துணைவேந்தர் மீது புகார் : லஞ்ச ஒழிப்பு போலீஸ் எப்.ஐ.ஆரில் பகீர்..!!!

சென்னை: சஸ்பெண்ட் செய்யப் பட்ட கோவை அண்ணா பல்கலைக்கழக துணைவேந்தர் ராதாகிருஷ்ணன், 55 ஆயிரம் ரூபாய் சம்பளம் பெற்றுவந்த நிலையில், கோடிகளில் சொத்துக் களை குவித்திருப்பது போலீசாரை மட்டுமின்றி, உயர்கல்வித் துறையிலும் பலரை அதிர்ச்சியில் ஆழ்த்தியுள்ளது.


ராதாகிருஷ்ணன் மீது கோவை லஞ்ச ஒழிப்பு போலீஸ் இன்ஸ்பெக்டர் தட்சிணாமூர்த்தி பதிவு செய்துள்ள எப்.ஐ.ஆரில் கூறியிருப்பதாவது:கோவை
அண்ணா பல்கலைக்கழகத்தின் துணைவேந்தராக ராதாகிருஷ் ணன் 2007 பிப்ரவரி 9ம்
தேதி பதவியேற்றார். அவர் ஒரு பொது ஊழியர்.ஊழல் தடுப்பு சட்டம் அவருக்கும்
பொருந்தும். ராதாகிருஷ்ணன் மீது பல்வேறு குற்றச்சாட்டுகள் எழுந்ததைத்
தொடர்ந்து, நடத்தப்பட்ட விசாரணையில் பல தகவல்கள் கிடைத்துள்ளன.கோவை அண்ணா பல்கலைக் கழகத்தின் கீழ் 103 பொறியியல் கல்லூரிகள் இயங்கி வருகின்றன. இந்த ஆண்டு கோவை அண்ணா பல்கலைக் கழகத்தின் கீழ் புதிதாக 50 பொறியியல் கல்லூரிகள் துவக்கப்படும் எனத் தெரிகிறது.


ஒவ்வொரு ஆண்டும் இக்கல்லூரிகள் அண்ணா பல்கலைக்கழகத்தில் இணைப்புப் பெற
வேண்டும்.பாடப்பிரிவுகளுக்கு இணைப்பு வழங்க, கல்லூரி தலைவர்களிடம்
ராதாகிருஷ்ணன் மூன்று லட்சம் ரூபாய் லஞ்சம் பெற்றுள்ளார். புது கல்லூரிகளில் 10 லட்சம் ரூபாய் வரையும் லஞ்சமாக பெறப்பட்டுள்ளது.நீலாம்பூரில் உள்ள ஸ்ரீசக்தி இன்ஸ்டிடியூட் ஆப் டெக்னாலஜி, அவினாசியில் உள்ள மகாராஜா இன்ஸ்டிடியூட் ஆப் டெக் னாலஜி, குமாரபாளைத்தில் உள்ள எக்செல் பொறியியல் கல்லூரி, திருச்செங்கோடு மகேந்திரா பொறியியல் கல் லூரி, தர்மபுரி ஜெயம் பொறியியல் கல்லூரி, பொள்ளாச்சி பி.ஏ., பொறியியல் கல்லூரி, கோவை ரங்கநாதன் பொறியியல் கல்லூரி, ஈரோடு நாச்சிமுத்து ஜெகதாம்பாள் பொறியியல் கல்லூரி ஆகிய எட்டு கல்லூரிகளில் இணைப்பு வழங்க ராதாகிருஷ்ணன் லஞ்சம் பெற்றுள்ளார்.


ஈரோட்டை சேர்ந்த செந்தில்குமார் என்பவருக்கு, "டியூவல் டெஸ்க்' வாங்க குறைந்தபட்ச டெண்டர் வழங்க ராதாகிருஷ்ணன் 40 ஆயிரம் ரூபாய் லஞ்சம்
பெற்றுள்ளார்.இவரிடம் ஒரு லட்சம் ரூபாய் லஞ்சமாக கேட்கப்பட்டு, பின்
அத்தொகை 40 ஆயிரம் ரூபாயாக குறைக்கப்பட்டுள்ளது.கோவையைச் சேர்ந்த ஜேசு
என்பவரிடம், "இன்டீரியர் டிசைன்' பணிக்கான டெண்டர் தொகையை 25 சதவீதம்
உயர்த்தி கேட்குமாறு கோரியுள்ளார். இதற்கு முதலில் மறுத்த ஜேசு, பின்
ஒப்புக்கொண் டுள்ளார். ஜேசுவிடமிருந்து, ராதாகிருஷ்ணன் நான்கு லட்சம்
ரூபாய் லஞ்சமாகப் பெற்றுள்ளார்.


