அதிமுகவுடன் கூட்டணியா..பிரிவா?-வைகோ ஆலோசனை

16 தொகுதிகள் ஒரு ராஜ்யசபா சீட் என்று அதிமுக தரப்பிலிருந்து தெரிவிக்கப்பட்டுள்ள சமரசத் திட்டத்தை மதிமுக ஏற்குமா என்பது இன்று நடைபெறும் அக்கட்சியின் உயர் நிலைக் குழுக் கூட்டத்திற்குப் பின்னர் தெரிய வரும்.


அதிமுக கூட்டணி யில் பெரும் கேவலத்திற்கு ஆளானவர் மதிமுக பொதுச் செயலாளர் வைகோ. கிட்டத்தட்ட நடிகர் கார்த்திக் ரேஞ்சுக்கு அவரை கீழ்த்தரமாக நடத்தி விட்டார் ஜெயலலிதா .

மதிமுகவுக்கு ஒரு சீட் கூட ஒதுக்காமல் தன்னிச்சையாக தனது கட்சி போட்டியிடும் தொகுதிகளையும், வேட்பாளர்களையும் அறிவித்தார் ஜெயலலிதா. இதனால் கொந்தளித்த தேமுதிக உள்ளிட்ட கட்சிகள் ஓரணியில் திரண்டு 3வது அணி அமைக்கப் போவதாக மிரட்டல் விடுத்ததும் அதிர்ச்சியில் இறங்கி வந்தார் ஜெயலலிதா. தற்போது இக்கட்சிகளுக்கான தொகுதிகளை ஒதுக்கி முடித்துள்ளார். தேமுதிக மட்டுமே இன்னும் பாக்கி உள்ளது.

மீண்டும் அதிமுக கூட்டணியில் தொடர இந்தக் கட்சிகள் முடிவு செய்த போதிலும், மதிமுகவுக்கும் கெளரவமான இட ஒதுக்கீட்டை தர வேண்டும் என்று அதிமுகவை வலியுறுத்தியுள்ளன.

இதையடுத்து தற்போது ஜெயலலிதாவும் சற்று இறங்கி வந்துள்ளார். 16 சீட்கள் மற்றும் ஒரு ராஜ்யசபா சீட் என்று அவர் மதிமுக தரப்புக்குத் தகவல் அனுப்பியுள்ளதாக தெரிகிறது.

இதை வைகோ ஏற்கக் கூடும் என்று கூறப்படுகிறது. இருப்பினும் இன்று நடைபெறுவதாக ஏற்கனவே அறிவிக்கப்பட்டுள்ள உயர் நிலைக் குழுக் கூட்டத்தில் கட்சியினருடன் விவாதிக்கவுள்ளார் வைகோ.

முதலில் 35 தொகுதிகளைக் கேட்டார் வைகோ. அதற்கு வாய்ப்பே இல்லை என்று ஜெயலலிதா பிடிவாதமாக கூறவே 25 தொகுதிகளாவது வேண்டும் என்று கேட்டார். ஆனால் ஜெயலலிதாவோ 8 அல்லது 9க்கு மேல் கிடையாது என்று கூறி விட்டார்.

இதனால் அதிர்ச்சி அடைந்த வைகோ, கடைசியாக 23 தொகுதிகள் கொடுத்தால் பேசலாம், இல்லாவிட்டால் வேண்டாம் என்று கூறி விட்டார். அந்த நிலையிலிருந்து அவர் மாறவும் இல்லை.

இந்த நிலையில்தான் ஆணவத்துடன் தனது கட்சி வேட்பாளர்களை அறிவித்து ஒட்டுமொத்த கூட்டணிக் கட்சிகளின் கோபத்திற்கும், கண்டனத்திற்கும் ஆளானார். ஊரெங்கும் கொடும்பாவிகளை எரிக்க ஆரம்பித்தனர் தோழமைக் கட்சியினர். அதன் பின்னரே அவர் நிலைமையின் விபரீதத்தை உணர்ந்தார். தனது முதல்வர் கனவுக்கு ஆப்பு வைக்க அனைவரும் தயாராகி விட்டதைப் பார்த்த பின்னரே, இறங்கி வந்தார், கூட்டணிக் கட்சிகளுடன் பேசினார். தற்போது மதிமுகவின் முக்கியத்துவத்தையும் உணர்ந்துள்ளார்.

இருப்பினும் இதுவரை மதிமுக தரப்பை அதிமுகவினர் யாரும் இதுரை அணுகியதாக தெரியவில்லை. டாக்டர் சேதுராமன் மூலமாகத்தான் வைகோவிடம், அதிமுக தரப்பு பேசியதாக தெரிகிறது.

இன்றைய கூட்டத்தின்போது அதிமுக தரும் தொகுதிகளை வாங்கிக் கொண்டு கூட்டணியில் தொடருவதா அல்லது தனித்துப் போட்டியிடுவதா என்பது குறித்து மதிமுக முடிவு செய்யும் என்று தெரிகிறது

தட்ஸ்தமிழ்

கவல படாதீங்க எங்க கட்சியில நீங்க கேட்கறா சீட் தருகிறோம்.

வேற வழி.......