முதல்வருடன் மோதும் அ.தி.மு.க., வேட்பாளர் ராஜேந்திரன்

திருவாரூரில் முதல்வர் கருணாநிதி போட்டியிடுவதால், அவரை எதிர்த்து போட்டியிட பணம், படைபலம், பின்வாங்காத மனநிலை கொண்ட வேட்பாளரை அ.தி.மு.க., தலைமை முன்னதாகவே அறிவித்துள்ளது. திருவாரூரில் முதல்வரை எதிர்க்கும் திறன் கொண்ட குடவாசல் ராஜேந்திரனை, அ.தி.மு.க., வேட்பாளராக அறிவித்தது. அவருக்கு பல பின்புலங்கள், பக்கபலங்கள் உண்டு.

ஆரம்ப காலம் முதல் அ.தி.மு.க., விசுவாசியான குடவாசல் ராஜேந்திரன், இளம் வயதுமுதல் தைரியசாலி. எந்த பிரச்னையிலும், "கை' வைக்காமல் திரும்புவதில்லை. தற்போது குடவாசல் ஒன்றிய செயலராக உள்ளார். கடந்த 1992ல் தங்கல் திட்டம் (உலக வர்த்தக அமைப்பு தொடர்பானது) அறிவிக்கப்பட்டபோது, மார்க்சிஸ்ட் கட்சி அதை எதிர்த்து போராட்டம் நடத்தியது. அப்போது, இருந்த அ.தி.மு.க., ஆட்சிக்கு இப்போராட்டம் களங்கத்தை ஏற்படுத்தும் எனக்கருதி, குடவாசலில் நடந்த மார்க்சிஸ்ட் கட்சி போராட்டத்தில் புகுந்து சிலர் தாக்குதல் நடத்தினர். அதில், மா. கம்யூ., பிரமுகர் தங்கையன் அடித்து கொல்லப்பட்டார். அவ்வழக்கில் சிக்கிய குடவாசல் ராஜேந்திரன், போதிய சாட்சியின்றி விடுதலையானார். 1997ல் திருவாரூர் மாவட்டம் பிரிக்கப்பட்ட போது மாவட்டச் செயலராக நியமிக்கப்பட்டார்.

கடந்த 1998 மே 12ம் தேதி திருவாரூரில் மதுபானக்கடை ஏலம் எடுப்பதில் ஏற்பட்ட பிரச்னையில், பா.ஜ., இளைஞரணி அமைப்பாளர் குமரனை, திருவாரூர் மேலக்கடைத்தெருவில் ஒரு கும்பல் கொலை செய்தது. இவ்வழக்கிலும் குடவாசல் ராஜேந்திரன் மீது வழக்கு பதிவாகி, சாட்சியின்றி விடுவிக்கப்பட்டார். கடந்த 2007ல் திருவாரூர் மாவட்ட விடுதலைச் சிறுத்தைகள் கட்சி மாவட்ட செயலர் இனியன் கொலை வழக்கிலும் இவர் மீது வழக்கு பதிவானது. அவ்வழக்கு விசாரணையில், ஒரு போலீஸ்காரருடன் இனியனுக்கு பணம் கொடுக்கல் வாங்கலால் கொலை நடந்தது என, தெரியவந்ததால் இவர் விடுவிக்கப்பட்டார்.

இப்பிரச்னைகளுக்கு இடையே அ.தி.மு.க.,வில் அவர் பலம் வாய்ந்தவராக திகழ்ந்ததால், அவர் திருவாரூர் மாவட்ட செயலராக தொடர்ந்தார். 1998ல் குமரன் கொலை வழக்கில் இவர் கைதாகி திருச்சி மத்திய சிறையில் அடைக்கப்பட்டபோது, திருச்சிக்கு வந்த ஜெயலலிதா, திருச்சி மத்திய சிறைக்கு காரில் சென்று, அரை கிலோ மீட்டர் தூரம் சிறைக்குள் நடந்து சென்று இவரை நேரில் சந்தித்து ஆறுதல் கூறினார். இதற்கிடையில், 2007ல் இவர் மீது அ.தி.மு.க.,வினர் கூறிய பல்வேறு குற்றச்சாட்டால், இவரது மாவட்ட செயலர் பதவி பறிக்கப்பட்டு, காமராஜ், மாவட்ட செயலராக நியமிக்கப்பட்டார்.

இந்த தேர்தலில் முதல்வர் கருணாநிதி திருவாரூரில் போட்டியிடுகிறார் என அறிந்து, திருவாரூர் மாவட்ட தி.மு.க., செயலர் கலைவாணன் மற்றும் ஆளும் கட்சியினர் படைபலம், பணபலத்தை எதிர்த்து மோத சரியான ஆள் தேவை என கருதிய ஜெயலலிதா, குடவாசல் ராஜேந்திரனை களத்தில் இறக்கி உள்ளார்.

தி.மு.க., ஆளும் கட்சி என்ற ரீதியில் என்ன செய்தாலும், அதை திரும்ப செய்யக்கூடியவர் ராஜேந்திரன் என்பதால், திருவாரூர் தேர்தல் முதல்வர் கருணாநிதிக்கு, இதற்கு முன் அவர் சந்தித்த வழக்கமான தேர்தலாக இருக்காது. எது மாதிரியும் இல்லாத புது மாதிரியான தேர்தலாக இருக்கும் என அ.தி.மு.க.,வினர் கருதுகின்றனர்.

ராஜேந்திரனுக்கு ஒரு பழமொழி:
தோல்வியே வெற்றிக்கு முதல் படி.

என்ன நடக்கும் என்று பொறுத்திருந்து பார்ப்போம்

அறிமுக நாயகன்க்கு ஒரு பழமொழி

தலைகண திர்கும் தன்னம்பிக்கைக்கும் ஒரு எழுத்து தான் வித்தியாசம்

இது எதுக்கு

பதில் தர யாரும் இல்லை.தளத்தில் உள்ள அனைவர்க்கும் நன்றிகள்

இருங்க ஜனனி உங்களுக்கான பதில் நான் தருகிறேன்....

இந்தாங்க ஜனனி பதில்....

மற்ற தளங்களின் முகவரியை உங்களுடைய பதிவுகளில் விளம்பரப் பதிவாக இணைத்ததால் எச்சரிக்கைப் புள்ளி வழங்கப்பட்டது ஜனனி.....

இ த்தனை நாட்கள் உங்களுடன் பழக வாய்ப்பு அளித்ததற்கு நன்றிகள் .