கோவை அண்ணா பல்கலைக் கழகத்தின் கட்டுப் பாட்டில் இயங்கும் அனைத்து பொறியியல் கல்லூரிகளும், "ரயில் டெல்' என்ற தனியார் நிறுவனத்திடம் தான் இணையதள வசதியைப் பெற வேண்டும் என்றும், அப்படி பெறாத கல்லூரிகளுக்கு பல்கலை இணைப்பு வழங்கப் படாது என்றும் மிரட்டியுள்ளார்.இதற்கு, "ரயில் டெல்'
நிறுவனத்திடமிருந்து லஞ்சம் வாங்கும் குறிக் கோள் தான் காரணமாகத்
தெரிகிறது. "ஆன்-லைன்' மூலம் தேர்வு நடத்துவது, விடைத்தாள் திருத்துவது
ஆகிய பணிகளுக்காக ஒவ்வொரு கல்லூரியும், "மைன்ட் லாஜிக்' நிறுவனத்திற்கு 40
லட்சம் ரூபாய் செலவு செய்ய வேண்டும் என வற்புறுத்தியுள்ளார். இந்நிறுவனத்திற்கு பல்கலைக் கழகத்திலிருந்து நான்கு கோடி ரூபாய்
வழங்கப்பட்டுள்ளது.


ஆனால், இதுவரை தேர்வு, "ஆன்-லைன்' மூலம் தேர்வு நடத்தப்படாததுடன், விடைத்தாள் திருத் தும் பணியும் இம்முறையில் நடக்கவில்லை.சிங்கப்பூரிலிருந்து
பயன்படுத்தப்பட்ட சி.என்.சி., இயந்திரங்களை வாங்கியதிலும் பல முறைகேடுகள்
நடந் துள்ளன. 2007ம் ஆண்டு ஜூலை 1ம் தேதி நிலவரப்படி, ராதாகிருஷ்ணனின்
சொத்து மதிப்பு ஆறு லட்சம் ரூபாய் மட்டுமே. 2007ம் ஆண்டு ஜூலை 1ம் தேதி
முதல் 2008ம் ஆண்டு நவம்பர் 30ம் தேதி வரை ராதாகிருஷ்ணன், வீட்டுமனை
மற்றும் விவசாய நிலம் என இரண்டு கோடியே, 29 லட்சத்து 32 ஆயிரத்து 945
ரூபாய் மதிப்பிலான சொத்துக்களை வாங்கியுள்ளார். மனைவி நிர்வாக அறங்காவலராக உள்ள அறக்கட்டளையின் மூலம் ஒரு கோடியே 50 லட்சம் ரூபாய் மதிப்பிலான சொத்துக்கள் வாங்கப்பட்டுள்ளன.மனைவி அமிர்த சஞ்சீவி பெயரில் இரண்டு கோடியே 26 லட்சம் ரூபாய் மதிப்பிலான சொத்துக் களை வாங்கியுள்ளார். ராதாகிருஷ்ணன் தனது வருமானத்தை விட அதிகளவில் சொத்துக்களை சேர்த் துள்ளார்.இவ்வாறு எப்.ஐ.ஆரில் கூறப்பட்டுள்ளது.


பல்கலைக் கழக துணைவேந்தருக்கு மாதம் 50 ஆயிரம் முதல் 55 ஆயிரம் ரூபாய் வரை மொத்த சம்பளம் கிடைக்கும். ஆனால், சஸ்பெண்ட் செய்யப்பட்ட துணைவேந்தர் ராதாகிருஷ்ணன், கோடிகளில் சொத்துக் களை வாங்கிக் குவித்திருப்பது பலரையும் அதிர்ச்சியில் ஆழ்த்தியுள்ளது.மேலும், ராதாகிருஷ்ணன் லஞ்சமாக பெற்ற பணத்தில் பலரும் பங்கு பெற்றிருப்பதாகவும், இதனால், லஞ்ச ஒழிப்புத் துறை போலீசாரின் பிடியில் தாங்களும் சிக்குவோமோ என்ற அச்சத்தில் அவர்கள் இருப்பதாகவும் கூறப்படுகிறது.