அதிமுகவுக்கு எதிராக போராட்டம் வேண்டாம்: வைகோ அறிவிப்பால் தொண்டர்கள் குழப்பம்

கோவை ராம் · கோவை ராம் Fri Mar 18, 2011 5:28 pm

மூன்றாவது அணி தொடர்பான கூட்டத்தில் பங்கேற்பார் என்று எதிர்பார்க்கப்பட்ட நிலையில், அதிமுக தலைமைக்கு எதிராக போராட்டம் நடத்த வேண்டாம் என்று வைகோ கூறியிருப்பது மதிமுக தொண்டர்களிடம் குழப்பத்தை ஏற்படுத்தியுள்ளது.

மதிமுகவுக்கு தேர்தல் ஆணையத்தின் அங்கீகாரம் கிடைக்க வேண்டுமெனில், குறைந்த பட்சம் 21 தொகுதிகளிலாவது போட்டியிட வேண்டும். ஆகையால் மதிமுகவுக்கு 21 தொகுதிகள் ஒதுக்க வேண்டும் என்று அதிமுகவிடம் மதிமுக பொதுச்செயலாளர் வைகோ வலியுறுத்தி வந்தார்.

ஆனால் மார்ச் 16ஆம் தேதி மாலை திடீரென்று 160 தொகுதிகளுக்கு வேட்பாளர்களை ஜெயலலிதா அறிவித்தார். (அதிமுக 160, தேமுதிக 41, மார்க்சிஸ்ட் 12, இ.கம்யூ., 10, மனித நேய மக்கள் கட்சி 3, புதிய தமிழகம் 2, சமத்துவ மக்கள் கட்சி 2, அகில இந்திய மூவேந்தர் முன்னணி கழகம் 2, இந்திய குடியரசுக் கட்சி 1, அகில இந்திய பார்வர்டு பிளாக் கட்சி 1, கொங்கு இளைஞர் பேரவைக்கு 1 தொகுதி) ஜெயலலிதாவின் அறிவிப்பை பார்த்தால் மதிமுகவுக்கு தொகுதிகள் ஒதுக்கப்படவில்லை.

இதையடுத்து தேனியில் ஒன்று கூடிய மதிமுகவினர் அதிமுக பொதுச்செயலாளர் ஜெயலலிதாவின் உருவபொம்மையை எரித்து ஆர்ப்பாட்டத்தில் ஈடுபட்டனர். ஐந்தரை ஆண்டுகாலம் அதிமுக கூட்டணியில் நம்பிக்கைக்கு உரிய கட்சியாக இருந்த மதிமுகவுக்கு ஒற்றை எண் இலக்கத்தில் தொகுதிகளை ஒதுக்க வந்தது தவறு என்றும், இனி ஒருபோதும் அதிமுக கூட்டணியில் மதிமுக இடம்பெறாது என்று மதிமுகவினர் கூறினர். இதேபோல் ஜெயலலிதாவின் தாம்பரத்திலும் உருவபொம்மையை எரித்து ஆர்ப்பாட்டத்தில் ஈடுபட்டனர்.

நெல்லையில் நடைபெறவுள்ள மதிமுக கூட்டத்தில் கலந்துகொள்ளாமல் சென்னையில் தங்கியுள்ள வைகோ, அதிமுக தலைமையை அணுகாமலும், மூன்றாவது அணியின் கூட்டத்திலும் பங்கேற்காமலும் இருந்து வருகிறார்.

இந்நிலையில் வைகோ வெளியிட்டுள்ள அறிக்கையில், அதிமுகவுடனான பேச்சுவார்த்தையில் மதிமுக கண்ணியத்தை கடைப்பிடிக்கிறது. இந்நிலையில் தாம்பரம் மற்றும் தேனியில் ஜெயலலிதாவின் உருவபொம்மை எரிக்கப்பட்டுள்ளது கண்டனத்துக்குரியது. இத்தகைய செயல்களில் மதிமுக தொண்டர்கள் ஈடுபடக் கூடாது என்று கூறியுள்ளார்.

அதிமுக கூட்டணியில் தொகுதிகள் ஓதுக்கப்படாததை அடுத்து, மூன்றாவது அணி தொடர்பான கூட்டத்தில் பங்கேற்பார் என்று எதிர்பார்க்கப்பட்ட நிலையில், அதிமுக தலைமைக்கு எதிராக போராட்டம் நடத்த வேண்டாம் என்று வைகோ கூறியிருப்பது மதிமுக தொண்டர்களிடம் குழப்பத்தை ஏற்படுத்தியுள்ளது.

நன்றி நக்கீரன்

ராம்

அதிமுகவுக்கு எதிராக போராட்டம் வேண்டாம்: வைகோ அறிவிப்பால் தொண்டர்கள் குழப்பம்

அதிமுகவுக்கு எதிராக போராட்டம் வேண்டாம்: வைகோ அறிவிப்பால் தொண்டர்கள் குழப்பம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக