பிரித்தானியா மீண்டும் இலங்கைக்கு ஆப்பு !

இந்து · இந்து Fri 18 Mar 2011 - 23:18

இலங்கைத்தீவில் இடம்பெற்ற போர்க்குற்றம் தொடர்பாக அனைத்துலக சுயாதீன போர்க்குற்ற விசாரணை மேற்கொள்ளப்பட வேண்டும் என, ‘தமிழ் மக்களிற்கான அனைத்துக்கட்சி நாடாளுமன்றக் குழு’(பிரித்தானியா) கோரிக்கை விடுத்திருக்கின்றது. நாடாளுமன்ற கட்டிடத்தில் 16.3.11 நடைபெற்ற கூட்டத்தின் விரிவு பின்வருமாறு :

போர்க்குற்றம் தொடர்பான குற்றச்சாட்டுக்களை விசாரணை செய்ய வேண்டும் என வலியுறுத்தி அமெரிக்க செனட்சபை அண்மையில் தீர்மானம் ஒன்றை நிறைவேற்றிருந்தது. போரில் இரு தரப்பினாலும் இழைக்கப்பட்ட குற்றங்கள், வன்முறைகள் தொடர்பாக அமெரிக்கா முறையான விசாரணையை வலியுறுத்துவதாக, அமெரிக்காவின் மத்திய - தெற்காசிய விவகாரங்களுக்கான துணைச் செயலர் றொபேட் ஓ பிளேக் கூறியுள்ளார் என்பது சுட்டிக்காட்டப்பட்டது. அத்துடன், சிறீலங்காவின் நல்லிணக்க ஆணைக்குழு அதனை முறையாகச் செய்ய வேண்டும் என சந்தர்ப்பமும் வழங்கியிருக்கின்றார். இந்த விடயத்தில் சிறீலங்கா அரசாங்கம் கவனம் செலுத்தத் தவறினால், அனைத்துலக நாடுகளின் முடிவுக்கான அழுத்தத்தை பன்னாட்டு சமூகம் கொடுக்கும் என்று கூறப்பட்டது.

றொபேட் ஓ பிளேக்கின் அண்மைய இந்தக் கருத்துக்கள் பற்றிக்கூறிய பிரித்தானிய ஆளும் மரபுவாதக் கட்சியின் இல்போர்ட் வடக்கு நாடாளுமன்ற அங்கத்தவரும், ‘தமிழ் மக்களிற்கான அனைத்துக்கட்சி நாடாளுமன்றக் குழுவின்’ தலைவருமான லீ ஸ்கொட், போர்க்குற்றம் தொடர்பாக அனைத்துலக சுயாதீன விசாரணையே பன்னாட்டு சமூகத்தைத் திருப்திப்படுத்தும் எனக்கூறினார். பன்னாட்டு விதிமுறைகளை மீறினால் சிறீலங்கா அரசாங்கம் அனைத்துலக பொருண்மியத் தடையை எதிர்கொள்ள நேரிடும் எனவும் அவர் தெரிவித்தார். இலங்கைத்தீவில் இடம்பெற்ற மனித குலம், மற்றும் மனித உரிமை மீறல்களுக்கு எதிராக தொடர்ச்சியாகக் குரல்கொடுத்து வந்திருக்கும் நாடாளுமன்ற அங்கத்தவர் லீ ஸ்கொட், தமக்கு இழைக்கப்பட்ட குற்றங்களுக்கான நீதிக்காக தமிழ் மக்கள் நீண்ட காலம் காத்திருப்பதாகச் சுட்டிக்காட்டினார்.

அரச அதிபர் மகிந்த ராஜபக்ச ஆட்சியில், தமிழ் மக்களிற்கு எதிராக மட்டுமன்றி சிங்கள புத்திஜீவிகள், ஊடகவியலாளர்கள், மனித உரிமை செயற்பாட்டாளர்கள் ஆகியோருக்கு எதிராகவும் நிலமை மிகவும் மோசமடைந்துள்ளது. மனித உரிமைகள் கண்காணிப்பகம், அனைத்துலக சர்ச்சைகள் குழு போன்ற மதிக்கப்படும் மனித உரிமை அமைப்புக்கள், பிரித்தானியா, அமெரிக்கா போன்ற நாடுகள் கடுமையான நடவடிக்கை எடுக்க வேண்டும் என எதிர்பார்க்கின்றன. சிறீலங்காவுடன் நட்புறவு, மற்றும் வர்த்தக உறவைக் கொண்டிருப்பது தவறான முடிவு என, ஐரோப்பிய நாடுகளின் தலைவர்களில் எமது பிரதமர் மட்டுமே முதன்முதலில் பகிரங்கமாக ஒப்புக்கொண்டிருந்தார். போரிற்குப் பின்னரான நிலையை உற்றுநோக்கினால் சிறீலங்கா அரசாங்கம் அடக்குமுறையை அதிகரித்துக்கொண்டு செல்வது தெரிகின்றது.

எனவே ஐரோப்பிய நட்பு நாடுகள், அமெரிக்கா, இந்தியா ஆகிய நாடுகளை இணைத்துக்கொண்டு பிரித்தானியா இந்த விடயத்தில் விரைந்து செயற்படுவது அவசியமாகும். இந்த நிலமைகளை ‘தமிழ் மக்களிற்கான அனைத்துக்கட்சி நாடாளுமன்றக்குழு’ மிக உன்னிப்பாக அவதானித்து வருவதுடன், அனைத்துலக கவனத்தை ஈர்ப்பதற்கான தன்னாலான அனைத்துப் பணிகளையும் மேற்கொள்ளும் என ‘தமிழ் மக்களிற்கான அனைத்துக்கட்சி நாடாளுமன்றக் குழு’ வெளியிட்டுள்ள அறிக்கையில் தெரிவிக்கப்பட்டுள்ளது.

தமிழ் மக்களிற்கான அனைத்துக்கட்சி நாடாளுமன்றக் குழுவின் உப தலைவர்களாக தொழிற்கட்சியைச் சேர்ந்த நாடாளுமன்ற அங்கத்தவர்கள் விரேந்திர சர்மா, சியோபன் மக்டொனா, மற்றும் ஆளும் கூட்டணியிலுள்ள தாராண்மைவாதக் கட்சியின் பிரதானியும், நாடாளுமன்ற அங்கத்தவருமான சைமன் ஹியூஸ் ஆகியோரும், செயலா மற்றும் பொருண்மியலாளராக கெவின் பார்வெல் உள்ளார்.

பிரித்தானியா மீண்டும் இலங்கைக்கு ஆப்பு !

பிரித்தானியா மீண்டும் இலங்கைக்கு ஆப்பு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக