுந்தரபாண்டியன் காலத்திற்குப் பிறகு, அவருடைய தாயார் மகமுநாச்சியார் இக்கோயிலின் திருப்பணிகளைச் செய்து கோயிலை முழுமையாக்கினார். இவர்கள் இருவருக்கும் மண்டபத்தில் சிலை அமைக்கப்பட்டுள்ளது.
ஒரே இடத்தில் இரு அழகர்: கருவறை வட்ட வடிவில் கலைநயத்தோடு இங்கு அமைந்துள்ளது. கிழே விரிந்த தாமரை இதழின் மேல் ஆதிசேஷன் காட்சி தருகிறார். அதன் மேல் ஸ்ரீதேவி பூதேவி சமேதராக பெருமாள் கம்பீரமாக காட்சி தருகிறார் வேட்டைக்குச் செல்லும் மன்னனைப் போல, கிரீடம், கழுத்தில் ஆரங்கள், இடுப்பில் சதங்கை, குறுவாள், காலில் தண்டை ஆகியவற்றோடு காட்சி தருகிறார். வேடர் அம்சத்தோடு, சுந்தரராஜப் பெருமாள் இருப்பதால் உயரமான இடத்தில் இருந்து நம்மை எதிர்நோக்கும் விதமாக காட்சி தருகிறார். மற்றொரு பெருமாளான சவுமியநாராயணர் தனிசன்னதியில் வீற்றிருக்கிறார். "சவுமியம்' என்றால் "அழகு'. பெயருக்கேற்றபடி அழகு நிறைந்தவராக, தேவியர் இருவருடனும் அருள் செய்கிறார். இவரது சன்னதி முன் ராமானுஜர், நம்மாழ்வார்,மணவாள மாமுனிகள் ஆகிய மூவரும் அமர்ந்தகோலத்தில் உள்ளனர். இம்மூவரின் திருநட்சத்திர நாட்களிலும் சிறப்பு பூஜைகள் நடக்கின்றன.
வரம் தரும் ஆஞ்சநேயர்: மகாமண்டபத்தில் ஆஞ்சநேயர் ராமபிரானை வணங்குவது போல, இருகைகளையும் குவித்தபடி அஞ்சலி ஹஸ்தத்தில் காட்சி தருகிறார். வேண்டிய வரங்களை அருள்பவராக இருப்பதால் இவர் "வரசித்திஆஞ்சநேயர்' என்று அழைக்கப்படுகிறார். அனுமன் ஜெயந்தி, புரட்டாசி சனிக்கிழமைகளில் வெள்ளிக்
கவசம் சாத்தி சிறப்பு வழிபாடு நடக்கிறது. இவருக்கு ஐந்து வாரங்கள் தயிர்சாத நிவேதனம் செய்து வழிபட்டால் நினைத்தது நிறைவேறும் என்பது நம்பிக்கை.
வேலை அருளும் சுதர்சனர்: இக்கோயிலில் சுதர்சனர் என்னும் சக்கரத் தாழ்வார் தனிசன்னதியில் வீற்றிருக்கிறார். பதினாறு கரங்களுடன் இருக்கும் இவருக்கு பின்புறம் யோகநரசிம்மர் காட்சி தருகிறார். படிப்பு முடித்து நல்ல வேலையை எதிர்பார்த்து காத்திருப்பவர்கள் சக்கரத்தாழ்வாருக்கு சனிக்கிழமைகளில் துளசிமாலை சாத்தி நெய்தீபம் இடுகின்றனர். இதைத்தவிர, கருடாழ்வாரும் இங்கு அருள்பாலிக்கிறார். அழகர்கோவிலைப் போன்றே இங்கும் பதினெட்டாம் கருப்பசாமி வாசலில் காவல் தெய்வமாக காட்சிதருகிறார்.
இருப்பிடம்: சிவகங்கை பஸ்ஸ்டாண்டில் இருந்து நடந்து செல்லும் தூரத்தில் கோயில் அமைந்துள்ளது.
திறக்கும் நேரம்: காலை 7.15- 10.30மணி, மாலை 5- இரவு 8மணி.
போன்: 92455 28813, 99946 74433.

நன்றி தினமலர்.

ஆமாம் அக்கா அந்த கோவில் ரொம்ப விசேஷம் வாய்ந்தது. எங்க ஊருக்கு பக்கத்துலதான் இருக்கு

சரி நாங்க ஊருக்கு வரோம் அப்ப எங்களை கூட்டிக்கிட்டு போங்க..

அப்படியா எப்ப வர்ரீங்க ஊருக்கு. நீங்களாவது ஊருக்கு வந்துட்டு சொல்றத செய்வீங்களா அக்கா சுதா அக்கா மாதிரி ஏமாத்திர மாட்டீங்களே

அதென்னப்பா ஏமாத்துரது?

அடுத்த வருடம் வருவோம் ஊருக்கு...... நீங்க சென்னைக்கு வந்து எங்களை கூட்டிக்கிட்டு போங்க.. ஃப்ரீயா இருக்க இடமும் சாப்பிட உணவும் கிடைக்குதுன்னா சும்மாவா? வந்துருவோம்ல கோவிலுக்கு ஃப்ரீயா செலவு செய்ஞ்சு கூட்டிட்டு போக போறீங்க....

இந்த ஃப்ரீ அப்படிங்கிறதுன்னா வேணாம்க்கா நான் வரலை நீங்க வேற ஆள பாத்துக்கோங்க.

தம்பி அக்காக்கு செய்யிறது ஃப்ரீன்னு சொல்லுவீங்களா அக்கா. அப்படின்னா உங்க தம்பிக்கு நீங்க பன்றதெல்லாம் ஃப்ரீன்னு சொல்லுவீங்களா அன்புன்னு சொல்லுவீங்களா. அரசாங்கமும் சில தொழிலதிபர்களும் தான் மக்களை ஏமாத்த ஃப்ரீன்னு சொல்லுவாங்க நீங்களும் என்ன ஏமாத்துறதுக்காக இப்படி சொல்றீங்களா அக்கா

சும்மா தமாஷுக்கு சொன்னேனப்பா.......

அன்பாய் பகிரும் எதுவும் உள்ளன்போடு ஏற்பேன்..... அதே அன்பை அக்கா நான் தராமல் இருப்பேனா மாணிக்?

இம்புட்டு சீரியஸ் ஏனு? சொல்ப கலாய்ச்சேன்...அந்த்தே....

அக்கா நீங்க தெலுங்குலயா பேசுறீங்க உங்களுக்கு தெரியுமா அக்கா. சாரிக்கா என்னை சந்தேகப்படுற எந்த விசயத்தையும் நான் சீரியசா எடுத்துக்குவேன். அப்பதான் யோசிப்பேன் அது நமக்கு தேவையா இல்லையான்னு

இவ்ளோ சீரியசா தம்பி நீங்க.... மஞ்சு உட்டுக்கோ ஜூட்டு....

நான் அவ்ளோ சீரியஸ்லாம் இல்லக்கா அன்புக்குள்ள சந்தேகம் வரும் போது தான் சீரியஸ். இல்லைனா நான் ரொம்ப ஜாலி டைப் அக்கா. என்ன பத்தி சிவா அண்ணா கிட்ட கேளுங்க அவருக்கு என்ன பத்தி நல்லாவே தெரியும்