இரண்டு பச்சை காகிதங்களில் சீல் வசதி..பார்வையற்றோருக்கு ப்ரெயிலி முறை..

திருநெல்வேலி : சட்டசபை தேர்தலுக்கு நவீன எலக்ட்ரானிக் ஓட்டுப்பதிவு இயந்திரங்கள் பயன்படுத்தப்படுகிறது. பார்வையற்றோர் ஓட்டு போட வசதியாக இயந்திரங்களில் "பிரெய்லி' எழுத்து வடிவம் பொறிக்கப்பட்டுள்ளது. தமிழக சட்டசபை தேர்தல் வரும் ஏப்ரல் மாதம் 13ம் தேதி நடக்கிறது. இத்தேர்தலுக்கான வேட்பு மனுத்தாக்கல் நாளை (19ம் தேத) முதல் ஆரம்பமாகிறது. வரும் சட்டசபை தேர்தலில் 2006ம் ஆண்டு பிறகு தயாரிக்கப்பட்ட எலக்ட்ரானிக் ஓட்டுப்பதிவு இயந்திரங்கள் பயன்படுத்தப்படுகிறது. முந்தைய தேர்தல்களில் இயந்திரங்களை இணைக்க அட்டை போன்ற வசதி பயன்படுத்தப்பட்டது. ஆனால் இந்த தேர்தலில் கேபிள் மூலம் இயந்திரங்களை எளிதாக இணைக்க வசதி ஏற்படுத்தப்பட்டுள்ளது.



ஓட்டுப்பதிவு இயந்திரங்களில் முன்பு பச்சை காகிதம் ஒன்று "சீல்' வைத்தால் போதுமானது. ஆனால் தற்போது 2 பச்சை காகிதங்களில் சீல் வைக்க வேண்டும். முந்தைய தேர்தல்களில் பார்வையற்றவர்கள் ஓட்டு போட வேண்டும் என்றால் அட்டை கொடுக்கப்பட்டு அதன் மூலம் ஓட்டுப்பதிவு செய்ய வசதி செய்யப்பட்டிருந்தது. ஆனல் தற்போது இயந்திரங்களில் வலது புறத்தில் "பிரெய்லி' வடிவத்தில் வேட்பாளர்கள் பெயர் பொறிக்கப்பட்ட வசதி செய்யப்பட்டுள்ளது. முந்தைய தேர்தலில் ஓட்டுப்பதிவு இயந்திரங்கள் ஓட்டுப்பதிவு நேரம் தெரியாது. ஆனால் தற்போது ஓட்டுப்பதிவு நேரம் இயந்திரங்களில் தெரியும் வகையில் வசதி செய்யப்பட்டுள்ளது. ஓட்டுப்பதிவு காலை 8 மணிக்கு ஆரம்பமாகி மாலை 5 மணிக்கு முடிவடைகிறது. மின்னணு எலக்ட்ரானிக் ஓட்டுப்பதிவு இயந்திரங்களை பொதுமக்கள் மத்தியில் விழிப்புணர்வை ஏற்படுத்த ஒரு தொகுதிக்கு 5 வீதமும், தேர்தல் பணியில் ஈடுபடும் அலுவலர்களின் பயிற்சிக்கு ஒரு தொகுதிக்கு 10 வீதமும் வங்கப்பட்டுள்ளது. இந்த இயந்திரங்கள் ஓட்டுப்பதிவுக்கு பயன்படுத்தப்பட மாட்டாது. பயிற்சிக்கான எலக்ட்ரானிக் ஓட்டுப்பதிவு இயந்திரங்களில் "பயிற்சிக்கான இயந்திரங்கள்' என ஸ்டிக்கர் ஒட்டப்பட்டுள்ளது.

நன்றி தினமலர்.

இது ஒரு நல்ல முயற்சி அக்கா