ஹசன் அலி வருமானம் ரூ.54 ஆயிரம் கோடி

dsudhanandan · dsudhanandan Sat Mar 19, 2011 10:47 am

தொழிலதிபர் ஹசன் அலியின் வருமானம் கடந்த 6 ஆண்டுகளில் ரூ. 54,248 கோடியாக உயர்ந்துள்ளது. இது 100 மடங்குக்கும் அதிகம் என்று மத்திய கணக்கு துறை அறிக்கையில் தெரிவிக்கப்பட்டுள்ளது. புனேவை சேர்ந்த குதிரைப் பண்ணை அதிபர் ஹசன் அலி, குறுகிய காலத்தில் ஆயிரக்கணக்கான கோடி ரூபாய் சம்பாதித்துள்ளது கண்டுபிடிக்கப்பட்டது. வருமான வரித் துறையினர் விசாரணை நடத்தி, ரூ.50 ஆயிரம் கோடிக்கு வரி செலுத்த உத்தரவிட்டனர். மேலும், அமலாக்கப் பிரிவினர் அவரிடம் விசாரித்து வருகின்றனர். இந்நிலையில், ஹசன் அலியின் வருவாய் குறித்து மத்திய கணக்கு தணிக்கை துறை அறிக்கை அளித்துள்ளது.

இந்த அறிக்கை நாடாளுமன்றத்தில் நேற்று தாக்கல் செய்யப்பட்டது. அதில் கூறியுள்ளதாவது: கோடிக்கணக்கான ரூபாய் வருமானம் பெற்றாலும் பல ஆண்டுகளாக ஹசன் அலி வருமான வரி கணக்கு தாக்கல் செய்யவில்லை. கடந்த 2001-02 -ம் ஆண்டில் வருமான வரித் துறையினர் அவரது வருவாயை ஆய்வு செய்துள்ளனர். அப்போது வரிக்கு உட்பட்ட வருவாய் ரூ.528.9 கோடியாக இருந்தது. அடுத்த ஆண்டே ரூ.5,404.7 கோடியாக உயர்ந்துள்ளது. அதன்பின், 2006-07ம் ஆண்டில் வரிக்கு உட்பட்ட வருவாய் ரூ.54,268 கோடியாக அதிகரித்துள்ளது. இது 100 மடங்குக்கு மேல் அதிகம்.

கடந்த 2001ம் ஆண்டு முதல் 2004 ஆண்டு வரையும், 2005 முதல் 2007ம் ஆண்டு வரை தொடர்ந்து வருமான வரி கணக்கை ஹசன் அலி சமர்ப்பிக்கவில்லை. கடந்த 2008-09ம் ஆண்டில் வசூல் செய்யப்படாத வரித் தொகை ரூ.2 லட்சம் கோடியாக இருந்தது. அதில் ஹசன் அலியிடம் மட்டும் ரூ.74,938 கோடி வசூலிக்கப்படவில்லை. இவ்வாறு மத்திய கணக்கு தணிக்கை துறை அறிக்கையில் தெரிவிக்கப்பட்டுள்ளது.

மஞ்சுபாஷிணி · மஞ்சுபாஷிணி Sat Mar 19, 2011 10:48 am

இவ்ளோ பணத்தை வெச்சுக்கிட்டு என்னப்பா செய்வார்?

டயபடீக் பிபி பேஷண்டா இருந்தால் இஷ்டப்பட்டதை சாப்பிட கூட முடியாதே....

ஹசன் அலி வருமானம் ரூ.54 ஆயிரம் கோடி

ஹசன் அலி வருமானம் ரூ.54 ஆயிரம் கோடி

Re: ஹசன் அலி வருமானம் ரூ.54 ஆயிரம் கோடி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக