"அழுகை வரவில்லையென்றால் இசையமைப்பதை நிறுத்திவிடுகிறேன்" இளையராஜா சவால்

md.thamim · md.thamim Fri Mar 18, 2011 12:44 am

சென்னை, மார்ச் 17 (டிஎன்எஸ்) இளையராஜா இசையில் உருவாகியிருக்கும்
'அழகர்சாமியின் குதிரை' படத்தின் இசை அண்மையில் சென்னையில்
வெளியிடப்பட்டது. இசை வெளியீட்டுக்குப் பிறகு பத்திரிகையாளர்களை
படக்குழுவினர் சந்தித்தனர். இதில் இளையராஜாவும் கலந்துகொண்டார்.

இளையராஜா
பேச ஆரம்பித்ததுமே நிகழ்ச்சி பரபரப்பாக துவங்கியது. காரணம் அவர்
ஆரம்பித்ததே சூப்பர் ஸ்டாரை வைத்துதான். இதில் முக்கிய வேடத்தில்
நடித்திருக்கும் அப்புக்குட்டியை பார்த்து. "நீ மேடை ஏறியபோது எவ்வளவு பேர்
கைதட்டினார்கள் பாத்தியா? ஆனால் அதனால நீ சூப்பர் ஸ்டாராக ஆகமுடியாது.
அதேபோல சூப்பர் ஸ்டாரல இந்த வேடத்தில் நடிக்க முடியுமா? அதுதான் படம்."
என்று பேச்சை துவங்கியவர். பூகம்பம் ஏன் வருகிறது. அதற்கும்
மனிதர்களுக்கும் என்ன சம்மந்தம் என்று எப்போதும் போல புரியாதவாரே பேசியவர்,

"இந்த
படத்திற்கு இப்போதுதான் பின்னணி இசை சேர்ப்பு வேலையை முடித்திருக்கிறேன்.
இப்போது கூட டைட்டில் இசை சேர்ப்பு பணியில்தான் இருந்தேன். இந்த படத்தின்
இசையை கேட்கும்போது மக்களின் கண்களில் இருந்து கண்ணீர் வரும். அப்படி
வரவில்லையென்றால் நான் இனி இசையமைப்பதையே நிறுத்தி விடுகிறேன்" என்றார்.
பிறகு எப்போதும்போல மறுபடியும் எதை எதையோ பேச ஆரம்பித்து இறுதியில்
'வெண்ணிலா கபடிக்குழு' படத்தின் போஸ்டர்களை பார்த்தபோதே அந்த படம் வெற்றி
பெறும் என்று நான் சொன்னவன். அதுபோல இந்த படமும் கண்டிப்பாக வெற்றிபெறும்."
என்றார். (டிஎன்எஸ்)

நன்றி :தமிழ் சென்னை ஆன்லைன்

"அழுகை வரவில்லையென்றால் இசையமைப்பதை நிறுத்திவிடுகிறேன்" இளையராஜா சவால்

"அழுகை வரவில்லையென்றால் இசையமைப்பதை நிறுத்திவிடுகிறேன்" இளையராஜா சவால்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக