கவாஸ்கர், ரிச்சர்ட்சின் கலவை *சச்சின் ருசிகரம்..!!!

புதுடில்லி:""சுனில் கவாஸ்கரின் உறுதிமிக்க ஆட்டமும், விவியன் ரிச்சர்ட்சின்அதிரடி ஆட்டமும் சேர்ந்தது தான் எனது பேட்டிங் ஸ்டைல்,'' என, சச்சின் தெரிவித்தார். இந்திய அணியின் மாஸ்டர் பேட்ஸ்மேன் சச்சின். டெஸ்ட் (12773 ரன், 42 சதம்) மற்றும் ஒரு நாள் போட்டிகளில் (16684 ரன், 43 சதம்) சேர்த்து மொத்தம் 29 ஆயிரம்
ரன்களுக்கு மேல் குவித்துள்ள வீரராக வலம் வருகிறார். தனது சாதனை பயணத்
துக்கு சிறப்பான பேட்டிங் நுணுக்கம் தான் காரணம் என்கிறார் சச்சின். இது குறித்து அவர் கூறியது:இந்தியாவின் சுனில் கவாஸ்கர், வெஸ்ட் இண்டீசின் விவியன் ரிச்சர்ட்சின் ஆட்டம் என்னை மிகவும் கவர்ந் தன. கவாஸ்கர் போல நிலைத்து நின்று ஆடவும், ரிச்சர்ட்ஸ் போல அதிரடியாக ஆடவும் விரும்பினேன்.

இருவரது பேட்டிங் நுணுக்கங்களையும் இணைத்து செயல்படுத்துவது என முடிவு
செய்தேன். இது தான் எனது பேட்டிங் ஸ்டைல். தேவையில்லை: என்னை யாரும்
கிரிக்கெட் விளையாட ஊக்குவிக்கத் தேவையில்லை. அதை நான்
விரும்பவும்இல்லை.கிரிக்கெட் மீது கொண்ட ஈடுபாடு இயற் கையாகவே எனக்குள்
கொழுந்து விட்டுஎரிகிறது. போட்டிகளில் இந்திய அணி வெற்றி பெறும் போது,
எனது கிரிக் கெட் ஆசை அதிகரித்துக் கொண்டே போகிறது. கடந்த 20 ஆண்டுகளாக
கிரிக்கெட் விளையாடிவருவதை பெருமையாகக்கருதுகிறேன். ஆனால் இன்னும் எனது வேட்கை குறையவில்லை. இனி மேலும் சிறப்பாக செயல்பட வேண்டும் என்றே நினைக்கிறேன்.

தூங்காத இரவுகள்: ஒவ்வொரு போட்டியிலும் அதிக ரன் குவிக்க
வேண்டும் என்று விரும்புவேன். பள்ளிக் காலங்களில் ஒரு போட்டியில்100 ரன்
அடித்தால், அடுத்த போட்டியில் 150 ரன்கள் குவிக்க வேண்டும் என நினைப்பேன்.
அடிக்கமுடிவில்லை என்றால், அன்று இரவு எனக்கு தூக்கம் வராது. வெற்றிக்கு
வழி: அணி வீரர்களுடன் இணைந்து செயல்படுவதேவெற்றிக்கு வழி வகுக்கும்.
அவர்களுடன் இணைந்து பயிற்சி செய்வது, அவர்களது திறமைகளை கண்டறிவது அணிக்கு பலன் அளிக்கும். இதன் மூலம் வீரர்களுக்கு நல்ல வழிகாட்ட முடியும்.
வீரர்களுக்காக தியாகம் செய்யும் போது, அணி வெற்றிப் பாதையில்பயணிக்க
துவங்கும். இவ்வாறு சச்சின் கூறினார்.

அவர் சொல்வது உண்மைதான்.7,8 வருடங்களுக்கு முன்பு கவாஸ்கர்‍ ரிச்சர்ட்ஸ் கலவை சதவீதம் 30:70 என்ற வீதத்தில் இருந்தது. ஆனால் இப்போ 80:20 என்று உள்ளது.