ஜூன் மாதம் முதலே மங்காத்தா

தாமு · தாமு Fri Mar 18, 2011 9:41 am

நடிகர் அஜீத் நடித்து வரும் 50வது திரைப்படம் மங்காத்தா. இதனை வெங்கட்பிரபு இயக்க தயாநிதி அழகிரி தயாரித்து வருகிறார். இப்படத்தில் பாடல்களுக்கு யுவன் சங்கர் ராஜா இசையமைக்கிறார். பாடல்கள் விரைவில் வெளிவர உள்ளது.

அஜீத் பிறந்த நாளான மே 1 தேதி வெளியிடப்படும் என ஆரம்பிக்கப்பட்ட திரைப்படம் இப்பொழுது ஜூன் மாதம் தான் வெளியாகும் என வெங்கட்பிரபு தெரிவித்துள்ளார்.

இது குறித்து வெங்கட்பிரபு " படத்தில் நிறைய ஆக்ஷன் காட்சிகள் உள்ளன. அதனை மும்பையில் படமாக்க உள்ளோம். மும்பையில் இருந்து ஏப்ரல் இரண்டாம் வாரம் திரும்பி வர உள்ளோம்" என தெரிவித்துள்ளார்.

அது மட்டுமல்லாது இரண்டு பாடல்கள் வேறு படமாக்காமல் உள்ளது. ஆகையால் தயாரிப்பு தரப்பு ஜுன் மாதம் வெளியிடலாம் என தெரிவித்துள்ளதாக கூறுகிறார்கள் தமிழ் திரையுலகில்.

உலக கோப்பை போட்டிகள், தேர்தல், ஐ.பி.எல் போட்டிகள் என அனைத்தும் முடிந்தவுடன் ஜுன் மாதம் எந்த கவலையும் இல்லாமல் வெளியிடலாம் என்பதும் அவர்களுக்கு சாதகமாகவே உள்ளது என்கிறார்கள் 'மங்காத்தா' குழுவினர்.