"மீனவ சமூக மக்களின் ஒத்துழைப்புடன் வெற்றி'

"மீனவ சமூக மக்களின் ஒத்துழைப்புடன் வெற்றி'
கடலூர் மாவட்டம் சோனங்குப்பம் மீனவக்குப்பத்தின் முதல் பட்டதாரிப்
பெண்ணும், தமிழாசிரியரும், புதுச்சேரி மீனவப் பெண்கள் முன்னேற்ற அமைப்பின்
தலைவியுமான செல்வகுமாரி: என் கணவர் நெய்தல் ஜெயபால், மகள் ரோ ஷிணி.
இவங்களோட ஒத்துழைப்புடன், எங்களோட மீனவ மக்களுக்காக, பல போராட்டங்களை முன்னெடுத்து சென்றுள்ளேன். ரெண்டு போராட் டங்கள்ல எங்களுக்கு கெடைச்ச வெற்றி, எங்களால மறக்க முடியாதது. எல்லா நேரத்துலயும் கடல்ல மீன் பிடிக்க போக முடியாது. சில நாட்கள்ல இயற் கை இடையூறுகளால கடலுக்குள்ள போக மாட்டாங்க. அந்த 45 நாள் மீனவக் குடும் பங்கள் சாப்பாட்டுக்கு என்ன செய்யும்? அப்ப, அரசு உதவி எதுவும் கிடையாது.

எங்க சுத்துல 16 மீனவக் குடும்பங் களை ஒன்றிணைச்சு போராடினோம். புதுச்சேரி சட்டசபை முன்பா 16 நாள் பட்டினி போராட்டம் நடத்தினோம். மீனவர்களுக்கு உதவ, புதுச்சேரி அரசு முன்வந்தது. அந்த 45 நாட்களுக்கு மீனவக் குடும்பம் ஒன்றுக்கு 100 கிலோ அரிசியும், 500 ரூபாய் பணமும் தர்றதா அறிவிப்பு வெளியிட்டது. இந்த அரசு
உதவியை, கடந்த ஆறு வருஷமா அந்த தடை செய்யப் பட்ட மாதங்கள்ல, எங்களோட மீனவக் குடும்பங்கள் வாங்கி பயனடைஞ்சு வருது. பாண்டிச்சேரி தேங்காய் திட்டு துறைமுகத்தை, செயற்கை துறைமுகமா மாற்றி, உல்லாச மையமாக செயல்படுத்த திட்டமிட்டு, நேரில் வந்து ஆய்வு செய்தது, குஜராத்தின், அலுவாலியா நிறுவனம். அதற்கு, மத்திய அரசின் ஒப்புதலும் கிடைத்து விட் டது.
அங்கிருந்து தான், எங்கள் மீனவர் களின் படகுகள் கிளம் பும். அது உல்லாச
மையமாக மாறிவிட்டால், மீனவக் குடும்பங்களின் தினசரி உலை கொதிப்பது கனவாகி போய் விடும். அதனால், வெகுண் டெழுந்து, விழிப்புணர்வு பிரசாரம், தொடர் போராட்டம் நடத்தினோம். 1,000 பெண்களுடன், சட்டசபையை முற்றுகையிட்டோம். சென்னை வந்திருந்த மத்திய அமைச்சர்களை சந்தித்து முறையிட் டோம். அந்த திட்டம் நிறுத்தி வைக்கப்பட்டு விட்டது.