ஜப்பானின் அனுக்காதீர் வீச்சு அபயாம் உயர்த்தப்பட்டது

தாமு · தாமு Sat Mar 19, 2011 9:02 am

ஜப்பானில் பூகம்பத்தாலும், ஆழிப்பேரலைத் தாக்குதலினாலும் செயலிழந்து, பிறகு வெடித்துள்ள டாய்ச்சி அணு உலைகளில் ஏற்பட்டுள்ள அணுக் கதிர் வீச்சின் அபாய அளவு 4இல் இருந்து 5 ஆக உயர்த்தப்பட்டுள்ளது.

உலக அளவில் அணு உலை விபத்து ஏற்பட்டால், அதனால் ஏற்படும் பாதிப்பின் தீவிரத்தை உணர்த்த 7 புள்ளிகள் கொண்ட அளவு கடைபிடிக்கப்படுகிறது. 7 புள்ளிகளுக்கு ஆபத்து நிலை உயர்த்தப்பட்டால் அது பழைய சேவியத் நாட்டின் செர்னோபில் அணு உலை, 1986ஆம் ஆண்டில் வெடிப்பிற்கு இணையான அபாய நிலையாகும்.

இந்த அடிப்படையில் தற்போது, ஜப்பான் அணு உலைகளில் இருந்து வெளியேரும் அணுக் கதிர் வீச்சின் அளவு 5 புள்ளிகளாக உயர்த்தப்பட்டுள்ளது. இந்த அபாய அளவு, 1979ஆம் ஆண்டு அமெரிக்காவின் 3 மைல் தீவில் ஏற்பட்ட அணு உலை விபத்திற்கு இணையானதாகும். இன்னும் இரண்டு புள்ளிகள் அதிகரித்தால், இது இரண்டாவது உலகப் போருக்குப் பின்னான இரண்டாவது பயங்கர அணு விபத்தாக ஆகிவிடும்.

டாய்ச்சா அணு உலைகள் எந்த நேரத்திலும் வெடித்து மிகப் பெரிய அளவிற்கு அணுக் கதிர் வீச்சு உயிரைப் பெருமளவிற்கு பறிக்கும் அளவிற்கு அதிகரிக்கலாம் என்று கூறப்படுகிறது. இப்போதுள்ள 5வது நிலையே, “பரவலான பாதிப்பை ஏற்படுத்தும் விபத்து” என்பதாகும்.

எனவே, அணு உலைகள் வெடித்துச் சிதறுவதைத் தடுக்க கடுமையாக போராடி வருவதாக கூறியுள்ள பன்னாட்டு அணு சக்தி முகமையின் தலைவர் யூகியா அமனோ, “நேரத்தோடு போராடிவருவதாக”த் தெரிவித்துள்ளார்.

“இது ஜப்பான் மட்டுமே தீர்த்துக்கொள்ள வேண்டிய அபாயம் அன்று. உலக மக்கள் அனைவரும் ஜப்பானுக்கு ஒத்துழைப்புத் தந்து, பேரழிவு ஏற்பட்டுள்ள இடங்களில் சிக்கியுள்ள மக்களை மீட்க முன்வர வேண்டும்” என்று யூகியோ அமனோ கூறியுள்ளார்.

ஜப்பான் தலைநகர் டோக்கியோ வந்துள்ள யூகியோ அமனோ, அங்குள்ள அணுக் கதிர் வீச்சு நிலையை அளந்து வருகிறார். அவரோடு வந்துள்ள 4 அணுக் கதிர் வீச்சு நிபுணர்களுடன் இணைந்து நாளை டாய்ச்சி அணு உலைப் பகுதிக்குச் செல்லவுள்ளார் என்று கியோடோ செய்தி நிறுவனம் கூறியுள்ளது.

அணு உலையின் எரிபொருள் கட்டைகள் வெளிப்படையாக திறந்துள்ள 3வது அணு உலை வெடித்துவிடாமல் தடுக்க இன்று இரண்டாவது நாளாக அதன் மீது வானிலிருந்து நீர் உற்றுதல் தொடர்கிறது. நீர் ஊற்றுதல் நின்றால் அணு உலையின் எரிக்கட்டைகள் வெப்பமடைந்து, அதன் காரணமாக அணு உலை வெடித்து மிகப் பெரிய அணுக் கதிர் வீச்சு அபாயம் ஏற்படும் நிலை உள்ளது.

இதற்கிடையே, ஜப்பான் பூகம்பத்தினாலும், ஆழிப்பேரலைத் தாக்குதலினாலும் உயரிழிந்தோர் எண்ணிக்கை 6,405 ஆக உயர்ந்துள்ளதெனவும், 10,200 பேர் காணாமல் போயுள்ளதாகவும் ஜப்பான் அரசு கூறியுள்ளது.

வெதுனியா

ஜப்பானின் அனுக்காதீர் வீச்சு அபயாம் உயர்த்தப்பட்டது

ஜப்பானின் அனுக்காதீர் வீச்சு அபயாம் உயர்த்தப்பட்டது

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக