அரியகுளம் சுந்தரவல்லி அம்மன் கோயிலில் கும்பாபிஷேகம்...

மஞ்சுபாஷிணி · மஞ்சுபாஷிணி Fri Mar 18, 2011 9:13 am

திருநெல்வேலி : பாளை., அரியகுளம் சுந்தரவல்லி அம்பாள் கோயிலில் இன்று (18ம் தேதி) கும்பாபிஷேக விழா நடக்கிறது. பாளை., அரியகுளம் சுந்தரவல்லி அம்பாள் கோயில் கும்பாபிஷேக விழா கடந்த 16ம் தேதி கணபதிஹோமத்துடன் துவங்கியது. நவக்கிர ஹோமம், சுதர்ஸன ஹோமம், லட்சுமி பூஜை, வாஸ்துசாந்தி ஆகியவை நடந்தது. அன்று முதல் யாகசாலை பூஜைகள், மருந்து சாத்துதல் நடந்தது. கும்பாபிஷேக விழாவை முன்னிட்டு நேற்று மாலை சிவலிங்கேஸ்வர சுவாமிகள் சிறப்பு சொற்பொழிவு நடந்தது. கும்பாபிஷேக விழாவான இன்று (18ம் தேதி) காலை யாகசாலை பூஜை, கும்பத்தில் இருந்து தர்ப்பை கயிறு மூலம் அம்பாளை பிம்பத்தில் சேர்த்தல், காலை 8.30 மணிக்கு கும்பம் புறப்பாடு நடக்கிறது. காலை 9.15 மணிக்கு கும்பாபிஷேகம் நடக்கிறது. 9.30 மணிக்கு மேல் 10 மணிக்குள் மூலஸ்தான கும்பாபிஷேகம் நடக்கிறது. பகல் 11 மணிக்கு எட்டாயிரத்து ஒன்று நபர்களுக்கு அன்னதானம் வழங்கப்படுகிறது. கும்பாபிஷேக விழாவில் சுவாமி சங்கரானந்தா, அரியகுளம் பஞ்., தலைவர் பேச்சிமுத்து (எ) ராஜ் முன்னிலை வகிக்கின்றனர். கும்பாபிஷேகத்தை நெல்லை டவுன் கண்ணன் சாஸ்திரி நடத்திவைக்கிறார். இன்று இரவு பாம்பே சாரதா பக்தி இன்னிசை கச்சேரி நடக்கிறது. பாலசுப்பிரமணியன் குழுவினரின் நாதஸ்வர இன்னிசை, பாலா குழுவினரின் பஞ்சவாத்யம், செண்டை மேளம், யானை ஊர்வலம், வான வேடிக்கை நடக்கிறது.

நன்றி தினமலர்.

**Manik** · **Manik** Fri Mar 18, 2011 9:18 am

அதென்ன அக்கா கணக்கா 8001 நபர்களுக்கு அன்னதானம் எதுவும் நேத்திக்கடனா இருக்குமோ

அரியகுளம் சுந்தரவல்லி அம்மன் கோயிலில் கும்பாபிஷேகம்...

அரியகுளம் சுந்தரவல்லி அம்மன் கோயிலில் கும்பாபிஷேகம்...

Re: அரியகுளம் சுந்தரவல்லி அம்மன் கோயிலில் கும்பாபிஷேகம்...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக