ஜப்பானிய உணவுகளைத் தவிர்ப்பது அவசியமல்ல

தாமு · தாமு Sat Mar 19, 2011 7:13 am

சுனாமி தாக்குதலுக்குப் பின்னர் ஜப்பானில் உள்ள புக்குஷிமா அணுமின் நிலையத்தில் உள்ள அணு உலைகள் வெடித்து வருவதை அடுத்து கதிரியக்கம் அங்கு பரவி வருகின்றது.
இந்த நிலையில் ஜப்பானிலிருந்து இறக்குமதி செய்யப்படும் உணவுப் பொருட்களில் கதிரியிக்க தாக்கம் இருக்கும் என்ற அச்சம் சிங்கப்பூர் மக்களிடையே நிலவியது.
இந்த அச்ச உணர்வு ஆதாரமற்றது என்று வேளாண்- உணவு கால்நடை ஆணையம் தெரிவித்துள்ளது. அணுமின் நிலையத்தைச் சுற்றி அமைந்துள்ள சிறு பகுதிகளை மட்டும் கதிரியக்கம் பாதித்துள்ளதாகவும், கதிரியக்கத்தின் அளவு குறைவாக இருக்கும் பட்சத்தில், அதனை அருகில் உள்ள தண்ணீர் மற்றும் பசுமைச் சூழல் உறிஞ்சிக் கொள்ளும் என்று சிங்கப்பூர் தேசிய பல்கலைகழகத்தின் எரிசக்தி ஆய்வுக் கழகத்தின் பேராசிரியர் ஹூமன் பெய்மணி கூறினார்.
ஜப்பானில் இருந்து இறக்குமதி செய்யப்படும் புதிய உணவுப் பொருட்களில் கதிரியக்க தாக்கம் உள்ளதா என்பதைப் பற்றி ஆய்வு செய்து வருவதாக தெரிவித்துள்ள வேளாண்- உணவு கால் நடை ஆணையம், மார்ச் 11ம் தேதிக்கு முன்னர் ஜப்பானிலிருந்து இறக்குமதி செய்யப்பட்ட உணவுப் பொருட்கள் கதிரியக்கத் தாக்குதலுக்கு உட்பட்டவையல்ல என்றும் கூறியுள்ளது,
கடந்த ஆண்டு இறக்குமதி செய்யபட்ட மொத்த கடல் உணவுகளில் ஜப்பானிலிருந்து இறக்குமதி செய்யப்பட்ட உணவுகள் இரண்டு விழுக்காடுக்கும் குறைவாக இருந்ததாக ஆணையம் கூறியது. ஜப்பானிலிருந்து இறக்குமதி செய்யபடும் உணவுகள் குறித்து மக்களிடையே ஆதாரமற்ற பயத்தை ஆணையம் நீக்க முற்பட்டாலும், ஜப்பானிய உணவுகள் மீதான கிராக்கி குறையும் வாய்ப்புள்ளதாக உணவுத் தயாரிப்பாளர்கள் தெரிவித்துள்ளனர்.

ஜப்பானிய உணவுகளைத் தவிர்ப்பது அவசியமல்ல Tm-master-head

ஜப்பானிய உணவுகளைத் தவிர்ப்பது அவசியமல்ல 678642

ஜப்பானிய உணவுகளைத் தவிர்ப்பது அவசியமல்ல

ஜப்பானிய உணவுகளைத் தவிர்ப்பது அவசியமல்ல

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக